Jesaea 26:16 - সান্তালী বাইবেল

¹⁶ E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Jesaea 26:16 Iomraidhean Croise

Sereńko 142:2

Ar duk reakʼ katha do uni samaṅreń phuṭạueda, ar ińakʼ kosṭo reakʼ katha hõ uni samaṅreń lạiyeda.

Sereńko 27:8

Ińakʼ ontor do noa kathageye meneda, “Ape do iń hohowạńpe.” E Probhu Isor, iń do amiń hohowama.

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Sereńko 77:3

Iń do tinre Isorakʼ kathań hudisokʼkan tahẽkan unre dukteń khadbadaokʼkan tahẽkana; ar hudis hudiste iń doń loraokʼkan tahẽkana. (Sela)

Sereńko 78:34

Uni do onkoe gocʼketʼko tayom sarecʼ hoṛko do uniyakʼ kathako disạkeda; onko do arhõ uni secʼko ạcur ruạṛena ar jitkate uniko ńam baṛakedea.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Jesaea 37:3

Onko do Jesaeako metadea, “Hiskiạ do nonkae meneda, teheńakʼ din do gạr, ar nisṛạu ar opoman reakʼ din kana. Ale do gidrạkole janamko leka dosa hoyakantalea menkhan onko janamko reakʼ daṛege bạnukʼtalea.

Jirimiạ 2:27

Onko do kaṭko metakʼa, ‘amgem ińren ạpuń kana,’ ‘ar amgem ińren eṅgạń kana.’ Onko do iń secʼ khon deako ạcur akatʼtakoa mẽtʼãhã do baṅa; enhõ muhinre doko mena, ‘dela hijukʼme, ale bańcaoleme.”

Jirimiạ 22:23

E Lebanon reakʼ debdạru kaṭte benaoakʼ oṛakʼren tahen kạnicʼ, maejiu hoṛakʼ bedon leka tinre haso rakapʼama unre am dom geraṅa!”

Jirimiạ 29:12

Unre ape do ińpe hohowạńạ ar iń ṭhen hecʼkatepe koejoṅa; ar iń do apeakʼ iń ańjomtapea.

Rak̕joṅ 2:19

Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Hosea 7:14

Onko do akoakʼ aṭetʼreko homor halaṅeda, menkhan ontor khon iń ṭhen do bako rakʼeda. Anaj ar nãwã darkha rasa ńam lạgitʼko jarwakʼkana ar iń upạrteko hulletʼkana.

Numeri 21:7

Unre hoṛko do senkate Moseko metadea, “Ale do Probhu Isor ar am upạrte kathale roṛ akatʼte ạḍile kại akada. Am do ńitokʼ Probhu Isor ṭhen nehõrokʼme jemon ale ṭhen khon bińkoe pharakʼko.” Unre Mose do hoṛko lạgitʼe nehõrena.

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Bikʼcạrko 10:15

Menkhan Israelko do Probhu Isorko metadea, “Ale dole ghạṭ akada. Am okaṭakʼ bhagem hudisetʼ alere onage onkaeme baṛe, menkhan dayakate niạ dhao do rukhiyạleme.”

1 Samuel 1:15

Hanna doe roṛ ruạṛkeda, “E ińren Baba, ona do baṅa. Iń do mitʼṭen dukhi hoṛ kạnạń; iń do darkha rasa hõ bạń ńũ akada, ar bubulakʼ hõ bạń ńũ akada. Iń do Probhu Isor samaṅre ińakʼ ontorgeń duletʼtiń tahẽkana.