Jesaea 24:10 - সান্তালী বাইবেল

¹⁰ Nagrahako do dhaṅdhaser akan tahena. Sanam oṛakʼ duạr do huṛkạṛokʼa; ar bhitrite do bako bolo daṛeakʼa.

Jesaea 24:10 Iomraidhean Croise

Genesis 11:9

Ar onate ona jaega reakʼ ńutum do Babele dohokeda, ente onḍege Probhu Isor do dhạrti reakʼ pạrsiye gaḍbaḍao ocoketʼtakoa. Ar onḍe khonge uni do goṭa dhạrtiye pasnaoketʼkoa.

2 Rapajko 25:4

Tayomte nagraha pạcri reakʼ mitʼ jaegareko bhugạkʼkeda. Ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar raj do Araba secʼe dạṛkeda.

Jesaea 23:1

Tur babotre Probhu Isorakʼ katha do nonka: E maraṅ maraṅ tạrsis jahajko, hae haeyokʼpe, ente Tur do jarkhar akana; onḍe do oṛakʼ hõ bạnukʼa, bondor hõ bạnukʼa. Ape do Kuprus disạm khon niạ sombatpe ańjomakada.

Jesaea 24:12

Nagraha do dhaṅdhaser ḍạṅ leka hoyokʼa ar phaṭok duạrko do kuṭạm lạnduṛ ocokʼa.

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

Jesaea 26:5

Okoe usul ṭhạ̃ireko girobasokʼ kan onko doe copotʼ akatʼkoa; uni do ona cetan nagrahakoe copotʼ ocoyeda. Ona do ot hạbicʼgeye copotʼeda, ar dhuṛireye milạueda.

Jesaea 27:10

Pạcrite esetʼ nagraha do nisun akana; ona do bạgi giḍiyakʼ oṛakʼ ar hahaṅkar leka bạgi giḍi hoyakana. Onḍe do mĩhũko ạtińa arko burumokʼa; ar dare reakʼ sakamko joma.

Jesaea 32:14

Tin hạbicʼ cetan khon sonot jiu abore bae dul ocokʼ ar hahaṅkarre bhage jumi ar bhage jumi do bir gajaṛ leka baṅ hoyokʼ, unhạbicʼ gaṛre ar rão rãokʼkan nagrahare do celege bako tahena, ar buru ar pahra buruńj do dander leka hoyokʼa. Ar ona do bir gadhakoakʼ rạskạjoṅ reakʼ ṭhạ̃i ar janwarkoakʼ ạtiń jaegakoge hoyokʼa.

Jesaea 32:19

Arelte bir do chaka chunokʼa ar nagraha do otre mitʼ são utạrokʼa.

Jesaea 34:11

Pajhaṛ ar jhĩk do onako dokhola, Dundu ar kạhũko do onḍeko ḍerakʼa. Probhu Isor do ạlmạl reakʼ jokha babere tija ar onaren napṛakʼko upạrte gulmal reakʼ sạhul babere pheḍa.

Jirimiạ 39:4

Jihudạren Sedekiạ raj ar uniren sanam lạṛhại phạdko do onko ńelteko dạṛkeda; onko do ńindạ jokhecʼ rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar Araba secʼko dạṛkeda.

Jirimiạ 39:8

Babelrenko do rajakʼ oṛakʼre ar hoṛkoakʼ oṛakʼkore seṅgelko jeretʼada ar Jerusalem reakʼ pạcriko rạputʼkeda.

Jirimiạ 52:7

Tayomte nagraha pạcri reakʼ mitʼ jaegareko bhugạkʼkeda. ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar Araba secʼko dạṛkeda.

Mikạ 2:13

Bondi dosa khon ruạṛ hijukʼ lạgitʼ okoe do hore jhij uni do onko laha lahateye calakʼa; onko do phaṭok duạr rạputʼkateko oḍok calakʼa. Probhu Isor, okoe doe onkoren rajkan, uni do onkoe ạyur idikoa.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Luk 19:43

Nonkan okte hijukʼkana amren bạiri do am upạrteko teṅgona arko gherao ạcurmea ar sanam secʼ khonko cipạmea.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,