Jesaea 27:13 - সান্তালী বাইবেল

¹³ Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Jesaea 27:13 Iomraidhean Croise

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

Sereńko 47:5

Isor do hulạs aṛaṅre menaea, Probhu do sakwa reakʼ sạderege menaea.

Sereńko 81:3

Aboakʼ porob din reakʼ ambasre ar kunạmire sakwa oroṅpe;

Sereńko 89:15

Bhạgangeako onko hoṛ do, okoe do ona rạskạ aṛaṅko ańjomakatʼ; E Probhu Isor, amakʼ mẽtʼãhã reakʼ marsalte onko doko dãṛãn kana.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 11:12

Uni do jạtrenko lạgitʼ mitʼṭecʼ jhạnḍiye rakaba ar bidesre bondi akan Israelkoe jarwakoa; ar Jihudạren chirchạtur akan hoṛko pirthimi reakʼ beṛhae khone jarwakoa.

Jesaea 11:16

Misor khon oḍok hijukʼ jokhecʼ cetʼleka Israelko lạgitʼ mitʼṭecʼe horletʼ onkage uniren jiwetʼ tahen hoṛko lạgitʼ Ạsur khon mitʼṭecʼ raj ḍahar do oḍokokʼa.

Jesaea 18:3

E dhạrtiren hoṛko, E dhạrtire girobasokʼ kanko, ape do tinre buru boṭkocʼ cetanre jhạnḍi rakabokʼa ona ńelpe, ar tinre sakwa saḍekʼa ona ańjompe.

Jesaea 19:21

Nonkate Probhu Isor do Misorrenko ṭhen apnartetʼe sodorokʼa ar enhilokʼ onko do Probhu Isorko aṅgocea. Onko do janwarko samaṅkoa ar phosolko samaṅa arko sewawaea ar Probhu Isor ṭhen manotakʼko purạutakoa.

Jesaea 19:22

Ar Probhu Isor do Misorren hoṛkoe ńẽtʼkoa; uni doe ńẽtʼkoa ar boge hõe bogekoa. Onko do Probhu Isor secʼko ạcurokʼa, ar uni do onkoakʼ nehõre ańjomtakoa are bogekoa.

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jesaea 2:3

Jạt jạtren hoṛ do hecʼkateko mena, “Dela, abo do Probhu Isorakʼ burute bon rakapʼlenge, dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ kathage.

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Jesaea 43:6

Ar utạr reakʼ disạm doń metaea, ‘onko aṛakʼkako me,’ Ar dạkhin disạm doń metaea, ‘alom aṭkaokoa. Iń do unkiniń metakinạ, ‘aben do sạṅgiń disạm khon ińren hoponko ạguko ben, ar pirthimi reakʼ ses simạna khon ińren hoponerako ạguko ben.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Jesaea 56:8

Probhu Isor, okoe do chirchạtur akan Israelkoe jarwako uni do noa kathae meneda, “Okoe lahareko samṭao ocoakan onko sãote iń do eṭakʼ jạtren hoṛko hõń samṭao jarwakoa.”

Jesaea 66:18

Iń do onkoakʼ kạmi reakʼ sanam hudis bundiskoń baḍaegea. Sanam jạtrenko ar pạrsirenko do mitʼ ṭhen jarwako reakʼ okte do seṭer akana. Onko do hecʼkate ińakʼ mạhimako ńela.”

Jesaea 66:23

Molokʼ cando ar jirạukʼmãhã piche sanam hoṛ do iń samaṅre hecʼkateko dewa sewaea.

Jirimiạ 31:6

Nonkan dinko hijukʼa tinre Ephrayimakʼ buru coṭre pahradarko do hohoateko mena, ‘Dela, Sionte aboren Probhu Isor ṭhen bon calakʼa.’ ”

Jirimiạ 43:7

Nonkate onko do Probhu Isorakʼ bako bataoletʼte Misorteko boloyena ar Tahpanhes hạbicʼko senena.

Jirimiạ 44:28

Ar okoe do lạṛhại khonko bańcaokʼte Misor khon Jihudạ disạmteko ruạṛ hijukʼ onkoakʼ lekha do thoṛage hoyokʼa. Ona tayom Jihudạren sarecʼ okoeko hoṛ Misorte girobasokʼ lạgitʼko hecʼakan onko doko baḍae daṛeakʼa okoeyakʼ katha ṭhik tahena, ińakʼ se onkoakʼ.

