Jesaea 25:2 - সান্তালী বাইবেল

² Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

Jesaea 25:2 Iomraidhean Croise

Jobakʼ 12:14

Uniye rạputʼ giḍilere celege bako benao ruạṛa; ar jãhãe hoṛe siń esetʼlere celege bako jhijea.

Jesaea 13:20

Onare do ar tishõ bako tahena se piṛhike piṛhi celege onḍe do bako girobasokʼa. Arobrenko hõ onḍe do tạmbu bako ṭaṅgaoa, jãhãe gukʼpiko hõ onḍe akoren palko bako aḍakoa.

Jesaea 13:21

Menkhan bir janwarkoge onḍe doko mạnḍiạukʼa, onḍenakʼ oṛakʼ-duạrko do bir dundukote perejokʼa, ũṭ cẽṛẽko onḍeko tahena ar bir merom boda doko don baṛaea.

Jesaea 13:22

Onḍenakʼ buruńjre do toyoko raga ar khĩkṛĩ do gaṛreko tahena. Babel reakʼ okte do hecʼakana onako reakʼ din do ar baṅ ḍher ocowakʼa.”

Jesaea 14:23

Ona do jhĩkko reakʼ ạidạri ar dakʼ ghaḍlakʼkoń hoeocoya. Ar mohor meṭao reakʼ jonokʼte ona doń jokʼ saphaea. Phạdkoren Probhu Isorge niạ katha doń meneda.”

Jesaea 17:1

Damesek reakʼ nạbi katha do nonka leka: Probhu Isore meneda, “Ńelpe, Damesek nagraha do ar baṅ tahena, ona do mitʼṭecʼ dhaṅdhaserakʼ ḍạṅge hoyokʼa.

Jesaea 17:3

Ephrayimre do jãhãn gaṛge baṅ tahena ar Damesekre hõ rajosṭige baṅ tahena; Aramren sarecʼ jiwetʼ hoṛ do Israelko leka ṭhonok hoyokʼtakoa.” Noa do phạdkoren Probhu Isorakʼ katha kana.

Jesaea 21:9

Hanko ńelkom, joṛa joṛa aswarikoko darae kana.” Ona tayom uni doe mena, “Babel do lạnduṛena, lạnduṛena. Onaren sanam boṅga muṭhạnko do otreko tawakʼ posakʼ ocoakana.”

Jesaea 23:11

Probhu Isor do jalapuri cetanre acʼakʼ tiye tiyạr akatʼtaea ar rajosṭikoe daldalao akada. Uni do Kanan disạm babotre mitʼṭecʼe hukum akada jemon ona reakʼ gaṛkoe marao giḍikakʼ.

Jesaea 23:13

Kạldikoakʼ disạm beṅgetʼakʼpe; mitʼ okte uniren hoṛko do celege bako baḍaeyetʼko tahẽkana. Ạsurrenko Babel do hahaṅkarren janwarkoakʼ ṭhạ̃iko hoy ocoakada, menkhan Babelrenko do Tur upạrte jhãp em lạgitʼ pahra oṛakʼ leka usul usul rãt gạḍiko benao akada, ar uniyakʼ maraṅ maraṅ oṛakʼko luṭ akada ar dhaṅ dhaserakʼ ḍạṅ lekako hoyocoakada.

Jesaea 24:10

Nagrahako do dhaṅdhaser akan tahena. Sanam oṛakʼ duạr do huṛkạṛokʼa; ar bhitrite do bako bolo daṛeakʼa.

Jesaea 25:12

Uni do Moabakʼ pạcri reakʼ usul gaṛkoe lạnduṛ giḍikakʼa; onako doe hasareye mesaoa, ar dhuṛi lekae hoeocoya.

Jesaea 26:5

Okoe usul ṭhạ̃ireko girobasokʼ kan onko doe copotʼ akatʼkoa; uni do ona cetan nagrahakoe copotʼ ocoyeda. Ona do ot hạbicʼgeye copotʼeda, ar dhuṛireye milạueda.

Jesaea 27:10

Pạcrite esetʼ nagraha do nisun akana; ona do bạgi giḍiyakʼ oṛakʼ ar hahaṅkar leka bạgi giḍi hoyakana. Onḍe do mĩhũko ạtińa arko burumokʼa; ar dare reakʼ sakamko joma.

Jesaea 32:14

Tin hạbicʼ cetan khon sonot jiu abore bae dul ocokʼ ar hahaṅkarre bhage jumi ar bhage jumi do bir gajaṛ leka baṅ hoyokʼ, unhạbicʼ gaṛre ar rão rãokʼkan nagrahare do celege bako tahena, ar buru ar pahra buruńj do dander leka hoyokʼa. Ar ona do bir gadhakoakʼ rạskạjoṅ reakʼ ṭhạ̃i ar janwarkoakʼ ạtiń jaegakoge hoyokʼa.

Jesaea 32:19

Arelte bir do chaka chunokʼa ar nagraha do otre mitʼ são utạrokʼa.

Jesaea 34:13

Ona doṅgolre do jạnum jhonḍako hara rakapʼa, seṅgel siń ar rạigạini do ona reakʼ gaṛkore. Ona disạm do toyokoakʼ dander ar ũṭ cẽṛẽkoakʼ tahen jaega hoyokʼa.

Jesaea 37:26

Am do cetʼ bam ańjomakada, ḍher din laha khonge ona doń niṭakatʼ tahẽkana, ar ḍher din laharege ona reakʼ iń goṭa akatʼ tahẽkana mente? Ńitokʼ do onań hoyocokeda. Onatege pạcrite esetʼ nagrahako do dhiri puńjirem hoyocoakada.

Jirimiạ 51:26

Hoṛko do konac reakʼ dhiri lạgitʼ am khon do bako hataoa, ar rehetʼ bạisạu lạgitʼ hõ bako hataoa; am do jaejug ujạṛ utạrakʼgem hoyokʼa.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Dosar Biboron 13:16

Ar onḍenakʼ luṭ ạguwakʼ joto jinisko do nagraha reakʼ tala kulhirepe dohoya ar sanamakʼ jinisko, ona ato ar nagraha hõ aperen Probhu Isor ńutumte jeredokʼ samaṅokʼakʼ leka purạtepe jeretʼ giḍikakʼa. Ona jaega do jaejug hạbicʼ ḍhipi leka tahena; ar ona do tishõ baṅ benao hoyokʼ.

Johan sodor 18:19

Onko do akoakʼ bohokʼre dhuṛiko er joṅa ar rakʼ rakʼteko mena, “Hae, hae, ona maraṅ nagraha do! Ar jalapurire okoekoakʼ jahaj menakʼtako onko do uniyakʼ dhon-duribtegeko kisạ̃ṛlena; ar ńelpe mitʼ ghuṛitege ona do ḍahao maraoena!”