Jesaea 26:11 - সান্তালী বাইবেল

¹¹ E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 26:11 Iomraidhean Croise

Jobakʼ 34:27

ente onko do uniyakʼ hor khonko sahaṛ akana; uniyakʼ jãhãn hukumge bako moneyakʼ kana.

Sereńko 10:12

E Probhu Isor, ma teṅgonme; E Isor, amakʼ ti tiạrme, ar nacarko do alom hiṛińkoa.

Sereńko 21:8

Amakʼ titege amren sanam bạirikom sapʼetʼkoa; ar amko hirkhạwamko do jojom titem sapʼpaṭetʼkoa.

Sereńko 28:5

Probhu Isorakʼ ti okae kạmi akatʼ onko do ona reakʼ bako hetawakʼkana, onatege uni do onkoe marao giḍikoa, ar bae benao rakapʼkoa.

Sereńko 78:63

Seṅgelte onkoren juạnkoe gocʼketʼkoa; ar onkoren kũạ̃ri kuṛiko lạgitʼ bapla sereń do baṅ hoylena.

Sereńko 86:17

Amakʼ bhạlại reakʼ sana menakʼ ona baṛe sạbudme, jemon iń hirkhạwạńko do ona ńelte lajaoko ńam; ente E Probhu Isor, amge ińem goṛoakadińạ ar jiwi raṛecʼem imạńkana.

Exodus 9:14

ente noa tayom am ar amren kạmiyạko ar hoṛko cetanre iń do sanam lekan duk iń kola. Ar unrem bujhạu daṛeakʼa, goṭa dhạrtire iń leka ar celege bạnukʼkoa.

Jesaea 1:31

Daṛean hoṛko do rohoṛ busupʼ lekan kope hoyokʼa, ona reakʼ kạmi do seṅgel reakʼ alaṅ leka. Ona do mitʼ dhaogeye lokʼa; ar okoehõ ona seṅgel do bako ĩṛĩcʼ daṛeakʼa.” bańcaoicʼ

Jesaea 10:16

Ona iạte phạdkoren Probhu Isor do Ạsurren daṛean lạṛhại birko cetanre mitʼṭecʼ rohoṛokʼ ruại kola; ar uniyakʼ ṭhonok latarre do lepʼ leka seṅgel jol ocokʼa.

Jesaea 10:17

Israel reakʼ marsal do hoyokʼa seṅgel leka; onkoren sonotko doko hoyokʼa mitʼṭecʼ seṅgel lepʼ leka. Ar ona seṅgel do mitʼ dinre ona reakʼ joto jạnum ar rạṅgạinikoe atar giḍiya.

Jesaea 11:13

Ephrayim reakʼ hiskạ do sạṅgińokʼtakoa ar Jihudạrenko do bạiri mente bako tahena. Ephrayim do Jihudạ cetanre bae hiskạkʼa, Jihudạ hõ Ephrayim sãote bae bạirikʼa.

Jesaea 18:3

E dhạrtiren hoṛko, E dhạrtire girobasokʼ kanko, ape do tinre buru boṭkocʼ cetanre jhạnḍi rakabokʼa ona ńelpe, ar tinre sakwa saḍekʼa ona ańjompe.

Jesaea 37:32

Ar sarecʼ hoṛ do Jerusalem khonko oḍokokʼa ar Sion buru khon do rukhiyạko ńamakatʼ mitʼ dol hoṛko hijukʼa. Phạdkoren Probhu Isorakʼ ãṭ do onageye hoeocoya.

Jesaea 42:13

Mitʼṭen birbão hoṛ leka Probhu Isor doe oḍok hijukʼa; uni do lạṛhại bir leka acʼakʼ tạpise uskurtaea; uni do lạṛhại lạgitʼ ãṭ aṛaṅteye hohoea ar bạiriko cetanreye jitạukʼa.

