Jesaea 26:20 - সান্তালী বাইবেল

²⁰ E ińren hoṛko, do calakʼpe, apeakʼ kandhate bolokʼ bayokʼpe ar duạr sińkakʼpe; ar thoṛa ghạṛicʼ lạgitʼ oko hataṛokʼpe, one khĩs ạuri cabakʼ hạbicʼ.

Jesaea 26:20 Iomraidhean Croise

Genesis 7:1

Noa tayom Probhu Isor do Noha arhõe metadea, “Am ar am gharońjrenko ape do jahajte bolokʼpe. Ente ińiń ńeleda, hoṛko modre eken amgem dhoromgea.

Genesis 7:16

Isor do Noha okalekae hukumade tahekan onkage onko do eṅga ạnḍiạ jahajteko rakapʼena. Ar ona tayom Probhu Isor do jahaj reakʼ duạre sińkeda.

Jobakʼ 14:13

“Ohae, Sheolre baṛem oko danaṅ liń khan, amakʼ edre ạuri cabakʼ hạbicʼem doholiń khan, ar ona tayom mitʼṭecʼ oktem niṭạńte ińem disạ ocoyiń!

Sereńko 143:9

E Probhu Isor, ińren bạirikoakʼ ti khon bańcaoińme baṛe, ente iń do amregeń hirlạ akana.

Sereńko 17:8

Mẽtʼ reakʼ moni leka am do rukhiyạyińme; ar okoe ińko hạneńkan onko bạṛicʼ hoṛko khon, ar okoe do gojeń lạgitʼko esetʼ ạcur akadiń onko bạiriko khon, amakʼ phạ̃kṛạ̃kʼ latarre goṅgotʼ dohokańme.

Sereńko 27:5

Ente muhin hilokʼre uni do acʼakʼ ona gaṛre nirạiteye dohoyińạ, ar acʼakʼ ona tạmbureye oko dohokạńạ, ar ḍuṅgri cetanre uni doe rakabińạ.

Sereńko 30:5

Ente uniyakʼ edre do ḍher ghạṛicʼ baṅ tahenkana; uniyakʼ dayatege jion do ńamokʼ kana. Ar ńindạge eken rakʼ rakʼte paromokʼ kana, menkhan rạskạ do setakʼrege seṭerokʼ kana.

Sereńko 31:20

Onko do amakʼ mẽtʼãhã danaṅre dohokom manwakoakʼ soṛojontro khon hõ danaṅ kom; jhogṛa reakʼ reṭe peṭeko khon amakʼ hirlạrege begar dohokom.

Sereńko 32:7

Amge ińren danaṅ akan ṭhạ̃i do. Amge gạr khonem horho jaṅge akadińạ chaḍaokʼ reakʼ hulạs sereńte amgem esetʼ ạcur akadińạ. (Sela)

Sereńko 57:1

Ińre mãyãkʼme baṛe, E Isor, ińre dayakʼme, ente amrege iń doń hirlạ akana. Ar amakʼ phạ̃kṛạ̃kʼ umul reakʼ hirlạrege iń doń tahena tinạkʼ din iń cetan khon noa muhin reakʼ birbão baṅ ocogokʼ.

Sereńko 57:2

Iń do maraṅ Isoriń hohowaea; okoe do acʼakʼ sanam kathae rukhiyạ akatʼtae iń do unigeń hohowaea.

Sereńko 91:1

Maraṅ Isorakʼ hirlạre okoye tahenkan uni do sanam daṛeanicʼakʼ umulreye tahẽnkana.

Sereńko 91:4

Acʼakʼ ilkoteye guṅgutʼ esetʼmea, ar uniyakʼ phạ̃kṛạ̃kʼ latarre am do asrayem ńama; uniyakʼ pạtiạrtetʼ do amakʼ ḍhal ar hoṛmo aḍokʼakʼ phirikana.

Sereńko 94:13

Uni do muhin hilokʼre dile ńama, one bedhoromko lạgitʼ ghaḍlakʼ ạuri tear sạtokʼ hạbicʼ.

Kạhtukko 18:10

Probhu Isor do kajak aotan gaṛ kanae; dhoromko onḍeko ńir sen khan rukhiyạko ńama.

Kạhtukko 22:3

Budan hoṛko do muhinko ńel darama arko okokʼa, menkhan lelha hoṛ do muhin ńelkate hõ calakʼtegeko tahena ar ona iạte sạjạiko ńama.

Jesaea 10:25

Ape cetanre ińakʼ edre do usạratege cabakʼa, ar ona do Ạsurrenkoe maraokoa.”

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jesaea 13:5

Onko do sạṅgiń disạm khonko hijukʼ kana, onko do pirthimi reakʼ ses simạna khonko rakapʼ hijukʼ kana; Probhu Isor do acʼakʼ edre reakʼ khanḍa bhanḍawante goṭa pirthimi marao lạgitʼe hijukʼ kana.

Jesaea 34:2

Sanam jạtrenko cetanrege Probhu Isor doe edre akana; onkoren sanam lạṛhại phạdko cetanre uni do ạḍiye edre akana. Uni doe marao utạrkoa, onko do jarkharakʼ tireye jimạkoa.

Jesaea 51:16

Ińakʼ kathako do apeakʼ mocareń emakada ar ińakʼ ti reakʼ umulreń danaṅ akatʼpea. Serma do acʼakʼ jaegareń dohoakada ar dhạrti do rehetʼ iń bạisạu akada. Ar Sion doń men akawadea, ‘am dom ińren hoṛ kana.’ ”

Jesaea 51:4

“E ińren hoṛko, ińakʼ katha ańjompe, ińakʼ kathako luturakʼpe. Iń khonge hukum do oḍokokʼa; ar ińge dhorom reakʼ bicạriń ṭarhao ocoya jemon jạt jạtrenko hõ marsalko ńam.

Jesaea 66:14

Noako ńelte apeakʼ ontor do rạskạkʼtapea ar ape do ghãs lekagepe hara rakabokʼa. Probhu Isorren guti do uniyakʼ daṛeko ńel ńama, ar uniren bạiriko do uniyakʼ edreko ńela.

Jirimiạ 31:14

Naekeko do sanamakʼteń purunkoa, ar ińren hoṛko do ińakʼ bhor iạteko tirpidokʼa. Iń Probhu Isorge noa katha doń meneda.”

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’

Jeheskel 11:16

“Ona iạte iń Probhu Isor okań menetʼkan ona do amren hoṛkom metakoa, iń do eṭakʼ jạtrenko talareń kol akatʼkore hõ ar disạm disạmreń chirchạtur akatʼkore hõ enhõ onko okako disạmteko senakan onḍehõ thoṛa ghạṛicʼ lạgitʼ ińge onkoren sonot ṭhạ̃iyiń hoyakana.

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Mathae 23:37

“E Jerusalem! E Jerusalem! Am do nạbikom khũnetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko acʼakʼ phạ̃kṛạ̃kʼ latarreye guṅgutʼko onkage iń hõ amren hoṛko hạr samṭaokoń menleda, menkhan onko do bako rebenlena.

Mathae 6:6

Menkhan amem koejoṅre bhitri oṛakʼre bolokate duạr sińme, ar amren Baba, okoe do bae ńelokʼkanre hõ hạjirge menae, uni ṭhen koejoṅme. Enḍekhan amren Baba okoe do danaṅ khon jotowakʼe ńeńel kan, unige kuṛạiye emama.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.