Jesaea 24:8 - সান্তালী বাইবেল

⁸ Toblako reakʼ saḍe ar andoṛetʼko reakʼ sabad ar peṛesaṅ reakʼ rạskạ do caba utạrokʼa.

Jesaea 24:8 Iomraidhean Croise

Jobakʼ 3:7

Ona ńindạ do bạńjhige baṛe hoyokʼma, rạskạ reakʼ cetʼ sereńge onare alo ańjomokʼma.

Jobakʼ 30:31

Ińakʼ peṛesaṅ khon duk reakʼ saḍe oḍokokʼ kana, ar tiriạ khon do homor halaṅ reakʼ saḍege.

Sereńko 137:2

Onḍenakʼ bạisi darekore aleakʼ banamkole akakakʼ kan tahẽkana.

Jesaea 16:10

Joanakʼ bagwan khon hulạs ar rạskạ do sạṅgiń ocoakana. Darkha bagwanre do celege bako sereńa ar bako andoṛa, ar darkha lelen kunḍrehõ celege darkha rasa do bako lebetʼ roḍoja, ente ona reakʼ andoṛ do mokoń ocoakana.

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Jesaea 5:14

Ona iạte patal puri do acʼakʼ nạnḍriye osar akatʼtaea, ar moca do maraṅ okocʼe cahapʼ akada. Ar manotanko ar disạm hoṛko, jhogṛakʼko, gulmaletʼ hoṛko jotoge onḍeko ńurokʼa.

Jirimiạ 16:9

ente iń Israelkoren Isor sanam daṛeanicʼ Probhugeń meneda, iń do niạ ṭhạ̃irege hoṛkoakʼ mẽtʼãhã samaṅre onkoakʼ rạskạ ar hulạs reakʼ aṛaṅiń cabaetakoa ar jãwãe koṛa ar bạhu kuṛiyakʼ aṛaṅ hõń bond ocoya.

Jirimiạ 25:10

Onko tala khon rạskạ ar hulạs reakʼ aṛaṅ, jãwãe ar bạhu kuṛiyakʼ aṛaṅ, jante reakʼ saḍe ar diuhe reakʼ marsal doń sạṅgiń giḍikakʼa.

Jirimiạ 7:34

Iń do Jihudạ reakʼ nagrahakore ar Jihudạ reakʼ sanam horkore rạskạ ar hulạs reakʼ aṛaṅ ar jãwãe ar bạhu kuṛiyakʼ aṛaṅiń thir ocoya, ente disạm do mitʼṭecʼ jarkharakʼge hoyokʼa.

Rak̕joṅ 5:14

Nagraha reakʼ phaṭok duạr ṭhen murubbiko do ar bako duṛupʼ kana; Juạnko hõ ar bako sereń durạṅeda.

Jeheskel 26:13

Iń do amakʼ sereń reakʼ arãṛiń thir ocoytama; binạ banam reakʼ saḍe hõ ar do baṅ ańjomokʼa.

Jeheskel 28:13

Am do Isorakʼ Eden bagwanrem tahẽkana, sanam lekan damanakʼ dhiri, cuni, podmorag, hirạ, gomedok, boidurjo ar surjokanto, nilkanto, pitmani, morokot ar sona do amakʼ abhrange tahẽkana, amakʼ jhan jhanaokʼkan mala ar seke sekekʼ hạ̃sli do sona reakʼge tahẽkana; noako do sirjạu hilokʼrege tearlena.

Hosea 2:11

Iń do uniyakʼ joto rạskạ reakʼ porob, molokʼ candoko, jirạukʼ mãhãko metakʼme uniyakʼ niṭ akatʼakʼ sanam porobkoń caba utạrtaea.

Amos 6:7

Onate okoe do bondikate eṭakʼ disạmteko idi ocokʼ onko modre apege pạhil thokren hoṛpe hoyokʼa; unre bhoj jom ar kunḍlạṅ hataṛokʼ do cabakʼtapea.

Johan sodor 18:22

Okoe peṛesaṅko banam, arko sereń ar tiriyo ar siṅgạko oroṅ onkoakʼ saḍe do ar tishõ amre baṅ ańjomokʼa. Amre tishõ gạkhuṛ kạrigol do ar bako ńamokʼa. Ar amre jante reakʼ saḍe do ar tisge baṅ ańjomokʼa.