Jesaea 24:6 - সান্তালী বাইবেল

⁶ Ona iạte mitʼṭecʼ sarap do dhạrtiye utʼ cabaea; ar uniren hoṛko do dusikoko hoyokʼa. Ona iạte dhạrtire okoeko girobasokʼ kan onko doko atar giḍi ocokʼa ar thoṛa hoṛge jiwetʼko tahena.

Jesaea 24:6 Iomraidhean Croise

2 Rapajko 24:12

Unre Jihudạren raj Jehoyakin, uniren eṅgattetʼ, uniren gokʼṛoyicʼ, uniren subedarko ar uniren gutiko jotoge Nebukadenesarakʼ tireko jimạyena. Nebukadenesarakʼ rajokʼ irạlakʼ bochorre uni do Jehoyakin bondikateye idikedea.

2 Rapajko 25:12

menkhan darkha bagwan ńel todarot ar jumi cas lạgitʼ thoṛa reṅgecʼ hoṛ do disạmreye doho oṭokatʼkoa.

Jesaea 1:31

Daṛean hoṛko do rohoṛ busupʼ lekan kope hoyokʼa, ona reakʼ kạmi do seṅgel reakʼ alaṅ leka. Ona do mitʼ dhaogeye lokʼa; ar okoehõ ona seṅgel do bako ĩṛĩcʼ daṛeakʼa.” bańcaoicʼ

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

Jesaea 34:5

Ińakʼ tarwaṛe do sermare ńu rosao akana, ńelpe, bikʼcạr lạgitʼ ona do Edom cetanre, metakʼme okoeko hoṛ do jarkharokʼ lạgitʼ iń dohoakatʼko onko cetanre pheḍ hijukʼa.

Jesaea 43:28

Onate iń do apeakʼ mundilren naekekoń opomankoa ar Jakob do marao ocokʼ lạgitʼ iń soprotea ar Israel do landa-dhutʼicʼ iń hoeocoyea.”

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Jesaea 9:19

Phạdkoren Probhu Isorakʼ edrete disạm do jarkharokʼa, ar hoṛko do seṅgel lạgitʼ sahan lekako hoyokʼa. Celege acʼren boeha hõ bae dayawaea.

Jirimiạ 12:4

Disạm do tinạkʼ dine homor halaṅa ar ṭạnḍi reakʼ ghãs hõ tinạkʼ din tolmocʼ akae tahena? Okoe onḍeko girobasokʼ kan onkoko bạṛicʼgete janwar ar cẽṛẽko hõko marao akana. Onko hoṛko meneda, “Abo cetʼ bon cekayetʼ do bae ńeńelkana.”

Jirimiạ 5:14

Onatege phạdkoren Probhu Isor do nonkae meneda, “Hoṛko niạko menetʼte amakʼ mocare ińakʼ katha do seṅgel lekań hoeocoya ar noko hoṛ do kaṭ lekań hoyocokoa; ar ona seṅgel do onkoe jomkoa.”

Jeheskel 5:3

Menkhan thoṛa upʼ dohokate amem horokʼ akatʼ kicricʼrem rebetʼ dohokakʼa.

Levitikus 26:22

Ape talare jojom kaṭaha janwarkoń kolkoa. Onko do aperen gidrạkoko jomkoa, ar aperen mĩhũ-meromkoko maraokoa ar aperen hoṛko komaokʼtapea. Onate apeakʼ horko do khạlige tahena.

Malaki 3:9

Ape do saraprege menakʼpea, enhõ aperen goṭa jạtrenko do ińko ṭhokayediń kana.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Malaki 4:6

Uni do apatkoakʼ ontor akoren hoponko ar hoponerako secʼ ar hopon ar hoponerakoakʼ ontor do apatko secʼe ạcur ruạṛtakoa, ar hecʼkate sarap iạte disạm jemon aloń jarkhar.”

Mathae 27:25

Sanamkoko roṛ ruạṛadea, “Ale ar aleren gidrạkoge uniyakʼ mãyãm reakʼ dạyikle hoyokʼa.”

Mathae 7:14

Menkhan okaṭakʼ hor jion secʼe ạyur idi ona reakʼ hor do sakṛagea ar duạr hõ suṛucʼgea. Ar thoṛa hoṛge noa doko sendra ńametʼkana.

Romiko lạgitʼ Pạul Apostolakʼ ciṭhi 9:27

Jesaea nạbi hõ Israelko reaṅe roṛleda, “Israel hoponko reakʼ lekha do jalapuri reakʼ gitil unạkʼlenre hõ eken sarecʼkoge bańcaoko ńama.

Dosar Biboron 28:62

Aperen hoṛ do sermaren ipil lekako saṅgelenre hõ aperen Probhu Isorakʼpe bebataoetʼtae iạte thoṛa hoṛge unre jiwetʼpe tahena.

Dosar Biboron 4:27

Probhu Isor do ạḍi lekan jạtrenko talareye chirchạtur ocopea ar okoeko talareye laga ńirpe onko talare ape do thoṛa hoṛge jiwetʼpe tahena.

2 Patras 3:10

Menkhan Probhu Isorakʼ din do kombṛo leka hijukʼa. Ona dinre serma do sãe sãe saḍete parom calakʼa ar siń cando, ńindạ cando, ipilko sanamgeko atarokʼa arko le cabakʼa. Dhạrti ar onare menakʼ sanamakʼge ḍahao maraokʼa.