Jesaea 26:12 - সান্তালী বাইবেল

¹² E Probhu Isor, suluk baṛe teṅgo aleme; ente okale ceka daṛeakatʼ ona sanamakʼge am do ale lạgitʼem kạmi akatʼa.

Jesaea 26:12 Iomraidhean Croise

Sereńko 29:11

Probhu Isor do acʼren hoṛko daṛeye jogao akokana; ar suluke dan akokanteye bhorako kana.

Sereńko 57:2

Iń do maraṅ Isoriń hohowaea; okoe do acʼakʼ sanam kathae rukhiyạ akatʼtae iń do unigeń hohowaea.

Sereńko 57:3

Serma khon uniyakʼ goṛo do pheḍ hijukʼkana; okoe ińko laga baṛayediń kan onkoakʼ dos reakʼ katha roroṛ do bae thirokʼa. (Sela) Isor ṭhen khon unire asambheṛ dulạṛ ar pạtiạrtetʼ do pheḍ hijukʼa.

Sereńko 68:28

Amren Isor ṭhen khon amakʼ daṛe do hecʼakana. E Isor, amakʼ daṛe udugme, lahate am do ale secʼ hoekate kạmim udukʼletʼa.

Sereńko 90:17

Aboren Probhu Isorakʼ daya do abo cetanre baṛe tahen ma; aleakʼ sanam kạmi kajaktaleme, hẽ, aleakʼ sanam kạmi baṛe kajak utạrtaleme.

Jesaea 26:3

Okoeyakʼ mon amre tahẽ uricʼ akan uni do purạ suluktem dohoyedekana, ente uni do am cetanreye bhorsakʼ kana.

Jesaea 27:5

Bickom onako do asray ńam lạgitʼ iń ṭhenko hijukʼma; ar iń sãoteko sulukokʼ ma. Hẽ, iń sãotegeko sulukokʼ ma.

Jesaea 29:23

Tinre onko do ako talare ińakʼ ti reakʼ kạmi, metakʼme akoren gidrạkoko ńelkoa unre sonoticʼ menteko manaoińạ. Jakobren uni sonoticʼ do sonot menteko aṅgocea ar Israelren Isorko botoraea.

Jesaea 32:18

Ińren hoṛko do sulukte perecʼ jaegare, khạtirjomako tahen jaegare ar nirdạndi tahen jaegare girobas akanko tahena.

Jesaea 57:10

Am do dãṛã dãṛãtem laṅga caba akana, enhõ ‘as do bạnukʼa,’ niạ katha do bam menleda. Menkhan sewakate nãwã daṛem ńam idikeda, onate bam laṅgalena.

Jesaea 57:19

Onko do onateko mena, ‘sor ar sạṅgińren sanamko lạgitʼge suluk baṛe hoyokʼma.’ Iń Probhugeń meneda, onko do ińgeń bogekoa.”

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jirimiạ 33:6

“Enhõ iń do napae hoṛmoteń dohoya ariń ran bogea; ińren hoṛkoń ran bogekoa ar sạriyakʼ reakʼ asambheṛ suluk nirại ar khạtirjoma iń khulạuakoa.

Jeheskel 20:14

Menkhan ińakʼ ńutum rukhiyại tiń lạgitʼ iń do ona bạń onkaleda, jemon okoe jạtrenko samaṅre onkoń oḍok giḍiletʼko onko ṭhen ińakʼ ńutum besonotakʼ alo hoyokʼtiń.

Jeheskel 20:22

Menkhan ińakʼ ti doń ocokʼketʼtińạ ar ińakʼ ńutum rukhiyại lạgitʼ ona do bạń onkaleda jemon sanam jạtrenko samaṅre onkoń oḍok ạguletʼko tahẽkan onko ṭhen ińakʼ ńutum do besonotakʼ alo hoyokʼ.

Jeheskel 20:9

Menkhan ińakʼ ńutum rukhiyại tiń lạgitʼ ona do bạń onka akada, jemon okoe jạtrenko talareko girobasokʼ kan tahẽkan onko ṭhen ińakʼ ńutum besonotakʼ alo hoyokʼ. Misor disạm khon Israelko oḍok ạgukate onko jạtrenkoakʼ mẽtʼ samaṅre Israelko ṭhen ińtetʼ geń sodorena.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Numeri 6:26

Probhu Isor do acʼakʼ mẽtʼãha am secʼe samaṅma ar suluke dohoam ma.’

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.