Jesaea 22:15 - সান্তালী বাইবেল

¹⁵ Phạdkoren Probhu Isorre meneda, “Am do raj ar bhanḍariko ṭhen calakʼme, ar raj oṛakʼ reakʼ dạyike ńamakatʼ Sebna ṭhen senkate metaeme,

Jesaea 22:15 Iomraidhean Croise

1 Rapajko 4:6

Ahisar cetanre do raj doṅgol ńel todarot reakʼ bhar tahẽkana; Abdaren hopon Adoniram do kạmiyạ hoṛko cetanren sordare tahẽkana.

2 Rapajko 10:5

Onate raj oṛakʼren sordar, nagraharen murubbiko ar Ahab bõsren rurukhiyạko do niạ katha Jihuko roṛ gotʼadea, “Ale do amren golam kanale. Am cetʼem metale onagele onkaea. Ale do okoege bale rajkoa; am okaṭakʼ bhagem hudisetʼkan onage onkaeme.”

2 Rapajko 18:18

Onko do rajko hohoade khan raj oṛakʼren mukhiyạ do Hilkiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa noko pene hoṛ do oḍok hecʼente onko ṭhenko senena.

2 Rapajko 18:26

Unre Hiskiạren hopon Eliakim ar Sibna ar Joa do Rabsakiko metadea, “Amren golamko ṭhen dayakate Arami pạrsite katha roṛme, ente ale do onale bujhạu daṛeakʼa. Pạcri cetanren hoṛko samaṅre Ibri pạrsite do alom metalea.”

2 Rapajko 18:37

Inạ tayom raj oṛakʼren mukhiyạko do Hiskiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa noko do akoakʼ kicricʼko oṛecʼketʼte Hiskiạ ṭhenko ruạṛ calaoena ar Rabsake cetʼkoe roṛketʼ ona jotowakʼko lạiyadea.

2 Rapajko 19:2

Uni do raj oṛakʼren mukhiyạ Eliạkim, rajren olokʼicʼ Sibna, naekeko ar mukhiyạko gõṛẽ kicricʼko horokʼ akatʼge Amasren hopon Jesaea nạbi ṭhene kolkatʼkoa.

1 Bõsbudạ 27:25

Rajakʼ khajańciko ńel todarot reakʼ bhar do Adiyel hopon Asmawet cetanre tahẽkana. Ar khet-baṛge, atoko, nagrahako ar usul horho oṛakʼkore okako khajańci oṛakʼ tahẽkana onako reakʼ bhar do Usiạ hopon Jonathan cetanre tahẽkana.

Jesaea 36:11

Unre Eliakim, Sibna ar Joa do Rabsakiko metadea, “Amren golamko ṭhen dayakate Arami pạrsite katha roṛme, ente ale do onale bujhạu daṛeakʼa. Pạcri cetanren hoṛko samaṅre Ibri pạrsite do alom metalea.”

Jesaea 36:22

Inạ tayom raj oṛakʼren mukhiyạko do Hiskiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa do akoakʼ kicricʼko oṛecʼketʼte Hiskiạ raj ṭhenko ruạṛ calaoena ar Rabsake cetʼkoe roṛketʼ ona jotowakʼko lạiyadea.

Jesaea 36:3

Unre raj oṛakʼren mukhiyạ Hilkiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa do oḍokente uni ṭhenko senena.

Jesaea 37:2

Uni do raj oṛakʼren mukhiyạ Eliạkim, rajren olokʼ icʼ Sibna, naekeko ar mukhiyạko gõṛẽ kicricʼko horokʼ akatʼge Amasren hopon Jesaea nạbi ṭhene kolkatʼkoa.

Aposkạmi 8:27

Unre Philip do ona secʼe calaoena. Ar horre Ithipiạ disạmren mitʼṭen maraṅ raj kạmiạ hoṛ soṅgeteye ńapamena. Uni raj kạmiạyicʼ do cạkrại tahẽkana. Ithipiạren Kandake rạniyakʼ dhon-duribko ńel todarot reakʼ bhar do nui hoṛ cetanrege tahẽkana. Uni kạmiạyicʼ do Isor sewawae lạgitʼ Jerusalemteye senlena.