Jesaea 21:3 - সান্তালী বাইবেল

³ Iń do lacʼ hasoteń thakao akana, maejiuakʼ bedon leka haso rakapʼ akadińạ. Ar ạḍi jalaregeń paṛao akana, ariń ańjomeda, botorge ańjomokʼkana, menkhan bạń ńel ńameda.

Jesaea 21:3 Iomraidhean Croise

Sereńko 48:6

Botorte onko do onḍeko thar tharaoena ar bedonte gidrại janamede kan maejiu lekako hoyena.

Jesaea 13:8

Onko do ạḍi bebạṛicʼko botorokʼa, ar ạḍi ãṭ hasokoa, gidrạ janamede kan maejiu leka bedonteko thakao cabakʼa, onko do cahapʼkate apan apin secʼko beṅgetʼjoṅa ar mẽtʼãhã do jaljalaokʼtakoa.

Jesaea 15:5

Moab lạgitʼ ińakʼ ontor doe rakʼeda; uniren hoṛko do Soar secʼ Eglath-selesia hạbicʼko dạṛetʼ kana. Onko do rakʼ rakʼte Luhit buru reakʼ horteko rakapʼ calakʼkana; onkoakʼ ṭhạ̃i do dhaṅdhaser akantakote rakʼ homorate Horonạiyim reakʼ horteko calakʼ kana.

Jesaea 16:11

Ińakʼ jiwi do Moab lạgitʼ, ińakʼ bhitri do Kir-Heres lạgitʼ peṛesaṅ leka ṭiṛiṅ ṭuṛuṅokʼ kana.

Jesaea 16:9

Ona iạte iń do Jaser lekage Sibmạ reakʼ darkha nạ̃ṛĩ lạgitʼ iń rakʼeda. E Hesbon, E Eleale, aben do mẽtʼ dakʼteń jehe jobe bena. Ente abenakʼ jo ar irokʼ phosolrege lạṛhại reakʼ andoṛ do paṛao akana.

Jesaea 26:17

Bhạrti hoṛmo maejiu do janame oktere cetʼleka bedonteko eṛseń toṛseń baṛae, E Probhu Isor, ale hõ am samaṅre onkagele hoyakana.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jirimiạ 48:41

Uniyakʼ sanam nagrahako do hatokʼa ar aotan gaṛko hõ ạidạrikʼtaea. Enhilokʼ Moabren birbão hoṛkoakʼ mon do bedonokʼkan maejiuakʼ mon leka hoyokʼtakoa.

Jirimiạ 49:22

Ńelpe, onkoren bạiri do pajhaṛ leka coṭteye uḍạukʼa ar Bosra cetanre phạ̃kṛạ̃kʼe lap lapaete sã sãye pheḍ hijukʼa. Enhilokʼ Edomren lạṛhại phạdkoakʼ mon do bedonokʼkan maejiuakʼ mon leka hoyokʼtakoa.

Jirimiạ 50:43

Babelren raj do onko babotre khobore ańjom akada ar uniyakʼ ti do lạbṛukʼ akantaea. Ar bedonokʼkan maejiu lekage haso rakapʼ akawadea.

Jirimiạ 6:24

Onko reaṅ khoborle ńamakada ar onate aleakʼ ti do lạbṛugokʼkantalea. Ale do hasotele thakao akana; bedonokʼkan maejiu lekage haso rakapʼ akawatʼlea.

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Johan 16:21

Maejiu do gidrại janame jokhecʼ kosṭoe ńama, ente uniyakʼ okte do seṭerentaea. Menkhan gidrại janamlere, dhạrtire mitʼṭen nãwã manwae hecʼen reakʼ rạskạte ona kosṭo do ar bae disạea.

Dosar Biboron 28:67

Ar setakʼ jokhecʼ dope mena, ‘ạyubokʼ ma,’ ar ńindạ jokhecʼ dope mena, ‘setagokʼ ma,’ ente botorte apeakʼ mon do luyutʼ luyudokʼtapea ar mẽtʼ do aema lekanakʼkoe ńel ocopea.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.