Jesaea 22:23 - সান্তালী বাইবেল

²³ Mitʼṭecʼ keṭecʼ jaegare khunṭi leka uni doń bitʼkaea, uni do apatakʼ bõs lạgitʼ mitʼṭecʼ ṭhonok reakʼ siṅghạsone hoyokʼa.

Jesaea 22:23 Iomraidhean Croise

Esra 9:8

“Menkhan ńit thoṛa okte lạgitʼ aleren Probhu Isor doe daya akatʼlete aleren thoṛa hoṛ do jiwetʼe dohoakatʼlea ar uniyakʼ sonot disạmre mitʼṭecʼ jaegae em akatʼlea. Nonkate aleren Isor do rạskại dan akatʼlea ar aleakʼ golam dosarele tahẽkanre jiwiye raṛecʼketʼtalea.

Ester 10:3

Ahasberos raj tayom do Mordekaige dosaricʼe tahẽkana. Uniren sanam jạt-boehako do uniko manotkedea arko bạsutae kan tahẽkana, ente uni do acʼren hoṛko lạgitʼ bhạlạiyakʼgeye kạmiyetʼ tahẽkana ar sanam Jihudiko rukhiyạko reakʼgeye kurumuṭuyetʼ tahẽkana.

Ester 4:14

Menkhan niạ oktere hape akangem tahen enḍekhan eṭakʼ secʼte Jihudiko do rukhiyạko ńama arko bańcaokʼa, menkhan am dom gujukʼa ar am apumren bõs hõko marao utạrokʼa. Okoe baḍaea pasecʼ niạ okte lạgitʼge am do rạni hudạm ńam akatʼ!”

Jobakʼ 36:7

Dhorom hoṛko khon acʼakʼ mẽtʼãhã do bae ocokʼeda; uni do rapajko sãote siṅghạsonre onkoe duṛupʼetʼkoa ar jaejug lạgitʼe usul ocoyetʼkoa.

Sosolhayic̕ 12:11

Ạkilan hoṛkoakʼ katha do gupikoakʼ ṭheṅga leka. Onkoakʼ kathako do kuṭạm jalatʼ akatʼ jạlạiko lekana. Ona do mitʼṭen gupiyicʼe roṛakatʼ leka.

Jesaea 22:24

Uniyakʼ bõsrenkoakʼ sanam bojha do uniyakʼ tarenre ladekʼa. Joto lekan kạṭicʼ lạtu bhajanko cetʼleka uniyakʼ bharreko akakakʼ onkage uniren gidrạko ar bõsko hõ uniyakʼ tarenreko akakokʼa.

Jesaea 22:25

Okaṭakʼ khunṭi do kajak jaegareko kuṭạm jalatʼletʼ enhilokʼ ona do bocʼ hijukʼa; ona do makʼ kuṭrạkʼa ar ona cetanre okako aka tahẽkan onako do getʼ ńur ocokʼa.’ ” Noa do phạdkoren Probhu Isorakʼ katha kana. Niạko hoyokʼa, ente Probhu Isor do acʼge onae meneda.

Sakariạ 10:4

Jihudạ khonge konac reakʼ dhiri, tạmbu reakʼ gońj, lạṛhại reakʼ akʼ sar ar disạm cakʼlaokoko oḍok hijukʼa.

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.