Jesaea 21:9 - সান্তালী বাইবেল

⁹ Hanko ńelkom, joṛa joṛa aswarikoko darae kana.” Ona tayom uni doe mena, “Babel do lạnduṛena, lạnduṛena. Onaren sanam boṅga muṭhạnko do otreko tawakʼ posakʼ ocoakana.”

Jesaea 21:9 Iomraidhean Croise

Jesaea 13:19

Sanam rajosṭiko reakʼ ṭhonok Babel ar Kạldikoakʼ gorbo Isor do Sodom ar Gomora lekae dhaṅdhaser ocoya.

Jesaea 2:18

ar boṅga murtiko doko marao utạrokʼa.

Jesaea 21:7

Uni do tinre joṛa joṛa aswarikoe ńelkoa ar gadha se ũṭre decʼakan hoṛkoe ńelkoa, unre sontor akane tahenma, purạpuri sontor akaege uni doe tahen ma.”

Jesaea 47:5

Probhu Isore meneda, “E Babel, am do duṛupʼ thirkokʼme; ar ńutre bolokʼme. Ente rajosṭikoren rạni do ar bam hoho ocokʼa.

Jesaea 47:9

Menkhan gidrạko adokʼ se amem rạnḍikʼ noa banarge mitʼ dinte mitʼ ripitʼre amre hecʼ paṛaokʼa. Unre amakʼ mantarko ar guniko ḍhergetamre hõ onakin do purạtege amre paṛaokʼa.

Jesaea 48:14

“Ape sanamko jarwa mitʼkate ańjompe. Goṛhon muṭhạnko reaṅ do lahare okoeye lạiyakada? Babel upạrte Probhu Isorren bachao hoṛko do uniyakʼ sanako purạutaea; Probhu Isorakʼ ti do Babelrenko upạrte rakabokʼa.

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.

Jirimiạ 50:38

Akalte uniyakʼ sanam dakʼko ańjedokʼa, ente ona do boṅgakoakʼ disạm kana, ar onko boṅgako do onḍenko hoṛko koṅka ocokoa.

Jirimiạ 50:42

Onko do akʼ sar ar tarwaṛe sasapʼko kanako; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ, jalapuri reakʼ hud hud saḍe leka onkoakʼ sabad do; E Babel kuṛi, onko do lạṛhại reakʼ sajbajte amre jhãp em lạgitʼko hijukʼkana.

Jirimiạ 50:9

Iń do utạr reakʼ disạm khon maraṅ maraṅ jạtrenkoń jarwakoa ar onkoń buskukote Babel upạrteń ạgukoa. Onko do Babel upạrte lạṛhại phạdko sapṛaokoa ar onako ạidạrijoṅa. Onkoakʼ sar do gạkhuṛ birbão hoṛko leka baṅ ạuṛiyagokʼtakoa.

Jirimiạ 51:27

“Ape do disạmre nisạn rakabtape. Ar jạt jạtrenko upạrte siṅgạ oroṅpe. Uni upạrte lạṛhại lạgitʼ jạtrenko sapṛao dohokope; uni upạrte Ararot, Mini ar Askenasren rajko hohoakope. Uni upạrte mitʼṭen subedar bahalepe; ar sobotʼ sobotʼ pohoko leka ạḍi utạr sadom kolkope.

Jirimiạ 51:44

Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.

Jirimiạ 51:47

Nonkan okteko khạṭige hijukʼ kana iń do Babelren boṅga murhutʼkoń sạjạikoa; uniyakʼ goṭa disạmge lajaoakʼ hoyokʼa ar uniren gocʼ ocokʼ hoṛ do ona talareko gurokʼa.

Jirimiạ 51:52

Menkhan ińiń meneda, dinko hijukʼ kana iń do Babelren boṅga muṭhạnkoń sạjạikoa ar Babel reakʼ sanam ṭhạ̃ire ghạl akan hoṛ doko hae haeyokʼa.

Jirimiạ 51:64

Ona tayomem mena, ‘Nonkage Babel hõ unumokʼa, ar baṅ rakapʼa, ente Probhu Isor do ona cetanre muhine ạguiya. Uni doe marao utạrokʼa.’ ” Jirimiạ reakʼ katha do nonḍege mucạtʼena.

Jirimiạ 51:8

Babel do ackageye ńũrena are rạputʼ dhaṅdhaserena. Uni lạgitʼ homor halaṅpe. Uniyakʼ haso lạgitʼ ran ạguiype; pasere pase uni doe boge ruạṛokʼa.

Johan sodor 14:8

Tayomte dosaricʼ ar mitʼṭen serma goḍet do uni tayom tayomte hecʼkateye menkeda, “Ona Babel nagraha do ḍahao maraoena. Okaṭakʼ nagraha do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoletʼko ona naṅgrha do ḍahao marao akana.”

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

Johan sodor 18:21

Tayomte mitʼṭen daṛeanicʼ serma goḍet do maraṅ jante dhiri lekanakʼ mitʼṭecʼ dhiri jalapurire lebda giḍikateye menkeda, “Nonkage ona maraṅ nagraha Babel do lebda giḍi ocokʼa. Ona do ar tishõ baṅ ńamokʼa.