Jesaea 24:1 - সান্তালী বাইবেল

¹ Ńelpe, Probhu Isor do dhạrtiye ujạṛ utạr are marao lạgidokʼ kana. Uni do ona reakʼ cetantetʼe ulṭạu giḍikakʼa ar onare girobasokʼ kan hoṛkoe chirc hạturkoa.

Jesaea 24:1 Iomraidhean Croise

2 Rapajko 21:13

Samariạ upạrte okaṭakʼ sosoṅakʼ baber ar Ahabakʼ bõsko upạrte okaṭakʼ sạhul baberiń beoharletʼ onage iń do Jerusalem upạrteń beohara. Cetʼ leka thạri bạṭiko gasao mańjao onkage iń do Jerusalemiń mańjao saphaea ar hạrupʼkateń dohokakʼa.

Nehemiạ 1:8

“Nehõrokʼ kạnạń, amren guti Mose okaṭakʼ hukumem em akawade ona baṛe disạime. Amem menleda, ‘jodi bepạtiạrkope hoyokʼ enḍekhan iń do eṭakʼ jạtrenko talareń chirchạturpea;

Sereńko 146:9

Probhu Isor do upriạ hoṛko hõe beṅgetʼako kana uni do ṭuạ̃r amar ar rạndikoe ńel todarotetʼkoa, menkhan bạṛicʼkoakʼ hor doe konḍeayetʼtakoa.

Jesaea 13:13

Ona iạte iń do sermań daldalao ocoya; ar phạdkoren Probhu Isorakʼ kurkurạukʼte uniyakʼ jaljalaokʼkan edre dinre pirthimi do ḍikạ ḍakekʼa.

Jesaea 13:5

Onko do sạṅgiń disạm khonko hijukʼ kana, onko do pirthimi reakʼ ses simạna khonko rakapʼ hijukʼ kana; Probhu Isor do acʼakʼ edre reakʼ khanḍa bhanḍawante goṭa pirthimi marao lạgitʼe hijukʼ kana.

Jesaea 2:19

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

Jesaea 24:19

Dhạrti do kaṭra kuṭrạ cabakʼa, dhạrti do oṛejokʼa ar dhạrti do botorge dal dalaokʼa.

Jesaea 24:20

Dhạrti do ńũ bul hoṛ leka konḍe manḍekʼa, ar hoete lewer lewerokʼkan oṛakʼ leka lewer lewerokʼa. Uniyakʼ kại reakʼ bojha do nunạkʼ hamal hoyokʼtaea, uni do ar tisge bae teṅgo ruạṛ daṛeakʼa.

Jesaea 27:10

Pạcrite esetʼ nagraha do nisun akana; ona do bạgi giḍiyakʼ oṛakʼ ar hahaṅkar leka bạgi giḍi hoyakana. Onḍe do mĩhũko ạtińa arko burumokʼa; ar dare reakʼ sakamko joma.

Jesaea 29:16

Apeakʼ bud do ulṭạ palṭagea! Kuṅkạl ar jaṭaṅ hasa do mitʼ lekagepe hudiseda! Okoeye benaoetʼkan uniyakʼ benao jinis do cetʼ uni reaṅe roṛ daṛeakʼa, “Uni do bae benao akadińạ mente?” Ar bhajan do cetʼ kuṅkạl babotreye mena, “Uni do cetʼge bae baḍaea?”

Jesaea 29:2

Menkhan iń do Ariel cetanre muhiniń ạguiya. Uni do hae hae are jare jarekʼa; ar iń ṭhen do mitʼṭecʼ Ariel lekae hoyokʼa, metakʼme seṅgelanakʼ pinḍ lekage.

Jesaea 30:32

Probhu Isor do onko sãote lạṛhại jokhecʼ tinre acʼakʼ niṭ akatʼ ṭheṅgate onkoe hạnkoa unre tobla ar peṛesaṅ do banamokʼa.

Jesaea 32:12

Bhage bhage khet baṛge ar jote perecʼ darkha nạ̃ṛĩ lạgitʼ apeakʼ koṛam ceṭagtape.

Jesaea 33:9

Disạm do hińjrạukʼ kana ar loraokʼ kana, Lebanon doe lajao ocokʼkana ar tolmojokʼ kana, Saron do hahaṅkar leka hoyakana ar Basan ar Karmel reakʼ dare sakamko do ńur caba akana.

Jesaea 34:10

Siń ar ńindạ tishõ ona do baṅ ĩṛĩjokʼa; jaejug ona reakʼ dhũạ do coṭte rakabokʼa. Piṛhike piṛhi ona do khạli akaege tahena; ona talate tishõ okoege bako senokʼa.

Jesaea 34:2

Sanam jạtrenko cetanrege Probhu Isor doe edre akana; onkoren sanam lạṛhại phạdko cetanre uni do ạḍiye edre akana. Uni doe marao utạrkoa, onko do jarkharakʼ tireye jimạkoa.

Jesaea 42:15

Iń do buru boṭkocʼkoń jarkhara ar onḍenakʼ sanam aṛakʼ sakamkoń rohoṛ kạrcuba; ar gaḍako do ghuṭu otiń hoeocoya ar jolako doń ańjetʼ rohoṛa.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Jirimiạ 40:15

Unre Karea hopon Johanan do Mispate hecʼkate hape hapete Gedaliại metadea, “Amem hukum lekhan iń do senkate Nethania hopon Ismaeliń gojea, ona do okoehõ bako baḍae daṛeakʼa; uni do cedakʼ ame gocʼmea? Onate okoe Jihudiko am beṛhaeteko jarwa akan onko doko chirchạturokʼa ar Jihudạren sarecʼ hoṛ doko marao utạrokʼa.”

