Jesaea 21:16 - সান্তালী বাইবেল

¹⁶ Probhu Isor do ińe metadińạ, “Rikit akade guti cetʼleka bochore lekhae onkage mitʼ bochor bhitrite Kedar reakʼ sanamakʼ ṭhonok do caba utạrokʼa.

Jesaea 21:16 Iomraidhean Croise

Genesis 25:13

Ar noa do Ismael bõsrenkoakʼ ńutum kana: Janam lekate uniren hoponkoakʼ ńutum do hoyokʼ kana, pạhilre Nebayot, uni tayom do Kedar, Adbeyel, Mibsam,

Jobakʼ 7:1

“Niạ dhạrtire manwa do ạḍi khaṭaokʼ lagaoaea, ar din mujuriko leka uni do dine ṭalaoa.

Sereńko 120:5

Hae ińakʼ bhạg do tinạkʼ bạṛicʼ! Iń do Mesekrenko leka upriạ minạńa, ar Kedarren hoṛkoakʼ tạmbureń berel akana.

Soros sereń 1:5

E Jerusalemren kuṛiko, kedar reakʼ tạmbuko lekań hendege rehõ Solomonakʼ tạmbu orwalko lekań cehragea.

Jesaea 16:14

Menkhan ńitokʼ Probhu Isor doe meneda, “Mitʼṭen din mujuri hoṛ cetʼleka bochore lekhae onkage pe bochor bhitrite Moabakʼ ṭhonok ar uniren ḍher hoṛ doko nihạ̃t ocokʼa ar jiwetʼ tahen hoṛ do lekhare thoṛa ar nijorko hoyokʼa.”

Jesaea 42:11

Hahaṅkar ar ona reakʼ nagrahakoren do ãṭteko sarhao sereńma; Kedarre tahenkanko hõko sarhao sereńma, Selaren hoṛko hõ hulạsateko sereńma, buru reakʼ cuṛạ khon hõ rạskạteko sereńma.

Jesaea 60:7

Kedarren pal bhiḍiko do am ṭhenko hecʼ jarwakʼa, Nebayotren bheḍako do amakʼ kạmireko lagaokʼa; ińakʼ pinḍre samaṅokʼakʼ lekate iń do onakoń ataṅa, ar ińakʼ ṭhonokʼ reakʼ oṛakʼ do artetʼgeń ṭhonok ocoya.

Jirimiạ 2:10

Ape do parom hecʼkate Kuprus doreão ḍhip aṛe teakʼ disạmkote parom senkate ńelpe, ar Kedarte hoṛ kolkate mońjte ạribạndhipe. Onḍepe ńela nonkan jãhãnakʼ do tishõ baṅ hoyakana.

Jirimiạ 49:28

Babelren raj Nebukadnesar do Kedar ar Hasorren okoekin raje bhagaoletʼ kin unkin babotre Probhu Isor doe meneda, “Beretʼpe, ar Kedarte rakapʼ calakʼpe ar purub disạmren hoṛko jarkharkope.

Jeheskel 27:21

Arob ar Kedarren sanam sordarko do amren asol bạnij-bekʼpariko tahẽkana.