Jesaea 26:2 - সান্তালী বাইবেল

² Ape do phaṭok-duạrko jhijpe jemon dhorom ar pạtiạrko dohoyetʼ jạtrenkoko bolo daṛeakʼ.

Jesaea 26:2 Iomraidhean Croise

Sereńko 106:5

Jemon amem bachao akawan hoṛkoakʼ bhạlạiyiń ńel daṛeakʼ, ar jạtrenkoakʼ rạskạ sãoteń rạskạ daṛeakʼ, ar okoe do amren ạidạrikanko ona reakʼ hĩs lekateń sarhao daṛekokʼ.

Sereńko 118:19

Dhorom reakʼ duạrko jhicʼạńpe, jemon onḍe bolokate uniń sarhao daṛeae.

Sereńko 118:20

Nokʼõe coṅ Probhu Isorakʼ duạr ma; noa talatege dhorom hoṛ doko bolokʼa.

Sereńko 24:7

E nagraha reakʼ phaṭok duạrko, apeakʼ bohokʼ do arhõ rakabtape; E jaejug reakʼ duạrko, apeakʼ silpiń do jhijokʼtapema; ente ṭhonokren raj do bhitriteye bolo lạgidokʼ kana.

Exodus 19:6

Ińren hoṛko hotetege ińren naekekoakʼ rajosṭi do hoyokʼa ar noko jạtrenkoge iń ńutumteń begar akatʼko jạtrenko hoyokʼa. Noa katha do Israelkom baḍae ocokoa.”

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Jesaea 54:14

Am do dhoromge bandhao akanem tahena. Am ṭhen khon jor julum do pharakokʼa; amakʼ botorteakʼ do cetʼge baṅ tahena. Bạṛicʼ botorko hõ sạṅgińokʼa, ar am ṭhen baṅge hijukʼa.

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Jesaea 58:8

Enḍekhan apeakʼ marsal do aṅga marsalokʼ leka jhak jhakokʼa ar usạratepe bogekʼa; apeakʼ dhorom do ape laha lahate calakʼa ar ińakʼ ṭhonok do ape tayomte rurukhiyạwakʼge hoyokʼa.

Jesaea 60:11

Amakʼ duạrko do jao okte jhicʼge tahena, siń ar ńindạ tishõ onako do baṅ siń tahena jemon boṅgan hoṛ jạtrenkoakʼ dhon am ṭhen ạgukʼ; ar onkoren rapajko hõ onako soṅgete.

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jesaea 62:1

Sion ńutumte hape akan do bạń tahena, Jerusalem iạte thir akan hõ bạń tahena, tin hạbicʼ ona reakʼ dhoromtetʼ marsal leka baṅ jhak jhakoakʼ, ar ona reakʼ bańcaokʼ do jolokʼkan diuhe leka baṅ jolokʼ.

Jesaea 62:10

Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.

Jesaea 62:2

E Jerusalem, boṅgan hoṛ jạtrenko do amakʼ dhorom, ar sanam rapajko do amakʼ ṭhonokko ńela; am do mitʼṭecʼ nãwã ńutumem ńum ocokʼa, Probhu Isorge ona ńutum doe emokʼa.

Sakariạ 8:20

“Nonkan okte hijukʼa tinre ḍher jạtrenko ar ḍher nagraharen hoṛko do Jerusalemteko hijukʼa;

Aposkạmi 2:47

Onko do jao ghuṛi Isorko sarhaoede tahẽkana ar sanam hoṛge onkoko manotetʼko tahẽkana. Ar okoe kại khon bańcaokʼko ńametʼ tahẽkan Probhu do biswạsiko tulucʼ jao hilokʼ onkoe juṭucʼ idiketʼkoa.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

2 Patras 3:13

Menkhan abo do Isorakʼ gokʼakʼ lekate nãwã serma ar nãwã dhạrti lạgitʼ bon koyokʼ horeda. Onḍe do sanamakʼge Isorakʼ monejoṅakʼ leka hoyokʼa.

Jihudạwakʼ ciṭhi 1:3

E dulạṛiạ gateko, kại khon sanamko oka bańcao bon ńamakatʼ ona bańcao reaṅ olape lạgitʼ ạḍi gagoj mon tahẽkantińạ. Menkhan enhõ Mạsi dhorom biswạsre, one okaṭakʼ Isor do acʼren hoṛko jaejug lạgitʼe emakatʼko, ona lạgitʼ mon murukte jemonpe lạṛhại ar ona udgạupe lạgitʼge noa ciṭhi olokʼ reakʼ jạruṛiń bujhạukeda.

Johan sodor 21:24

sanam jạtrenko ona marsalreko dãṛãna. Dhạrtiren rapajko do akoakʼ ṭhonokante ona nagrahateko hijukʼa.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.