Jesaea 3:14 - সান্তালী বাইবেল

¹⁴ Probhu Isor do acʼren hoṛko modre haṛam hoṛko ar mukhiyạko upạrte bicạrkateye meneda, “Ape do ińakʼ darkha bagwanpe nosṭo akada; ar reṅgecʼ hoṛkoakʼ jinisko luṭkate apeakʼ oṛakʼtepe idiakada.

Jesaea 3:14 Iomraidhean Croise

Jobakʼ 22:4

Isorem botoraekante uni do cetʼe ruhetʼmea? Ona iạte cetʼ am upạrte uni do bicạr lạgitʼe calakʼkana?

Jobakʼ 24:14

Khuniạhi do ńut tahenrege beretʼkate reṅgecʼ orecʼkoe gocʼetʼkoa, ar ńindạ jokhecʼ doe kombṛoyeda.

Jobakʼ 24:9

Bạṛicʼ hoṛ do eṅgatakʼ hobor khon ṭũạr gidrạko recʼetʼkoa ar rin iạte reṅgecʼ hoṛren hopon do bandhok menteko dohoyetʼkoa.

Jobakʼ 34:23

Manwawakʼ bicạr lạgitʼ Isor do jãhãn khoj khobor reakʼ jạruṛge bạnukʼtaea;

Sereńko 10:9

Uni do danaṅre tahẽkate dhạcri kul lekae tãṛãkʼ akana; nacaricʼ sabe lạgitʼgeye onkayeda, ar jhạli oḍaokateye sabe kana.

Sereńko 14:4

Bạṛicʼakʼko kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Probhu Isor hõ bako hohoae kana.

Sereńko 143:2

Iń amren golam do alom bicạrińạ, ente amakʼ mẽtʼãhã samaṅre sanam jiwiyankoge dhorom doko baṅkana.

Kạhtukko 30:14

Onkoakʼ ḍaṭa do tarwaṛe leka ar jambe do churi leka, jemon onko do dhạrtiren reṅgecʼ orecʼko ar nacarko manwa tala khonko marao daṛeako.

Jesaea 10:1

Hae onko hoṛ do, okoe do behok reakʼ ạn oḍok kate ar eṛe dolil benaokate reṅgecʼ hoṛko akoakʼ ạidạri khonko ocokʼetʼko ar ińren santao ocokʼkan hoṛko hok reakʼ bicạr khonko tạkicʼetʼko, ar rạnḍi maejiu ar ṭũạrkoakʼ jinisko luṭetʼtako.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Jesaea 14:30

Joto khon reṅgejokʼko do jomakʼko ńama ar nacarko do nirạiteko giticʼa. Menkhan amakʼ rehetʼ do akalteń marao giḍiya, onate amren sarecʼ jiwetʼ hoṛ doko gujukʼa.

Jesaea 26:6

Santaokʼko ar reṅgecʼko do jaṅgate onako lebetʼ gańjaoa.

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

Jesaea 30:12

Ona iạte Israelren uni sonoticʼ do niạ kathae meneda, “Ape do ińakʼ kathape nihạ̃t akada, ar eṛe ar sasantaoko cetanrepe bhorsakʼkana.

Jesaea 5:7

Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Jesaea 58:4

Ńelpe jhogṛa ar reṭepeṭe lạgitʼgepe upạseda arpe kuhạukʼ kana. Nonkan upạs do apeakʼ aṛaṅ coṭte bae ańjom ocoytapea.

Jirimiạ 12:10

Aema gupiko do ińakʼ darkha bagwanko nosṭo akatʼtińạ ar jaṅgateko lebetʼ gasmanḍao akada; ińakʼ mońj bagwan do ujạṛakʼ ar hahaṅkargeko hoyoco akada.

Jirimiạ 5:27

Khańca do cẽṛẽkote cetʼleka perecʼge onkage onkoakʼ oṛakʼ hõ eṛe cholkote perecʼgea. Onate onko do kisạ̃ṛ ar daṛeanko hoyakana,

Jeheskel 18:12

uni do reṅgecʼ ar laṅgaṭkoe santaoetʼko are kombṛoyetʼkan ar bondhok jinisko bae ruạṛkatako kan, uni do boṅgakoe sewawakokante hirkhạwakʼe kạmikan;

Jeheskel 20:35

Jạt jạtrenkoakʼ hahaṅkarteń idipea ar onḍege ape tulucʼ samka sạṭi reakʼ bicạriń phanḍaoa.

Jeheskel 20:36

Misor disạm reakʼ hahaṅkarre aperen hapṛamko cetʼlekań bicạrletʼko onkage ape hõń bicạrpea.

Levitikus 25:14

Ape talare jumi kiriń-ạkhriń jokhecʼ okoe cetanre hõ alope behoka.

Levitikus 25:17

Okoe cetanre hõ alope behoka. Ar sanamkoge aperen Isor botoraepe, ente iń Probhuge aperen Isor do.

Amos 2:7

Onko do dhuṛiko eretʼkan lekage reṅgecʼ hoṛko eretʼkoa ar nandanko do hor khonko ṭhelao ocokʼetʼkoa. Apat ar hopon do ini mitʼ maejiu sãotegekin laṭghaṭetʼ kana ar nonkate onko do ińakʼ sonot ńutumko besonotetʼtińạ.

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Mikạ 2:1

Hae onko do, one okoe do behok lạgitʼko goṭayetʼkan, one okoe do apnarakʼ aṭetʼre bạṛicʼakʼ reakʼ phundiko aṭaoetʼkan. Ar setakʼlen khan do onka lekako kạmikana, ente ona onkae reakʼ daṛe do akoakʼ tire menakʼa.

Mikạ 2:2

Onko do ot-baṛge ar oṛakʼ duạr cetanreko lalockate onako rerecʼa. Onko do hoṛko ṭhokakoa ar oṛakʼ-duạr ar jaega-jumiko recʼkoa.

Mikạ 3:3

Ape do ińren hoṛkoakʼ jelpe jometʼkana, onkoakʼ harta chaḍaokate jaṅko dope rạputʼ gejereda; ape do celaṅ reakʼ jel leka onkope kuṭiyetʼkoa.

Mikạ 6:10

Bedhorom hoṛkoakʼ oṛakʼre bedhoromte ńamakʼ dhon ar ṭhokako reakʼ sosoṅakʼ doń hirkhạwakʼ kana.

Mathae 21:33

“Mitʼṭecʼ phen ańjompe. Mitʼṭen oṛakʼ kisạ̃ṛ do mitʼṭecʼ darkha bagwane benaokeda ar ona beṛhaeteye eṭetʼ ạcurkada. Tayomte uni do ona bagwanre lelen kũnḍe la tearketʼte mitʼṭecʼ usul pahra oṛakʼe benaokeda. Ar inạ tayom do cacasko ṭhen onae bạisạu oṭokatʼte acʼ do eṭakʼ disạmteye calaoena.

Jakob 2:6

Menkhan onko reṅgecʼ hoṛkoge ape dope henosta akatʼkoa. Kĩsạ̃ṛ hoṛkoge cetʼ bako kosṭoyetʼpea ar adalotte bako or idiyetʼpea?