Jesaea 28:6 - সান্তালী বাইবেল

⁶ Uni do bikʼcạrkoakʼ ontorre dhorom reakʼ monsubại danakoa. Ar okoe phaṭok-duạr ṭhen khon lạṛhạiko ocog onko do daṛeye emakoa.

Jesaea 28:6 Iomraidhean Croise

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

2 Bõsbudạ 32:6

Uni do hoṛko cetanre subedarkoe bahalketʼkoa ar nagraha phaṭok duạr ṭhenakʼ phaelao jaegareye jarwaketʼkote niạ menkateye udgạuketʼkoa,

2 Bõsbudạ 32:8

Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Kạhtukko 20:8

Raj do tinre bicạr lạgitʼ siṅghạsonreye duṛupʼa unre uni do mẽtʼ reakʼ beṅgetʼte sanam bạṛicʼakʼkoe sạṅgińa.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 33:5

Probhu Isor doe dayawạnicʼ kana! Uni do sermareye tahenkana; Sion do hok reakʼ bicạr ar dhoromteye perecʼ akada.

Jesaea 4:4

Probhu Isor do acʼren Jiu hotete seṅgelte dhorom reakʼe bicạrkote Sionren maejiukoakʼ mạilạkoe ạrupʼ saphaetakoa ar Jerusalem khon mãyãm reakʼ dage sạṅgiń giḍikakʼa.

Sakariạ 12:5

Unre Jihudạren mukhiyạko do mon monteko mena, ‘Jerusalemren hoṛkoge aleakʼ daṛe do, ente phạdkoren Probhu Isor do onkoren Isor kanae.’

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Johan 5:30

Iń do apnarte cetʼge bạń ceka daṛeakʼa; cetʼlekań ańjoma onkageń bicạra. Iń do hok reakʼgeń bicạra, ente ińakʼ sana leka kạmi do bạń khojkana menkhan okoeye kol akadiń uniyakʼ menjoṅ lekageń kạmiya.

1 Korinthiko 12:8

Adom adom hoṛ do uni sonot Jiu hotete akel reakʼ kathako roṛeda.

Dosar Biboron 20:4

Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”