Jesaea 22:25 - সান্তালী বাইবেল

²⁵ Okaṭakʼ khunṭi do kajak jaegareko kuṭạm jalatʼletʼ enhilokʼ ona do bocʼ hijukʼa; ona do makʼ kuṭrạkʼa ar ona cetanre okako aka tahẽkan onako do getʼ ńur ocokʼa.’ ” Noa do phạdkoren Probhu Isorakʼ katha kana. Niạko hoyokʼa, ente Probhu Isor do acʼge onae meneda.

Jesaea 22:25 Iomraidhean Croise

Sereńko 146:3

Jãhãn cetan hudạren hoṛ se jãhãe manwa cetanre ape do alope ṭehãḍokʼa; onko do bako bańcao daṛeapea.

Sereńko 52:5

Menkhan Isor do jaejug lạgitʼe marao giḍikama; uni do ame or ạgumea, amakʼ tạmbu khone chingạu ạgumea, ar jiwetʼkoakʼ disạm khone or totʼ giḍikama. (Sela)

Jesaea 22:23

Mitʼṭecʼ keṭecʼ jaegare khunṭi leka uni doń bitʼkaea, uni do apatakʼ bõs lạgitʼ mitʼṭecʼ ṭhonok reakʼ siṅghạsone hoyokʼa.

Jesaea 22:24

Uniyakʼ bõsrenkoakʼ sanam bojha do uniyakʼ tarenre ladekʼa. Joto lekan kạṭicʼ lạtu bhajanko cetʼleka uniyakʼ bharreko akakakʼ onkage uniren gidrạko ar bõsko hõ uniyakʼ tarenreko akakokʼa.

Jesaea 46:11

Ińakʼ monsubạ purạutiń lạgitʼ iń do sạṅgiń disạm khon mitʼṭen hoṛiń hoho ạguiyea; uni do purub disạm khon sendra cẽṛẽ lekae hijukʼa. Ar iń okań menakatʼ ona doń purạugea ar okań goṭa akatʼ ona hõń hoeocoygea.

Jesaea 48:15

Ińge, iń Probhuge kathań roṛ akada; hẽ, ińge uni doń hohoakadea. Iń do uniń ạguiyea ar uni do acʼakʼ kạmireye jo bahakʼa.

Jirimiạ 4:28

Dhạrti doe homor halaṅa ar coṭ sermako do ńutokʼa, ente ińge noa katha doń meneda. Noa do ińgeń ṭhik dohoakada; ona khon do bạń pạc ruạṛokʼa, ona doń hoeocoygea.”

Jeheskel 5:13

“Niạko tayom ińakʼ heṛan edre do cabakʼa; onko cetanre ińakʼ edre purạteń upʼako tayom iń doń hapekʼa. Ar unreko baḍae daṛeakʼ, ińakʼ ontor reakʼ jaljalao iạte iń Probhu Isor do noa kathań meneda.

Jeheskel 5:15

Iń do tinre heṛan edre, ar raṅgao ar heṛan eger hotete amiń sạjạimea unre am beṛhaeten jạtrenko do am ńelteko tharbasaokʼa; onko ṭhen am do nihạ̃t ar landa-dhutʼicʼgem hoyokʼa ar mitʼṭecʼ sontoricʼ lekage.

Jeheskel 5:17

Am upạrte iń do akal ar jojom janwarkoń kolkoa; onko do amren hoponkoko jomkoa. Mahamạri ar mãyãm do amre ạtukʼa ar iń do am upạrte lạṛhạiyiń ạguiya. Iń Probhu Isorge noa katha doń meneda.”

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.