Jesaea 24:23 - সান্তালী বাইবেল

²³ Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Jesaea 24:23 Iomraidhean Croise

Sereńko 97:1

Probhu Isorgeye raj kana; dhạrti doe rạskạkʼma, ar sạṅgiń reakʼ dipko hõko kusikʼma.

Exodus 15:21

Moseyakʼ sereń reakʼ roṛ ruạṛre Mạriạm do noa sereńe sereńkeda; “Ape do Probhu Isor ńutumte sereńpe, ente hoṛkoakʼ mẽtʼãhãre uniyakʼ ṭhonok do maraṅena. Sadomko ar aswariko do unige doreão dakʼreye khadleketʼkoa.”

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 13:10

Unre sermaren ipilko do marsal bako emokʼa; siń candoe rakabokʼ okterehõ ńutge tahena ar ńindạ cando hõ bae terdeja.

Jesaea 30:26

Unre Probhu Isor do acʼren hoṛkoakʼ ghạlkoe bedhaotakoa ar ńẽtʼ ghaokoe bogeytakoa ar enhilokʼ ńindạ cando do siń cando leka marsale emokʼa, ar siń cando reakʼ marsal do eae dobṛa hoyokʼa.

Jesaea 33:17

Amakʼ mẽtʼ do raje ńelea uniyakʼ mońj rupre, manḍerte phaelao akan disạmgeye ạribạndhiya.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 52:7

Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’

Jesaea 60:1

Probhu Isore meneda, “E Jerusalem, Beretʼme, marsal emokʼme, ente amakʼ marsal do sor hecʼakana; Probhu Isorakʼ mạhima do marsale emam kana.

Jesaea 60:19

Sińre siń cando reakʼ marsal do ar baṅ jạruṛama, ńindạ cando reakʼ terdecʼ marsal hõ baṅa, ente Probhu Isorge amren jaejug reakʼ marsale hoyokʼa, ar amren Isorge amakʼ ṭhonoke hoyokʼa.

Jesaea 60:20

Amren siń cando do tisge ar bae hạsurokʼa, ar amren ńindạ cando hõ ar bae adokʼa. Probhu Isorge amakʼ jaejug reakʼ marsale hoyokʼa; ar amakʼ hirdạukʼ reakʼ dinko do mucạdokʼtama.

Jeheskel 48:35

Nagraha beṛhaete bhit reakʼ jokha do hoyokʼa gel irạl hajar ḍaṅ. Ar un khon nagraha reakʼ ńutum do hoyokʼa, ‘Probhu Isor do nonḍege menaea.’ ”

Daniel 7:18

Menkhan mucạtʼre maraṅ Isorren hoṛko do ektiạri ńamkate jaejug, hẽ, jaejug hạbicʼko rajokʼa.’

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Joel 3:15

Siń cando ar ńindạ cando dokin ńutokʼa ar ipilko do marsal bako emokʼa.

Obodiạ 1:21

Disạm cakʼlaoko do Sion buru khon Esaoakʼ buru ṭoṭhakoren hoṛko ḍanṭaokoa, ar rajosṭi do Probhu Isorakʼge hoyokʼa.

Mikạ 4:7

Leḍhako do jiwetʼ iń dohokoa ar laga ńir hoṛko do mitʼṭen daṛean jạtreniń hoyocokoa. Ar iń Probhu Isorge enhilokʼ khon jaejug hạbicʼ Sion burure onko cetanreń rajokʼa.

Sakariạ 14:6

Enhilokʼ jãhãn marsalge baṅ tahena, siń cando ar ńindạ cando dokin ńutokʼa.

Sakariạ 14:7

Enhilokʼ do eṭakʼ jãhãn dinko leka baṅ hoyokʼa, siń marsal hõ baṅ hoyokʼa, ńindạ hõ baṅ hoyokʼa; siń marsal reakʼ katha do eken Probhu Isorgeye baḍaea. Ar enhilokʼ ạyupʼ jokhecʼ hõ marsalge tahena.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Mathae 6:10

Amakʼ raj hijukʼ ma. Amakʼ sana leka hoyokʼ ma, cetʼ leka sermare, onkage otre hõ.

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Johan sodor 14:1

Ona tayom iń ńelkeda, Bheḍa Hopon do Sion buru coṭreye teṅgo akana. Uni soṅgere mitʼ sae pongel pon hajar hoṛ menakʼkoa. Onkoakʼ cạndire do Bheḍa Hoponakʼ ar uniren Babawakʼ ńutum ol menakʼa.

Johan sodor 19:4

Isor, okoe do siṅghạsonreye duṛupʼ akan uni do onko bargel pon mukhiyạ ar onko ponea jiwiyanko do ombakʼkate sewawadeteko menkeda, “Amen. Halleluyah!”

Johan sodor 19:6

Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Johan sodor 22:5

Ńindạ do ar baṅ tahena ar onko do diuhe reakʼ marsal se siń cando reakʼ marsal hõ baṅ jạruṛakoa, ente Probhu Isor do acʼge onkoren marsale hoyokʼa. Ar jaejug hạbicʼ onko do rajko calaoa.