Jesaea 23:11 - সান্তালী বাইবেল

¹¹ Probhu Isor do jalapuri cetanre acʼakʼ tiye tiyạr akatʼtaea ar rajosṭikoe daldalao akada. Uni do Kanan disạm babotre mitʼṭecʼe hukum akada jemon ona reakʼ gaṛkoe marao giḍikakʼ.

Jesaea 23:11 Iomraidhean Croise

Genesis 9:25

Ar unreye menkeda, “Kanan do sarapanicʼe hoyokʼma. Uni do acʼren boehako modre joto khon huḍińicʼren golame hoyokʼma.”

Sereńko 46:6

Porjạtrenko doko kạumạueda, ar rajosṭiko do rạputʼena; Uni doe aṛaṅkeda, ar dhạrti do leyena.

Sereńko 71:3

Am do ińren aotan buru hoyokʼme one jao okte am ṭheniń sen daṛeakʼ. Am do ińren usul buru ar aotan gaṛ kanam, ar onatege iń rukhiyạyiń lạgitʼem hukum akada.

Exodus 14:21

Tayomte Mose do jalapuri cetanre acʼakʼ tiye tiyạrketʼtaea; ar Probhu Isor do goṭa ńindạ mitʼṭecʼ purub reakʼ maraṅ hoeye ạguketʼte dakʼ doe bar hạṭiń ocokeda. Uni do dakʼe bar hạṭińketʼ khan jalapuri talate mitʼṭecʼ kuṭhạ̃ṛ hore tearkeda.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 13:13

Ona iạte iń do sermań daldalao ocoya; ar phạdkoren Probhu Isorakʼ kurkurạukʼte uniyakʼ jaljalaokʼkan edre dinre pirthimi do ḍikạ ḍakekʼa.

Jesaea 14:26

Goṭa dhạrti lạgitʼ niạ bebosta do ṭhik dohoakana ar sanam jạtrenko cetanre niạ tige tiạr dohoakana.

Jesaea 19:5

Nil gaḍa reakʼ dakʼ do ańjetʼ rohoṛokʼa, ar gaḍako do rohoṛte paṛagokʼa.

Jesaea 2:19

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

Jesaea 23:10

E Tạrsisren hoṛko, nil gaḍa dakʼ cetʼ leka chạplạu rakabokʼ onkage ape hõ disạmrepe chirchạturokʼa; ape aṭkao dohope leka do ar celege bạnukʼkoa.

Jesaea 23:3

Sihon gaḍa, metakʼme nil gaḍa ḍhip aṛeteakʼ anaj do maraṅ jalapuri cetante hijukʼkan tahẽkana; ar Tur reakʼ arjaowakʼ do ona gaḍa aṛe reakʼ phosolge tahẽkana, ar Tur do sanam jạtkoren beparigeye tahẽkana.

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Jirimiạ 47:7

Menkhan iń do uniń hukum akawadea onate uni do cekateye jirạukʼ daṛekokʼa? Iń do Askelon ar jalapuri ḍhip aṛerenko upạrte jhãp em lạgitʼ iń hukum akadea.

Jeheskel 26:10

Uniren sadomko do nunạkʼko saṅgeya je, onkoakʼ uḍiạu dhuṛite am dom topa utạrokʼa. Ar rạputʼ bhit talate hoṛko cetʼleka nagrahateko bolokʼ onkage uni do tinre lạṛhại sadomko, sagaṛ gạḍiko ar rãt gạḍikoante amakʼ phaṭok duạrteye bolokʼa unre onako reakʼ sabadte amakʼ pạcri bhit do daldalaokʼa.

Jeheskel 26:4

Onko do Tur reakʼ pạcri bhitko rạpuda ar usul pahra oṛakʼko dhasao giḍikakʼa. Ar iń do ona reakʼ dhuṛi hasakoń lakʼ giḍiya ar ona do cạṭạni lekań hoeocoya.

Jeheskel 31:16

Gocʼ hoṛko sãote tinre Seolteń pheḍkadea unre uniyakʼ ńurokʼ reakʼ saḍete boṅgan hoṛ jạtrenko doko thar tharaoena. Unre Eden reakʼ sanam dareko, Lebanon reakʼ bachao akan ar soros soros dareko ar mońjte dakʼ ńam akawatʼ sanam dareko do ot reakʼ latar utạrakʼkore jiwi raṛecʼko ńamkeda.

Nạhum 1:14

E Niniwi, Probhu Isor do am reaṅe menetʼkana, “Amakʼ ńutum rukhiyại lạgitʼ amre cele hoṛge bako tahena. Amren debotakoakʼ mundilre oka boṅga muṭhạnko menakʼ onakoń marao giḍikakʼa. Ar ạḍitetʼem bạṛicʼgete amakʼ topań teartama.”

Hagae 2:7

Ar sanam jạtrenkoń thar tharao ocokoa ar onate onko do akoakʼ dhon nonḍeko ạguiytakoa. Ar unre noa oṛakʼ do ṭhonokteń pereja.

Sakariạ 14:21

Jerusalem ar Jihudạ reakʼ mimitʼ isinakʼ reakʼ bhajanko do phạdkoren Probhu Isor ńutumte sonotokʼa ar okoe do janwar samaṅokʼakʼ porob palon lạgitʼko rakapʼ hijukʼ onko do onako bhajan reakʼ khon hataokate onareko isina. Ar enhilokʼ phạdkoren Probhu Isorakʼ oṛakʼre do okoe hõ bako bạnij-bepara.

Mark 11:17

Ado cetʼako jokhecʼ onko hoṛkoe metatʼkoa, “Sostorre cetʼ nonka baṅ ol akana, ‘ińakʼ oṛakʼ do sanam jạtrenko lạgitʼ koejoṅ oṛakʼ ńumogokʼa mente?’ Menkhan ape do ḍạkukoakʼ danderpe hoyoco akada!”

Johan 2:16

Uni do parwa ạkhrińkoe metatʼkoa “Men nonḍe khon noako idipe. Iń Babawakʼ oṛakʼ do bạnij-beparkoakʼ oṛakʼ alope hoeocoya.”