Jesaea 3:11 - সান্তালী বাইবেল

¹¹ Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

Jesaea 3:11 Iomraidhean Croise

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

2 Samuel 3:39

Raj lekate ińiń ojokʼ bahal oco akanrehõ teheń iń doń nijorena ar Seruyaren hoponko bạń dormoj daṛeako kana. Probhu Isorge behoketʼkoakʼ kuṛại doe emakoma.”

1 Rapajko 21:21

Onate Probhu Isore meneda, ‘iń do am cetanre muhinkoń ạguiya. Ariń marao giḍikama. Golamge cetʼ sạdhinge cetʼ am bõsren mitʼke mitʼ herel hoṛ doń marao cabakoa.

2 Bõsbudạ 6:23

enḍekhan serma khon uniyakʼ katha ańjomtaeme ar ona leka kạmime. Unre amren gutikom bicạrkote dos akatʼ reakʼ jo do bohokʼrem ladeaete dusi mentem sạbudea ar bin dusiyicʼ do uniyakʼ kạmi leka kuṛạiyem emaete bin dusi kanae mentem sạbudea.

Jobakʼ 10:15

Ińiń dusige khan iń cetanre do muhin hecʼ paṛaoạńạ. Ar bin dusạniń hoylenre hõ bohokʼ do bạń rakapʼ daṛeạtińa, ente lajaoteń perecʼ akana ar kosṭoteń unum akana.

Sereńko 28:4

Okoakʼ kạmi reakʼ ar bạṛicʼ kạmi reakʼ kuṛại baṛe emakom; onkoakʼ tite okako kạmi akatʼ ona reakʼ kuṛại emakom; ar okaṭakʼ kuṛạiko ńam onage baṛe emkatakom

Sereńko 62:12

E Probhu, amre do asambheṛ dulạṛ menakʼa; ar am do mimitʼko akoakʼ kạmi lekage kuṛạiyem emakokana.

Kạhtukko 1:31

Akoakʼ kạmi reakʼ kuṛại doko ńamgea, ar apnarakʼ sopolha reakʼ jotege lacʼko perejtakoa.

Kạhtukko 11:31

Noa dhạrtirege Isor botoraekan hoṛ do kuṛạiko ńam khan, enḍekhan bedhorom ar kạiyanko do khạṭige akoakʼ kuṛạiko ńamgea.

Kạhtukko 12:14

Manwa do acʼakʼ katha hotetege bhạlạiteye perecʼ daṛeakʼa, ar uniyakʼ kạmi lekate uni do joe ńama.

Kạhtukko 26:27

Okoe hoṛ khạ̃ṛiye lae uni do onaregeye ńurokʼa; ar okoe hoṛ dhiriye guṛgạu gotʼkakʼ ona do acʼge guṛgạu hecʼaea.

Sosolhayic̕ 8:13

Menkhan bedhoromko do Isor bako botoraekante bhạlại do baṅ hoyokʼtakoa ar onkoakʼ bahaokʼ din do umul lekage hoyokʼtakoa.

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jesaea 48:22

Probhu Isore meneda, “Bedhoromko lạgitʼ suluk do bạnukʼa.”

Jesaea 65:20

Onḍe do nunu gidrạko hõ bako gujukʼa, se haṛam hoṛ hõ bahaokʼ din ạuri cabakʼtako hạbicʼ bako gujukʼa. Ar jãhãe mitʼsae bochor umerreye gocʼlenre hõ uni do juạn mentegeye bikạukʼa; ar okoe mitʼsae bochor bae bańcaokʼ uni do sarapanicʼe hoyokʼa.

Jesaea 65:6

“Ńelpe, onkoakʼ katha iń samaṅre ol menakʼa. Iń do ar thir hape akan bạń tahena bickom sạjạiyiń emakoa. Onkoren hapṛamkoakʼ kại lạgitʼ do onkogeń dạyikoa. Onko do burure dhupko jeretʼeda ar onḍe ińko nihạ̃t edeńkana; ona iạte onkoakʼ kuṛại do soṅ ateń emakoa.”

Jirimiạ 21:14

Menkhan iń do amakʼ kạmi reakʼ kuṛại lekateń sạjạimea. Amakʼ birkore seṅgeliń lagaoa; ona seṅgel do am beṛhaete jotowakʼe jom cabaea. Iń Probhu Isorge noa katha doń meneda.’ ”

Jirimiạ 31:30

Ona bodolte mimitʼ hoṛ do akoakʼ kại iạtegeko gujukʼa; ar okoe jojo darkha joe jom unige ḍaṭa do khorokʼtaea.”

Jeheskel 16:59

“Amakʼ kạmi lekage am sãoteń beohara, ente ińakʼ bondobosem rạputʼ akatʼte ińakʼ kiriạwakʼem nihạ̃t giḍi akada.

Jeheskel 18:20

Okoeye kại uni do khạṭigeye gujukʼa. Hopon do apatakʼ dos iạte sạjại ohoe ńamlea ar apat hõ hoponakʼ dos iạte bae sạjại ocokʼa. Dhorom hoṛ do acʼakʼ dhorom kạmi reakʼ joe ńama ar bạṛicʼ hoṛ do acʼakʼ dusṭạmi reakʼ jogeye ńama.

Jeheskel 2:10

Uni do iń samaṅre onae oṭakʼkeda. Ona reakʼ banarsage homor halaṅ, kũhrạukʼ ar hae haeyokʼ reakʼ kathako ol tahẽkana.

Jeheskel 24:14

Ińakʼ kạmi reakʼ okte do seṭerakana. Iń do onań onkaegea, bạń mãyãkʼa se bạń dayakʼa. Amakʼ colon ar amakʼ kạmi lekagem bicạr ocokʼa. Iń Probhu Isorge noa katha doń meneda.’ ”

Jeheskel 33:8

Iń do tinre jãhãe bedhorom hoṛiń metae, ‘Eya bedhoromicʼ, am do khạṭigem gujukʼa,’ ar am do bạṛicʼ hor khon ạcur ruạṛokʼ lạgitʼ uni bam sontore, enḍekhan uni bedhorom hoṛ do acʼakʼ ghạṭ iạteye gujukʼa menkhan uniyakʼ gujukʼ lạgitʼ do amgeń dạyimea.

Mikạ 3:4

Okte darakana tinre ape do Probhu Isor ṭhenpe rakʼjoṅa, menkhan uni do bae roṛ ruạṛapea. Unre uni do ape secʼ khon acʼakʼ mẽtʼãhãe danaṅtaea, ente ape do bạṛicʼakʼpe kạmikana.

Mikạ 7:13

Dhạrtire girobasokʼ kan bedhorom hoṛko iạte dhạrti do ujạṛokʼa.

Numeri 32:23

Menkhan bape onkae enḍekhan ape do Probhu Isor upạrtepe kạiya. Ar noa baḍaekakʼpe, ona iạte apeakʼ kại khon rehae do bape ńama.

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Bikʼcạrko 9:57

Sekemren hoṛko okaṭakʼko behokletʼ Isor do ona reakʼ paona sạjại onko hõe ematʼkoa. Ar nonkate Jerubakʼalren hopon Jothamakʼ sarap do uni cetanre paṛaoena.