Jesaea 27:9 - সান্তালী বাইবেল

⁹ Niạ hotete Jakobakʼ kại reakʼ rin do puruchunokʼtaea, menkhan uniyakʼ joto kạiko sạṅgiń giḍikatae lahare cun dhiri leka uniyakʼ pinḍ reakʼ dhirikoe gejertaea; onate Asera muṭhạn se dhup-pinḍko do ar baṅ tahena.

Jesaea 27:9 Iomraidhean Croise

2 Rapajko 10:26

Bakʼal debotawakʼ mundil khon pujạ reakʼ dhiriko oḍokkate onakoko atar giḍikada.

2 Rapajko 23:14

Josiạ do sewa reakʼ dhiriko hõe rạputʼ gejerkada ar Asera khunṭiko hoẽ makʼ khanḍa khunḍikada ar ona ṭhạ̃ire uni do manwakoakʼ jaṅkoe ḍạṅkada.

2 Rapajko 25:9

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

2 Bõsbudạ 14:5

Uni do Jihudạ disạm reakʼ mimitʼ atoko ar nagrahako reakʼ than boṭkocʼko ar dhudhup-pinḍkoe marao giḍikada. Uniyakʼ tabere rajosṭi do sulukte perecʼ tahẽkana.

2 Bõsbudạ 34:4

Uni samaṅre Bakʼal debotawakʼ pinḍko do rạputʼ giḍikada; ar onako cetanre oka dhup dạniko tahẽkan onakoe makʼ rạputʼ ocokeda ar Asera muṭhạn, lakʼ rokʼ murtiko ar dul goṛhon murtikoe rạputʼ gejerketʼkoteye holoṅ ḍigirketʼkoa. Ar onakore okoe do janwarko dãṛẽyetʼko tahẽkan onkoakʼ topa cetanre onako dhuṛiye chiṭiạukada.

2 Bõsbudạ 36:19

Uniren hoṛko do Isorakʼ oṛakʼko jeretʼada ar Jerusalem reakʼ pạcriko rạputʼkeda. Onko do onḍenakʼ lạṭu lạṭu joto oṛakʼko jeretʼada ar sanam damanakʼ jinisko nosṭo giḍikada.

Sereńko 119:67

Kosṭo ńam lahare iń do eṭakʼ horreń tahẽkan, menkhan ńitokʼ do amakʼ kathareń gobol akana.

Sereńko 119:71

Okaṭakʼ kosṭoń ńamakatʼ ona do iń lạgitʼ bhagege hoyakana; onate iń do amakʼ ạnkoń cetʼ daṛe akawada.

Exodus 34:13

Onkoakʼ pinḍkope rạputʼ giḍikatakoa, onkoakʼ pujạ reakʼ dhirikope gejertakoa ar onkoko pujạwako Asera khunṭiko hõpe rạputʼ giḍikatakoa.

Kạhtukko 20:30

Dal ghao do bạṛicʼakʼe saphayeda, ar mon reakʼ dal do ontor reakʼ bhitri jaegakoe guricʼ saphayeda.

Jesaea 1:29

“Hẽ, ape okoe do debdạru darepe sewawakʼ kan tahẽkan ape do ona iạtepe lajao ocokʼa, ar okako bagwanrepe sewayetʼ tahẽkan ona iạtepe nihạ̃t ocokʼa.

Jesaea 17:8

Onko do akoakʼ tite benaoakʼ pinḍ secʼ bako beṅgeda, ar akoakʼ kạṭupʼte benaoicʼ Asera muṭhạn ar dhudhup pinḍko secʼ hõ bako moneyakʼa.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Jesaea 4:4

Probhu Isor do acʼren Jiu hotete seṅgelte dhorom reakʼe bicạrkote Sionren maejiukoakʼ mạilạkoe ạrupʼ saphaetakoa ar Jerusalem khon mãyãm reakʼ dage sạṅgiń giḍikakʼa.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 48:10

Ńelpe, seṅgelreń khadlepea, menkhan ape do rupạ leka nirại do bape oḍok hecʼakana; iń do duk reakʼ bhaṭareń biḍạu aṭkar akatʼpea.

Jeheskel 11:18

“Onko do onḍe ruạṛ senkate sanam bạṛicʼ boṅga murhutʼko ar hirkhạwan boṅga muṭhạnkoko sạṅgiń giḍikakoa.

Jeheskel 20:38

Ape modre okoe iń upạrteko hul onko doń sạṅgiń giḍikakoa. Ar onko okaṭakʼ disạmreko girobasokʼkan onḍe khoniń oḍok ạgukorehõ onko do Israel disạmre bako bolo daṛeakʼa. Unre apepe baḍae daṛeakʼa, iń kangeạń Probhu Isor do.

Jeheskel 6:4

Apeakʼ sanam pinḍko do maraokʼtapea ar apeakʼ dhudhup pinḍko hõ rạputʼ giḍikʼa. Aperen boṅga murhutʼko samaṅrege ‘aperen hoṛkoń gocʼkoa.

Daniel 11:35

Ar ạkilanko modre adom adomko doko gurokʼa jemonko niphuṭ ocokʼa, arko pạṛchạ ocokʼ arko sapha ocokʼ mucạtʼ okte hạbicʼ, ente unhõ mucạtʼtetʼ do niṭ akatʼ okterege hoyokʼa.

Hosea 14:8

E Ephrayim, boṅgako sãote amakʼ do jãhãn sompokge bạnukʼa. Ińge amakʼ koejoṅ reakʼ roṛ ruạṛiń emama ar amiń jotonmea. Iń kangeạń soṛa Saro dare do; amakʼ jo do iń khonge hijukʼkana.”

Levitikus 26:30

Iń do apeakʼ pujạ reakʼ than boṭkocʼkoń marao giḍikatapea, dhup reakʼ pinḍkoń rạputʼ giḍikakʼa ar aperen bin jiwiyan debotako cetanre apeakʼ mạ̃ṛĩkoń ṭhikikakʼa, ar edre mẽtʼteń ńelpea.

Mikạ 5:11

Amakʼ disạm reakʼ nagrahakoń maraoa ar amakʼ sanam gaṛkoń rạputʼ giḍikakʼa.

Romiko lạgitʼ Pạul Apostolakʼ ciṭhi 11:27

Iń do tinre onkoakʼ kạikoń meṭao giḍiytakoa unre onko tulucʼ noage ińakʼ bondobos do hoyokʼa.

1 Korinthiko 11:32

Menkhan Probhu Isore bicạrbonre uni doe ḍanṭaoetʼ bona, jemon dhạrtiren sanamko sãote dusi mente alo bon ṭarhaokʼ.

Dosar Biboron 12:3

Onkoakʼ than boṭkocʼko, onkoakʼ sewawakʼ dhiriko, murhutʼ khunṭiko ar debotawakʼ muṭhạnkope rạputʼ giḍikakʼa ar nonkate onako jaega khon onkoren debotakoakʼ ńutumpe meṭao utạra.

Ibriko 12:6

Ente Probhu Isor do okoeye dulạṛe, unigeye ḍanṭaoea, ar gidrạ mente okoekoe aṅgocko, onko mitʼke mitʼ doe sạjạikoa.