Jesaea 20:5 - সান্তালী বাইবেল

⁵ Ar okoe Kus disạm cetanreko bhorsakʼkan tahẽkan ar Misor iạteko gorbokʼkan tahẽkan onko do botor arko lajao ocokʼa.

Jesaea 20:5 Iomraidhean Croise

2 Rapajko 18:21

Am do ona loṭocʼ pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Ar Misorren raj Pharao cetanre okoeye bhorsakʼ uni cetanre hõ onkage hoyokʼa.’

Jesaea 2:22

Manwako cetanre do alope bhorsakʼa. Uniyakʼ jiwi ma uniyakʼ mũ reakʼ sahẽtʼ chaḍa ar cetʼge baṅkan; uniyakʼ do cetʼ damge bạnukʼtaea.

Jesaea 30:3

Menkhan Pharaoakʼ asray doe lajao ocoyetʼkoa ar Misor reakʼ umul doe bemanotkoa.

Jesaea 30:5

menkhan enhõ onko mimitʼko doko lajao ocokʼa, ente onko jạtrenko do jãhãnakʼ porhoge bako hoyokʼtakoa. Onko do cetʼ goṛo ar porho hõ bako ńama; eken lajao arko bemanot ocokʼa.”

Jesaea 30:7

Misor reakʼ goṛo do ạuṛiyakʼgea, jãhãn kạmi reakʼge baṅkana; ona iạte iń do onko jạtrenkoakʼ ńutumiń dohoakada Rahab, metakʼme duṛupʼ hape akanicʼ.

Jesaea 31:1

Hae onko do one okoe goṛo ńam lạgitʼ Misorteko calakʼkan! Onko do sadom ar rãt gạḍireko bhorsakʼ kana ar aswarikoakʼ maraṅ daṛe cetanre pạtiạuko dohoyeda, menkhan onko do Israelren uni sonoticʼ secʼ bako beṅgetʼeda ar Probhu Isor ṭhen goṛo bako khojkana.

Jesaea 36:6

Am dom loṭocʼ, pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Misorren raj Pharao cetanre okoeye bhorsakʼ uni cetanre hõ onkage hoyokʼa.’

Jesaea 36:9

Ar ona hõ bam daṛeakʼ khan ińren kisạ̃ṛren huḍiń utạricʼ subedar do cekatem tạkicʼ daram daṛekea, ente am do Misor reakʼ rãt gạḍi ar aswariko cetanrem bhorsakʼ kana?

Jesaea 37:9

Ạsurren raj Senakerib doe ańjomkeda, Kus disạmren Tirhak raj do acʼ upạrte lạṛhại lạgitʼe oḍok hecʼakana. Uni do niạ kathae ańjomketʼ khan Hiskiạ ṭhen goḍetkoe kolketʼkoa. Uni do onkoe metatʼkoa,

Jirimiạ 17:5

Probhu Isore meneda, “Okoe hoṛ manwa cetanreye bhorsakʼkan ar acʼakʼ daṛere pạtiạue dohoyetʼte ińre mon bạnukʼtae uni doe sarapanicʼ kana.

Jirimiạ 46:25

Israelren phạdkoren Probhu Isore meneda, “Ńelpe iń do Thebesren boṅga Amon, ar Pharao ar Misor, ar onaren boṅgako ar onaren rapajko sudhạ Pharao ar unire bhorsakʼ kanko upạrte sạjạiyiń ạguiyeda.

Jeheskel 29:16

Israelko do tishõ Misor cetanre ar bako ṭehãḍokʼa. Onko do Misor reakʼ dosa ńelteko bujhạu daṛeakʼa je, goṛo ńam lạgitʼ Misor secʼko ruạṛlenteko kạileda. Ar onateko baḍae daṛeakʼa, Probhu Isor doń ińkangea.’ ”

Nạhum 3:9

Kus ar Misor do asambheṛ daṛekin emaekan tahẽkana; uniren gateko modre Puṭ ar Libia hõkin tahẽkana.

Sephaniạ 2:12

Probhu Isore meneda, “E Kusrenko, apehõ ińakʼ tarwaṛetepe gujukʼa.”

1 Korinthiko 3:21

Onate okoe hõ jãhãe manwa iạte alope sarhaokʼa, ente jotoge coṅ apeakʼkan;