Jesaea 24:3 - সান্তালী বাইবেল

³ Dhạrti do ujạṛ utạrokʼa, ar purạtege luṭ ocokʼa. Probhu Isor do niạ kathageye meneda.

Jesaea 24:3 Iomraidhean Croise

2 Bõsbudạ 36:21

Niạ oktere Israel disạm do acʼakʼ jirạukʼ-bochorreye jirạuena. Jirimiạ hotete roṛlen Probhu Isorakʼ katha eae gel bochor ạuri purạukʼ hạbicʼ onkoakʼ disạm reakʼ sanam jumiko do khạlige tahẽyente jirạuena.

Jesaea 21:17

Kedarren dhinkiạko modre thoṛa hoṛge jiwetʼko tahena. Israelren Probhu Isor do niạ kathageye meneda.”

Jesaea 22:25

Okaṭakʼ khunṭi do kajak jaegareko kuṭạm jalatʼletʼ enhilokʼ ona do bocʼ hijukʼa; ona do makʼ kuṭrạkʼa ar ona cetanre okako aka tahẽkan onako do getʼ ńur ocokʼa.’ ” Noa do phạdkoren Probhu Isorakʼ katha kana. Niạko hoyokʼa, ente Probhu Isor do acʼge onae meneda.

Jesaea 24:1

Ńelpe, Probhu Isor do dhạrtiye ujạṛ utạr are marao lạgidokʼ kana. Uni do ona reakʼ cetantetʼe ulṭạu giḍikakʼa ar onare girobasokʼ kan hoṛkoe chirc hạturkoa.

Jesaea 24:2

Enhilokʼ naeke ar disạm hoṛko, kisạ̃ṛ ar gutiko, kisạ̃ṛ erako ar kạ̃ṛmĩko, kiriń ar ạkhrińko, dhar emokʼko ar hataoko ar rin emokʼko ar rin hataoko onko jotokoakʼ dosa do mitʼ lekage hoyokʼtakoa.

Jesaea 24:4

Dhạrti do hińjrạukʼ kana ar boraokʼ kana ar pirthimi do loraokʼ kana ar boraokʼ kana.

Jesaea 42:22

Menkhan noko hoṛ do jotowakʼge luṭ idi akantakoa, ar jotoge khạndṛuńreko khadle giḍi ocoakana ar jelkhanareko siń doho ocoakana. Onko do recʼ ocoakʼ jinis lekako hoyakana, onko rukhiyạko lạgitʼ do celege bạnukʼkoa. Onko do luṭteakʼ malko hoyakana; ar okoege bako meneda, “Onko ruạṛkope.”

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Jirimiạ 13:15

Ańjomtińpe, ar moneyakʼtińpe, bạḍạiko leka do alope hoyokʼa, ente Probhu Isor do kathae roṛeda.

Jeheskel 36:4

Onate E Israel reakʼ buruko, ape do ińakʼ katha ańjompe. E maraṅ ar huḍiń buruko, khandṛaṅko, buru-nalako, ujạṛ utạrakʼ dhaṅ dhaserakʼko ar ape beṛhaeten eṭakʼ eṭakʼ jạtrenko okoe do luluṭko ar landa dhudhutʼkope hoyocoakatʼko ona bạgi oṭowakʼ nagrahako,

Mikạ 2:4

Enhilokʼ do maraṅ homor halaṅge hoyokʼa ar noa duk reakʼ sereń hoyokʼa. Ale dole marao utạr akana; ale jạtrenkoakʼ sompotti do recʼidi ocoakana. Probhu Isor do ale ṭhen khon onae idi akada. Aleakʼ khet-baṛge do bepạtiạrankoe emakawatʼkoa.”

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.

Dosar Biboron 29:28

Uniyakʼ raṅgao ar botoranakʼ jolokʼkan edre iạte onko do disạm khone or totʼ akatʼkoa ar eṭakʼ disạmreye giḍiakatʼkoa, ar teheń hạbicʼ hõ onḍege menakʼkoa.’