Jesaea 44:18

Onko hoṛko do cetʼge bako baḍaea, ar bujhạu hõ bako bujhạua. Arko kãṛãgete bako ńeńela ar monhõ bondgetakote bujhạu hõ bako bujhạu daṛeakʼa.

Jesaea 44:9

Okoe goṛhon muṭhạnko benao onko doko ạuṛiyakʼgea; onkoren damanakʼ jinisko do porhoanakʼ doko baṅkana. Onko muṭhạnko secʼ okoe kathako roṛ onko doko kãṛãgea, cetʼge bako baḍaea; ona iạte onko do lajaoreko paṛaokʼa.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Jesaea 59:17

Uni do koṛam aḍtae lạgitʼ dhoromgeye horokʼana ar bohokʼre do babańcaoge. Uni do hala hạli reakʼ kicricʼe horokʼkeda ar edre do kicricʼ leka hoṛmoreye oyowana.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Jesaea 66:15

Ńelpe, Probhu Isor do seṅgelteye hijukʼa ar uniyakʼ rãt gạḍiko do hoe bharḍo lekage hijukʼa. Unre uni do acʼakʼ edreye sodortaea, uniyakʼ eger do seṅgel lepʼ leka sodorokʼa.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Jesaea 66:5

Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.

Jesaea 9:18

Sạrige dusṭạmi do seṅgel leka jolokʼ kana, ona do jạnum ar rạṅgạinikoe atar giḍikakʼa. Ona do bir gajaṛkoe jeretʼeda ar onate dhũạ do cetante tutʼ tutʼ gurlạu rakabokʼa.

Jesaea 9:19

Phạdkoren Probhu Isorakʼ edrete disạm do jarkharokʼa, ar hoṛko do seṅgel lạgitʼ sahan lekako hoyokʼa. Celege acʼren boeha hõ bae dayawaea.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Jirimiạ 44:28

Ar okoe do lạṛhại khonko bańcaokʼte Misor khon Jihudạ disạmteko ruạṛ hijukʼ onkoakʼ lekha do thoṛage hoyokʼa. Ona tayom Jihudạren sarecʼ okoeko hoṛ Misorte girobasokʼ lạgitʼko hecʼakan onko doko baḍae daṛeakʼa okoeyakʼ katha ṭhik tahena, ińakʼ se onkoakʼ.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Mikạ 5:9

Jakobren hoṛ do bạiriko cetanreko jitạukʼa ar onkoren sanam bạiriko marao utạrkoa.

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Mikạ 7:16

Jạt jạtrenko daṛeanko hoylenre hõ onko do amakʼ kạmi ńelteko lajaokʼa. Onko do mocako bedokʼma ar luturko esetʼkatakoma.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Luk 16:23

Ado patalreye sasetokʼkan tahẽkanre coṭ secʼe beṅgetʼ rakapʼketʼ khan sạṅgińre Abraham ar uni sorre Lasare ńelkeda.

Aposkạmi 28:27

Noko hoṛakʼ ontor do goṛdho akana, ar lutur hõ tepetʼakan takoa, ar mẽtʼ doko jạpitʼ akada, jemon mẽtʼte aloko ńeńel, luturte aloko ańjom, ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Ibriko 10:27

bickom eken bicạr reakʼ botoranakʼ ghuṛi ar Isorren bạiriko lo torocʼko leka jolokʼkan edrege ńelhor akae tahen hoyokʼa.

1 Patras 3:16

Apeakʼ bibek do sapha dohoytape, jemon Mạsiren hoṛ lekate apeakʼ bhage colon iạte okoeko oktawape onko do lajaoreko paṛaokʼ.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

1 Samuel 6:9

Ar noa sinduk do apnar disạm reakʼ ḍaharte Bet-semeste calakʼ enḍekhanpe bujhạu daṛeakʼa, noa duk do Probhu Isor secʼ khonge hecʼakawatʼ bona. Menkhan ona horte baṅ calakʼ enḍekhan bujhạupe abo cetanre niạ duk do uni khon baṅ hecʼakana, noa do emontege abore paṛao akana.”