Jesaea 28:2 - সান্তালী বাইবেল

² Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Jesaea 28:2 Iomraidhean Croise

Jobakʼ 22:16

Onko do okte ạuriregeko idi ocoakana; onkoakʼ rehetʼ do gaḍa dakʼ leka ạtu calakʼkana.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Jesaea 30:28

Uniyakʼ sahẽtʼ do tạpiste ạtu hijukʼkan dakʼ leka oka do manwakoakʼ hoṭokʼ hạbicʼ rakabokʼkan. Uni do sanam jạtrenko nonosṭo reakʼ calateye calakoa ar mocare jhinkate maraokʼ secʼe or idikoa.

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Jesaea 32:19

Arelte bir do chaka chunokʼa ar nagraha do otre mitʼ são utạrokʼa.

Jesaea 40:10

Ńelpe, Probhu Isor do daṛe salakʼe hijukʼkana, uniyakʼ daṛeanakʼ ti do raje calaoetʼtaea. Ńelpe, kuṛại do uni sãorege menakʼa, ar uniyakʼ hala ruạṛ do uni samaṅrege.

Jesaea 8:6

“Noko hoṛ do Siloah reakʼ legem ạtukʼ dakʼko nihạ̃tetʼ kana, onko do Resin ar Remaliạren hopon iạteko rạskạkʼ kana.

Jeheskel 13:11

Ona iạte okoe noako kạmikan onkom metakoa, ona pạcri bhit do lạnduṛokʼa. Jhar jhare daga ar lạṭu lạṭu arelko ńurokʼa ar birbão hoeko hijukʼa.

Jeheskel 38:9

Amren sanam lạṛhại phạdko ar am sãoten ḍher jạtrenko do ona disạm cetanre jhãp em lạgitʼ hoe bharḍo lekako laha idikʼa; ar ape do rimil leka disạmpe chạplạu eseda.

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.

Josuạ 10:11

Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

Johan sodor 18:8

Onate unire joto sạjại do mitʼ dintege paṛaokʼa; onako do hoyokʼ kana moron, duk ar mohamạri. Seṅgelte uni doe atar giḍi ocokʼa, ente okoe uniyakʼe bicạrtae uni Probhu Isor doe daṛeanicʼ kana.”

Johan sodor 8:7

Ar pạhilicʼ serma goḍet do acʼakʼ siṅgại oroṅketʼ khan mãyãm mesalakatʼ arel ar seṅgel do dhạrtirte lebda giḍiyena. Onate pe hạṭiń reakʼ mitʼ hạṭiń dhạrti, ar pe hạṭiń reakʼ mitʼ hạṭiń dareko ar sanam hạriạṛ ghãsko do lo roṅgoyena.