Jesaea 3:24 - সান্তালী বাইবেল

²⁴ Mońj so bodolte bạṛicʼ so, ḍanḍa totolakʼ bodolte baber, mońj rokʼ nạkicʼ upʼ bodolte ceḍe, damanakʼ kicricʼ bodolte gõṛẽ kicricʼ, ar mońj rup bodolte lo reakʼ dag tahena.

Jesaea 3:24 Iomraidhean Croise

Ester 2:12

Ahasberos raj ṭhen kuṛikoakʼ calakʼ pạli ạuri seṭerokʼ hạbicʼ onko do mitʼ bochor rup baṛhao ocoytako reakʼ bebosta tahẽkana. Onko do turui cando gondhoros ar turui cando do jut so mosola ar sajaokʼ reakʼ jinisko beoharetʼ tahẽkana.

Jobakʼ 16:15

Ińakʼ harta cetanre gõṛẽ kicricʼ iń horokʼakada; ar ińakʼ bạḍại do dhuṛireń laplonḍe akatʼtińạ.

Kạhtukko 31:24

Uni maejiu do musnạ kicricʼ benao kateye ạkhrińeda; ar ḍanḍa paṭheakʼ kicricʼ do bạnij beparikoe emako kana.

Kạhtukko 7:17

Gondhoros, oguru ar darcinite aṭetʼiń mahkao ocoakatʼa.

Jesaea 15:2

Moabren hoṛko do rakʼjoṅ lạgitʼ Dibonakʼ mundilre ar than boṭkocʼkoreko rakapʼ akana. Onko do Nebo ar Medeba ńutumteko homor halaṅeda. Onko do jotoge bohokʼko hoyo munḍrạ akana ar goco hõko kaṭopʼ akatʼtakoa.

Jesaea 15:3

Ar kulhikore gõṛẽ kicricʼko horokʼ baṛayeda. Onko sanamkoge chat cetanre ar nagraha reakʼ dobạṭiạkoreko jare jarekʼkana. Ar ạḍitetʼko rakʼeda.

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jesaea 3:23

ạrsiko, mĩhĩ musnạ kicricʼko ar jhińjri ṭuṭurikoge.

Jesaea 4:4

Probhu Isor do acʼren Jiu hotete seṅgelte dhorom reakʼe bicạrkote Sionren maejiukoakʼ mạilạkoe ạrupʼ saphaetakoa ar Jerusalem khon mãyãm reakʼ dage sạṅgiń giḍikakʼa.

Jesaea 57:9

Am do jạitun sunum ojokʼkate raj ṭhenem senlena, ar ḍher mahkaokʼ sunumem beoharleda. Amren paṭhaonako do sạṅgiń disạmtem kol akatʼkoa, hẽ, Sheolte hõm kol akatʼkoa.

Jirimiạ 4:8

Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Jirimiạ 48:37

Onko do duk sodor lạgitʼ mitʼke mitʼ bohokʼko ceḍe akatʼtakoa ar gocoko hoyo giḍi akatʼtakoa; tiko getʼ sirạsoro akana ar ḍanḍare gõṛẽ kicricʼko horokʼ akawana.

Jirimiạ 49:3

“E Hesbon, homor halaṅme, ente Ai nagraha do jarkhar akana. E Raba nagraharen hoṛko, rakʼjoṅpe; gõṛẽ kicricʼ horokʼkate homor halaṅpe. Pạcriko talare ńir baṛaepe, ente aperen debota Milkom do sạṅgiń disạmteye bondi idiocokʼa, ar uni sãote uniren naekeko ar cetan hudạren kạmiyạko hõko idiocokʼa.

Jirimiạ 6:26

E ińren hoṛko, gõṛẽ kicricʼ horogpe ar torocʼre kunḍlạṅ baṛaepe. Sadher hoponakʼ gujukʼre cetʼleka hoṛko homor halaṅ onkage homor halaṅpe, ente jarkharicʼ do acʼkage abo cetanreye hijukʼa.

Rak̕joṅ 2:10

Sion hoponeraren murubbiko do otreko duṛupʼ hapeakana. Onko do akoakʼ bohokʼre dhuṛiko ojokʼ akawana ar gõṛẽ kicricʼko horokʼ akada. Jerusalemren juạn kuṛiko do dukte ot secʼko kuḍbur hapeakana.

Jeheskel 27:31

Onko do am iạte bohokʼko hoyo munḍrạkʼa ar gõṛẽ kicricʼko horoga. Onko do mon reakʼ dukte am ńutumteko homor halaṅa ar ạḍi ãṭko raga.

Jeheskel 7:18

Onko do gõṛẽ kicricʼko paṭhejoṅa ar botorteko thartharaokʼa. Onko do lajaoteko perejokʼa ar bohokʼ doko hoyo munḍrạ ocokʼa.

Joel 1:8

E ińren hoṛko, okoe kũạri kuṛi do acʼakʼ juạn oktere acʼrene hoyokʼ lạgidokʼkan jãwãeakʼ gujukʼ iạte gõṛẽ kicricʼ horokʼkateye homoretʼkan ape do uni leka homorpe.

Levitikus 26:16

enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”

Mikạ 1:16

Okoe do hopon ar hoponerako iạtepe rạskạkʼkan tahẽkan onko lạgitʼ homor halaṅ iạte bohokʼ hoyo poṭorokʼpe; gidi bohokʼ leka apeakʼ bohokʼ do ceḍeytape, ente onko do bondikate ape khon sạṅgińteko idi ocokʼa.

Dosar Biboron 28:22

Probhu Isor do raj rogte, ruạkote, jaljalaokʼ ruạte, ṭan paṅgla ruạte, dakʼ ṭan ar phosol copakʼ ar jhãorãkʼ rogkoteye ńẽtʼpea; ar ạuripe marao cabakʼ hạbicʼe khudạu baṛapea.

Dosar Biboron 32:24

Onko do reṅgecʼteko loraokʼa ar durdurạukʼ ruạ ar bisanakʼ rogteko capoṭokʼa. Onko upạrte iń do kaṭaha janwarko ar dhuṛire leńokʼkan bisan bińkoń kolkoa.

1 Patras 3:3

Nana parkan upʼ reakʼ paṭetʼ galaṅokʼ, sona abhranko se mońj mońj sapapʼte apnar sajaokʼ do alope monejoṅa,

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Johan sodor 16:9

Unre ãṭ elaṅte hoṛko loyena, ar noako sạjại cetanre okoeyakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

Johan sodor 18:9

Ar dhạrtiren okoeko raj uni tulucʼko loṭghuṭi akatʼ arko umtạ umtilen onko do uni atare jokhecʼ dhũạ ńelteko raga ar uni lạgitʼko dukokʼa.