Jesaea 22:12 - সান্তালী বাইবেল

¹² Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jesaea 22:12 Iomraidhean Croise

2 Bõsbudạ 35:25

Josiạ lạgitʼ Jirimiạ do homor halaṅ sereńe joṛaokeda ar teheń hõ sanam gaenahako Josiạwakʼ homor sereńko sereńeda. Ar Israelko talare niạ do mitʼṭecʼ niạm lekage hoyena ar homor sereń reakʼ puthire hõ ona do ol hoyena.

Esra 9:3

Niạ katha ańjomkate mon reakʼ kosṭote iń do horokʼakʼ kicricʼ iń oṛecʼkeda ar ińakʼ bohokʼ reakʼ upʼ ar gocoyiń racakʼ totʼketʼte hadosań duṛupʼ hapeyena.

Nehemiạ 9:9

“Misor disạmre amge aleren hapṛamkoakʼ dukem ńelletʼtakoa; ar arakʼ doreão aṛere onkoakʼ rakʼem ańjomletʼtakoa.

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Sosolhayic̕ 3:11

Uni do sanamakʼ reakʼ okteye ṭhik dohoakada. Uni do manwa ontorre jaejug reaṅ bujhạu reakʼ mone emakawadea, menkhan manwa do pạhil khon mucạtʼ hạbicʼ cetʼe cekaea ona bae bujhạu daṛeakʼa.

Sosolhayic̕ 3:4

rakʼjoṅ okte ar landae okte, homor halaṅ okte ar enecʼ lạgitʼ okte,

Jesaea 15:2

Moabren hoṛko do rakʼjoṅ lạgitʼ Dibonakʼ mundilre ar than boṭkocʼkoreko rakapʼ akana. Onko do Nebo ar Medeba ńutumteko homor halaṅeda. Onko do jotoge bohokʼko hoyo munḍrạ akana ar goco hõko kaṭopʼ akatʼtakoa.

Jesaea 26:10

Bedhorom hoṛko daya udukʼakore hõ onko do dhorom bako ceda; hokakʼ disạmre onko do dusṭạmiko kạmiya ar Probhu Isorakʼ mạhima hõ bako aṅgoca.

Jesaea 29:1

Hae, Ariel, E Ariel, Dạudakʼ tahen ṭhạ̃i reakʼ nagraha! Am do bochor bochorgem juṭicʼakʼ kana ar amakʼ porobko do ạcur ạcurte hecʼ ruạṛokʼ kana.

Jesaea 3:24

Mońj so bodolte bạṛicʼ so, ḍanḍa totolakʼ bodolte baber, mońj rokʼ nạkicʼ upʼ bodolte ceḍe, damanakʼ kicricʼ bodolte gõṛẽ kicricʼ, ar mońj rup bodolte lo reakʼ dag tahena.

Jesaea 32:11

E nirdạndi tahenkan maejiuko ar khạtir monan kuṛiko, ape do botortepe thar tharaokʼa; ape do apeakʼ kicricʼko bhạnduṛkate ḍanḍare gõṛẽ kicricʼ paṭhe joṅpe.

Jesaea 37:1

Hiskiạ raj do niạ kathae ańjomketʼ khan acʼakʼ kicricʼe oṛecʼketʼtaete gõṛẽ kicricʼe horokʼkeda ar Probhu Isorakʼ oṛakʼteye boloyena.

Jesaea 37:2

Uni do raj oṛakʼren mukhiyạ Eliạkim, rajren olokʼ icʼ Sibna, naekeko ar mukhiyạko gõṛẽ kicricʼko horokʼ akatʼge Amasren hopon Jesaea nạbi ṭhene kolkatʼkoa.

Jesaea 58:3

Onkoko meneda, ‘upạs akadale ar bam ńelletʼlea? Kosṭokʼ kanale ar bam moneyakʼlea? Menkhan ńelpe, apeakʼ upạs reakʼ dinre apeakʼ hạ̃sgepe ńam bakʼṛakana, ar aperen kạmiyạko cetanrepe julumeda.

Jirimiạ 16:6

Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

Jirimiạ 16:8

“Bhoj oṛakʼte senkate jom ńũi lạgitʼ alope duṛupʼa,

Jirimiạ 4:8

Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Jirimiạ 7:29

E Jerusalem, amakʼ upʼ getʼkate sạṅgińte giḍikakʼme; ceḍe ḍuṅgrikore homor halaṅme, ente Probhu Isor do acʼe raṅgao akan piṛhirenko nihạ̃t are giḍi sae akatʼkoa.

Jeheskel 27:31

Onko do am iạte bohokʼko hoyo munḍrạkʼa ar gõṛẽ kicricʼko horoga. Onko do mon reakʼ dukte am ńutumteko homor halaṅa ar ạḍi ãṭko raga.

Daniel 5:1

Beltsasar raj do acʼren hajar napṛakʼ napṛakʼ hoṛko lạgitʼ mitʼṭecʼ maraṅ okocʼe khelodkeda, ar onko hajarko samaṅre darkha rasae ńũkeda.

Hosea 9:1

E Israel, eṭakʼ jạtrenko leka do alom hulạs porobokʼa. Am do amren Isor bạgikate unire bepạtiạricʼem hoyakana; ar mitʼke mitʼ khạrạire kusumbi reakʼ kuṛại ńamkate am dom kusi akana.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Joel 1:8

E ińren hoṛko, okoe kũạri kuṛi do acʼakʼ juạn oktere acʼrene hoyokʼ lạgidokʼkan jãwãeakʼ gujukʼ iạte gõṛẽ kicricʼ horokʼkateye homoretʼkan ape do uni leka homorpe.

Joel 2:12

Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”

Joel 2:17

Okoe Probhu Isor samaṅre sekʼwa kạmiko kạmikan onko naeke do koejoṅ oṛakʼ pinḍạ ar pinḍ talareko rakʼjoṅma. Onko doko menma, “E Probhu Isor amren hoṛko dayawakome. Amakʼ sompotti do landa dhutʼakʼ alom hoeocoya, ar jạt jạtrenko talare kạhtukko hõ alom hoyocokoa. Eṭakʼ jạtren hoṛ do cedakʼko mena, ‘onkoren Isor doe okayena?’ ”

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”

Jona 3:6

Raj ṭhen ona khobor seṭeren khan uni hõ siṅghạson khone beretʼente acʼakʼ raj-kicricʼe totʼketʼtaea ar gõṛẽ kicricʼ horokʼkate torocʼreye duṛupʼena.

Mikạ 1:16

Okoe do hopon ar hoponerako iạtepe rạskạkʼkan tahẽkan onko lạgitʼ homor halaṅ iạte bohokʼ hoyo poṭorokʼpe; gidi bohokʼ leka apeakʼ bohokʼ do ceḍeytape, ente onko do bondikate ape khon sạṅgińteko idi ocokʼa.

Jakob 5:1

E kisạ̃ṛko ańjompe. Apere okaṭakʼ kosṭo hijukʼkan ona lạgitʼ rakʼ homorpe ar hae haeyokʼpe.