Jesaea 23:9 - সান্তালী বাইবেল

⁹ Uniyakʼ sanam bạḍạiko maraotae lạgitʼ ar dhạrtiren manotan hoṛko bemanotko lạgitʼ phạdkoren Probhu Isorge niạ doe goṭa doholetʼ tahẽkana.

Jesaea 23:9 Iomraidhean Croise

Jobakʼ 12:21

Cetan hudạren hoṛko cetanre acʼakʼ kurude dula ar daṛeanko doe eken ti ocokoa.

Sereńko 107:40

Uni do cetan hudạren hoṛko cetanre bemanote upʼatʼkoa,

Exodus 8:4

Onko roṭe do am cetanre ar amren hoṛko cetanre ar amren kạmiyạko cetanreko don baṛaya.’ ”

Jesaea 10:33

Ńelme, phạdkoren Probhu Isor do maraṅ daṛete ḍạrkoe rạputʼ giḍiya. Ar usul usul dareko do makʼ giḍikʼa; ar onako do otre bhindạṛokʼa.

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jesaea 14:24

Phạdkoren Probhu Isor do kiriạkateye meneda, “Sạrige, iń oka lekań ṭhik dohoakatʼ onkage hoyokʼa, ona do teṅgo tahena.

Jesaea 14:26

Goṭa dhạrti lạgitʼ niạ bebosta do ṭhik dohoakana ar sanam jạtrenko cetanre niạ tige tiạr dohoakana.

Jesaea 14:27

Phạdkoren Probhu Isorge noako doe ṭhik dohoakada, onate okoe ona doe mạutạ daṛekea? Uniyakʼ ti do tiạr akan menakʼtaea, ar okoe ona doe lạbṛukʼ daṛeketaea?

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 2:12

Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.

Jesaea 2:17

Manwakoakʼ gorbokʼ do copotʼ ocokʼtakoa ar hoṛkoakʼ bạḍại hõ copotʼ ocokʼa. Enhilokʼ do eken Probhu Isorgeye manot ocokʼa,

Jesaea 23:10

E Tạrsisren hoṛko, nil gaḍa dakʼ cetʼ leka chạplạu rakabokʼ onkage ape hõ disạmrepe chirchạturokʼa; ape aṭkao dohope leka do ar celege bạnukʼkoa.

Jesaea 32:13

Jạnum ar rạṅgạinite perecʼ ińren hoṛkoakʼ disạm lạgitʼ koṛam ceṭagtape. Hẽ rạskạ ar hulạste perecʼ oṛakʼ duạr ar andoṛte perecʼ nagraha lạgitʼ koṛam ceṭagtape.

Jesaea 5:13

Onate buj bạnukʼtako iạte ińren hoṛko do eṭakʼ disạmre bondi akanko tahena. Onkoren manotan hoṛ do reṅgecʼteko gujukʼa, ar onkoren eṭakʼko hoṛ do tetaṅteko chaṭ chaṭaokʼa.

Jesaea 9:15

Ona bohokʼ do kana murubbiko ar manotan hoṛkoge, ar canḍbol do eṛe sikhạuna emokʼ nạbiko.

Jirimiạ 13:9

“Iń Probhu Isor do noa kathań meneda, Jihudạ reakʼ bạḍại ar Jerusalem reakʼ maraṅ bạḍại do nonkageń maraoa.

Jirimiạ 51:62

Ar ona tayomem mena, ‘E Probhu Isor, am do niạ ṭhạ̃i marao reakʼ katham meneda, onate manwa se janwar okoe hõ celege bako basokʼa; noa do jaejug lạgitʼ ujạṛ akange tahena.’

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Obodiạ 1:2

Probhu Isor do Edome metaekana, “Ńelme, jạt jạtrenko talareń huḍińmea; ar am dom nihạ̃t ocokʼa.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.

Ephesiko lạgitʼ Pạul Apostolakʼ ciṭhi 3:11

Ar noage uniyakʼ do jaejug reakʼ monsubạ tahẽkantaea, ar ona monsubạge aboren Probhu Jisu Mạsi hoteteye purạukeda.

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”