Jirimiạ 50:17

“Israel do chirchạtur akan bhiḍi palko leka kanae one dhạcri kule laga akade. Pạhilre Ạsurren raj do uniye jomkedea; ar mucạtʼre Babelren raj Nebukadnesar do uniyakʼ jaṅkoe tạhuṛketʼtaea.

Jirimiạ 51:34

Jerusalemren hoṛko meneda, “Babelren raj Nebukadnesar do aboe utʼ akatʼbona, abo doe chaka chun akatʼbona, ar eken kanḍa lekae hoyocoakatʼ bona. Danob leka uni doe utʼ akatʼbona ar aboakʼ bhage bhage jomakʼ do lacʼ bicʼe jomakada, ar tayomte do haḍapʼ siṭhạ akatʼ jaṅ lekae giḍi sạṅgiń akatʼ bona.”

Jirimiạ 9:16

Ar nonkan boṅgan hoṛ jạtrenko talareń chirchạturkoa okoe do akohõ baṅ ar akoren hapṛamko hõ bako baḍae akatʼko. Ar ạuriko marao utạrko hạbicʼ onko tayom tayomte lạṛhạiyiń kola.’ ”

Jeheskel 12:20

Hoṛte perecʼ nagrahako do dhaṅdhaserokʼa ar disạm do ujạṛokʼa. Ar unrepe baḍae daṛeakʼa, ińkangeạń Probhu Isor do.’ ”

Jeheskel 24:11

Ona tayom aṅgra cetanre ạjạuṛi celaṅ condaeme; jemon ona dhipạukʼ, ar ona reakʼ pitạl do jeredokʼ, jemon ona reakʼ mạilạko onarege lekʼte ona reakʼ icʼtetʼ jeretʼ cabakʼ.

Jeheskel 35:14

Goṭa dhạrtirenko tinreko hulạsokʼa unre am do ujạṛ utạrakʼ iń hoyocomea.

Jeheskel 5:14

“E Jerusalem, am beṛhaeten jạtrenko modre okoe do am aṛeteko parom calakʼ onkoakʼ mẽtʼ samaṅre dhaṅdhasericʼ ar landa-dhutʼicʼ iń hoyocomea.

Jeheskel 5:2

Ar tinre nagraha reakʼ gherao dinko cabakʼa unre ona upʼ reakʼ pe hạṭiń reakʼ mitʼ hạṭiń do nagraha talare seṅgelrem atar giḍikakʼa. Ar pe hạṭiń reakʼ mitʼ hạṭiń upʼ do tarwaṛete nagraha beṛhaetem samakʼ kuṭrạya, ar pe hạṭiń reakʼ mitʼ hạṭiń upʼ do hoerem uḍiạu gotʼkakʼa. Ar ona tayom tayomte iń do tarwaṛeń kola.

Jeheskel 6:14

Israelko do jãhãregeko girobasokʼ iń do onko upạrte ińakʼ tiń calaoa ar hahaṅkar ṭoṭha khon Dibala hạbicʼ goṭa disạmge ujạṛakʼ ar dhaṅ dhaserakʼ iń hoeocoya. Unre onkoko baḍae daṛeakʼa, ińkangeạń Probhu Isor do.”

Jeheskel 6:6

Ar jãhãregepe girobasokʼ onḍenakʼ nagrahako do jarkharokʼtapea ar than boṭkocʼko do ujạṛokʼa; onate apeakʼ pinḍko do marao utạrokʼtapea, aperen boṅga murhutʼko doko rạputʼ gejer ocokʼa, apeakʼ dhudhup pinḍko do makʼ lạnduṛokʼa ar apeakʼ benaoakʼ sanamakʼ do maraokʼtapea,

Jeheskel 7:12

Okte do hoyena, din hõ seṭerena. Onate jumi kirińetʼkan hoṛ do aloko rạskạkʼma ar ạkhrińetʼko hõ aloko dukokʼ ma, ente onko sanamko cetanre edre do seṭerakana.

Jeheskel 7:14

Hoṛko do sakwa oroṅkate sanamakʼko sapṛao dohoakada, menkhan lạṛhại lạgitʼ do celege bako oḍok calakʼkana, ente ińakʼ jaljalao edre do disạmren sanam hoṛko cetanre menakʼa.

Nạhum 1:5

Maraṅ maraṅ buruko do uni samaṅre dal dalaokʼ kana ar huḍiń buruko do galaokʼkana. Uniyakʼ hạjirokʼre dhạrti ar onare tahen kan jotogeko thar tharokʼkana.

Nạhum 2:10

Uni doe luṭ ocokʼkana, are eken ti ocokʼkana are marao ocokʼkana. Uniren hoṛkoakʼ ontor do norom akana, ar gunṭhi do lakaṛ lukuṛokʼkantakoa; onkoakʼ ḍanḍare daṛe do bạnukʼa, onko mimitʼkoakʼ mẽtʼãhã do mulin akantakoa.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Aposkạmi 17:6

menkhan unkin do onḍe bako ńamletʼkina. Unre onko do Jason ar adom biswạsi boehako or oḍok idikate nagraha cakʼlaoko ṭhenko idiketʼkoa ar hohowateko menkeda, “Okoe hoṛ goṭa dhạrtiko gulmaletʼ onko do ńitokʼ nonḍe hõko hecʼakana;

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Dosar Biboron 32:26

Iń doń menleda, onko doń kaṭra kuṭrạ cabakoa, manwako tala khon onkoakʼ disạ doń meṭao utạra.

Dosar Biboron 4:27

Probhu Isor do ạḍi lekan jạtrenko talareye chirchạtur ocopea ar okoeko talareye laga ńirpe onko talare ape do thoṛa hoṛge jiwetʼpe tahena.

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chirchạtur akan Jihudikoren gelbar bõsrenko johariń emakokana.