Jeheskel 20:34

Ińakʼ daṛeanakʼ ti tiyạrkate ar ińakʼ edre dul hotete aema jạtrenko tala khoniń ạgupea ar okako disạmrepe pasnao ocolen onḍe khon arhoń jarwapea.

Jeheskel 20:41

Iń do boṅgan hoṛ jạtrenko tala khon tinreń oḍok ạgupea ar okako disạmrepe pasnao akan onḍe khoniń jarwapea unre jut so mosola lekate apeń ataṅpea. Unre ape hotete jạt jạtrenko baḍae daṛeakʼa iń kangeạń sonoticʼ do.

Jeheskel 39:25

Probhu Isor do arhõe menkeda, “Jakob do ńitokʼ bondi dosa khoniń ruạṛ ạguyea ar Israelren sanam hoṛkoń mãyãwakoa ar ińakʼ ńutum reakʼ sonottetʼ lạgitʼ iń ãṭokʼa.

Daniel 11:45

Doreão ar mońj sonot buruko talare uni do acʼakʼ raj tạmbui bereda. Menkhan uni do acʼakʼ mucạtʼ secʼgeye mohnḍakʼa ar celege uni do bako goṛowaea.

Hosea 11:11

Misor khon cẽṛẽ leka, ar Ạsur khon do potam leka onko do thar tharaokʼ tulucʼ iń ṭhenko hijukʼa. Ar iń do onkoakʼ oṛakʼregeń dohokoa. Iń Probhu Isorge noa katha doń meneda.”

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Hosea 9:3

Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma.

Levitikus 25:9

Ar ona dosar bochor reakʼ eae cando reakʼ gelakʼ dinre, metakʼme kại reakʼ puruchun dinre apeakʼ disạmre sanam jaegare sakwape oroṅa.

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Sakariạ 14:16

Tayomte onko sanam jạtren sarecʼ tahen hoṛ do uni rajakʼ, metakʼme phạdkoren Probhu Isorakʼ sewae lạgitʼ ar chạuni porob manao lạgitʼ jao bochor Jerusalemteko rakapʼ hijukʼa.

Sakariạ 8:7

Iń do arhõń meneda, purub disạmrenko ar pạchim disạmrenko khon ińren hoṛkoń rukhiyạkoa.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Mathae 24:31

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Romiko lạgitʼ Pạul Apostolakʼ ciṭhi 10:18

Menkhan ińiń mena, Israelko do cetʼ ona katha bako ańjom ńamleda? Khạṭigeko ańjom akada. Sonot sostore meneda, Onkoakʼ aṛaṅ do goṭa dhạrtire ḍamḍahe akana, ar kathako hõ pasnao akana dhạrti reakʼ mucạtʼ hạbicʼge.

1 Thessalonikikko 4:16

Ar ãṭ aṛaṅte hukum são sãote maraṅ utạricʼ goḍetakʼ hoho ar Isorakʼ siṅgạ reakʼ saḍe soṅgete Probhu Isor do serma khone pheḍ hijukʼa. Ar okoe Mạsi tulucʼ mitʼkateko gocʼ akan onkoge pạhilreko jiwetʼ beredokʼa.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Johan sodor 10:7

Menkhan eaeyicʼ serma goḍetakʼ siṅgạ oroṅ dinkore Isorakʼ okoakʼ monsubạko do purạukʼa. Ar Isor do acʼren gutiko ṭhen, metakʼme nạbiko ṭhen okae baḍae ocoletʼ ṭhik onkage hoyokʼa.”

Johan sodor 8:2

Ar okoe eae goṭen serma goḍetko Isor samaṅreko teṅgo akan tahenkan onkoń ńelketʼkoa. Onko do tire eae goṭecʼ siṅgạko ematʼkoa.

Johan sodor 8:6

Eae goṭen serma goḍetko ṭhen okaṭakʼ eae goṭecʼ siṅgạ tahẽkan, onko do ona oroṅ lạgitʼko sapṛaoena.

Johan sodor 9:14

“Okoe ponea goḍet maraṅ gaḍa Phurạt ṭhenko tolakan onko raṛakakome.”