Jesaea 27:11 - সান্তালী বাইবেল

¹¹ Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jesaea 27:11 Iomraidhean Croise

Sereńko 106:40

Onate Probhu Isorakʼ edre do onko hoṛ cetanre caṛhaoena; ar okoe acʼakʼ ạidạrireko tahẽkan onko doe hirkhạwatʼkoa.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jesaea 18:5

Phosol samṭao ạurire tinre baha baṅ tahena ar ona baha do darkha jokate belekʼa unre uni do kạidạte kahle ḍạrkoe hesea ar cap capa ḍạrko doe kaman giḍikakʼa.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Jesaea 43:7

Ińakʼ ńutumte okoeko hoho ocokʼ, okoe do ińakʼ ṭhonok lạgitʼ iń sirjạu akatʼko, okoe doń gaṛhao akatʼko ariń benao akatʼko, onko mimitʼko ạgukope.’ ”

Jesaea 44:2

Probhu Isor, okoe do ame sirjạu akatʼme, okoe do eṅgamakʼ kukhireye gaṛhaoletʼme ar one uniye goṛowam, uni do niạ kathae meneda, ‘E ińren golam Jakob, ar ińiń bachao akawan Jisurun, am do alom botorokʼa;

Jesaea 44:24

Amren Probhu Isor, okoe doe amren chakʼḍaoicʼ kan, ar okoe do kukhireye gaṛhaoletʼme uniye meneda, “Iń kangeạń Probhu Isor do; ińge jotowakʼ iń sirjạuakada. Iń do sermań aṭetʼ akada ar ińge prithimiń pasnao akada.

Jesaea 5:13

Onate buj bạnukʼtako iạte ińren hoṛko do eṭakʼ disạmre bondi akanko tahena. Onkoren manotan hoṛ do reṅgecʼteko gujukʼa, ar onkoren eṭakʼko hoṛ do tetaṅteko chaṭ chaṭaokʼa.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jirimiạ 11:16

Probhu Isor do noko jạtrenko jote perecʼ mońj mitʼṭen jạitun dare menteye hohoatʼko tahẽkana. Menkhan maraṅ birbão reakʼ saḍe iạte uni do onare seṅgele lagaoakʼa ar onate onako reakʼ ḍạrko do lo ṭhuṭkudokʼa.

Jirimiạ 13:14

Darkha rasa reakʼ kumko leka mimitʼ hoṛ do eṭakʼ hoṛ cetanreń tawakʼ gejerea; baṅ doe apatkan ar baṅ doe hoponkan jotogeń gejer cabakoa. Iń do daya hõ baṅ ar mãyã hõ bạń mãyãwakoa; onko doń marao cabakoa.’ ”

Jirimiạ 16:5

“Okaṭakʼ oṛakʼre hoṛko homor halaṅetʼkan ona oṛakʼte do alogem bolokʼa; Homor hakʼlaṅ ar onkoakʼ duktem dukokʼte onḍe do alogem calakʼa, ente noko hoṛko khon ińakʼ suluk, dulạṛ ar daya doń ocokʼ akatʼtińạ.

Jirimiạ 25:37

Probhuakʼ jolokʼkan edre iạte sulukte perecʼ ṭạnḍiko do potit jumi leka tahena.

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Jirimiạ 8:7

Kisni hõ acʼakʼ niṭakatʼ okteye baḍaekana, mala potam, bhạluạ ar kõkʼ hõ akoakʼ ruạṛ hijukʼ reakʼ okteko baḍaekana, menkhan ińren hoṛko do ińakʼ ạn-ạri secʼ bako moneyakʼ kana.

Jeheskel 19:12

Menkhan Probhu Isor do edre onae or totʼketʼte otreye giḍikada. Puruạ reakʼ hoete ona do rohoṛena, ona reakʼ jo do goso ńurena; uniyakʼ keṭecʼ ḍạrko do rạputʼente rohoṛena, ar seṅgel do onae jomkeda.

Jeheskel 20:47

Ar dạkhin reakʼ bir do ińakʼ katha ańjom lạgitʼ metaeme. Unim metaea, Probhu Isore meneda, ‘iń do amre seṅgeliń salgaoa ar ona do amakʼ sanam berel ar rohoṛ dare nạ̃ṛĩkoe joma. Ona jolokʼkan seṅgel do bạṅ ĩṛĩjokʼa ar dạkhin khon utạr hạbicʼ sanam hoṛ do ona reakʼ lepʼteko khạurạkʼa.

Jeheskel 9:10

Ona iạte onko do mãyãte bạń beṅgetʼakoa, ar aṛakʼ hõ bạń aṛakʼkoa; ar okako cekayetʼ ona reakʼ kuṛại do onkoreń dula.”

Hosea 4:14

Aperen hoponerako do kusumbiko hoylenre ar aperen hoponkoren bạhukoko loṭghuṭilere hõ onko do bạń sạjạikoa, ente herelko do apnarge kusumbiko ṭhenko senokʼkana ar mundil kusumbiko sãote janwar dãṛẽko samaṅetʼkoa. Noko bebuj jạtrenko doko marao utạrokʼa.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Mathae 13:19

Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniyakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

Mathae 3:10

Dare gonḍarege ṭeṅgocʼ do ṭenḍar dohoakana. Oka dare bhage baṅ jokʼ ona do makʼ giḍikʼte seṅgelre khadle ocokʼa.

Johan 15:6

Jãhãege ińre bae tahen khan uni do getʼ giḍiakatʼ ḍạr leka bahreteye giḍi ocokʼa ar ona do rohoṛokʼa. Unre ona ḍạr jarwakate seṅgelreko khadlekakʼa ar ona do lokʼa.

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Romiko lạgitʼ Pạul Apostolakʼ ciṭhi 1:31

boge bạṛicʼ papachnao reakʼ buj bạnukʼtakoa, ar bepạtiạrko kanako. Gharońjrenko lạgitʼ dulạṛ do bạnukʼtakoa, enteko kumãyãgea.

Dosar Biboron 4:6

Noako manao idi talate eṭakʼ jạtren hoṛko samaṅre apeakʼ bud ạkil do sodorokʼtapea. Ar noako niạm reaṅ ańjomkateko mena, ‘onko do jạtren lekate sạrigeko maraṅgea arko ạkilangea ar budan hoṛkanako.’

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.