Jesaea 20:2 - সান্তালী বাইবেল

² Ar oka bochore hatketʼ inạ bochorge Probhu Isor do Amosren hopon Jesaeae metade tahẽkana, “Amakʼ hoṛmo khon gõṛẽ kicricʼ ar jaṅga khon panahe bojme.” Onate Jesaea do koṭoge ar eken jaṅgageye dãṛã baṛaekan tahẽkana.

Jesaea 20:2 Iomraidhean Croise

2 Samuel 15:30

Dạud do rakʼ rakʼte jạitun buruteye rakapʼ calaoena. Uni do bohokʼ poṭom esetʼkate eken jaṅgae taṛametʼ tahẽkana. Hoṛko hõ jotoge uni sãote bohokʼ poṭomkate rakʼ rakʼte rakabokʼko ehopʼena.

2 Samuel 6:20

Inạ tayom Dạud do acʼakʼ gharońjren hoṛko ạsirbad ako lạgitʼ tinreye ruạṛ hecʼena unre Sạulren hoponera Mikal do uni daram ạguye lạgitʼe oḍok hecʼena are menkeda, “Israelkoren raj teheń do cetʼlekae manotena! Uni do kharap hoṛko leka acʼren kạ̃ṛmĩko samaṅre hoṛmo reakʼ kicricʼkoe totʼ giḍiketʼtaea.”

2 Rapajko 1:8

Onkoko roṛ ruạṛadea, “Uniyakʼ hoṛmo do upʼte perecʼ ar ḍanḍare do harta reakʼ totolakʼ menakʼtaea.” Raje menkeda, “Uni do Tisberen Eliạ kanae.”

Sereńko 30:11

Ińakʼ homorokʼ bodolte am do enecʼjoṅem pherao ạdińa; ar gõṛẽ kicricʼem raṛaketʼtińte rạskạ dom oyo ạdińa,

Exodus 3:5

Probhu Isore menkeda, “Ar alom sorokʼa. Amakʼ jaṅga reakʼ panahe bojtam. Ente am do sonot ṭhạ̃irem teṅgo akana.

Jesaea 1:1

Jihudi disạmren Usiạ raj, Jotham raj ar Hiskiạwakʼ rajokʼ oktere Amosren hopon Jesaea do Jihudạ ar Jerusalem reaṅ oka dorsone ńamletʼ ona reaṅge nonḍe do ol akana.

Jesaea 13:1

Amosren hopon Jesaea do Babel reaṅ dorsone ńamleda.

Jesaea 37:2

Uni do raj oṛakʼren mukhiyạ Eliạkim, rajren olokʼ icʼ Sibna, naekeko ar mukhiyạko gõṛẽ kicricʼko horokʼ akatʼge Amasren hopon Jesaea nạbi ṭhene kolkatʼkoa.

Jirimiạ 48:37

Onko do duk sodor lạgitʼ mitʼke mitʼ bohokʼko ceḍe akatʼtakoa ar gocoko hoyo giḍi akatʼtakoa; tiko getʼ sirạsoro akana ar ḍanḍare gõṛẽ kicricʼko horokʼ akawana.

Jeheskel 24:17

Am do kuhrạukʼme. Ar gocʼ icʼ lạgitʼ do alom homor halaṅa. Dạhṛikʼme jaṅgare cạṭki horogme; amakʼ moca alom bedtama ar hokʼmorkoakʼ jomakʼ hõ alom joma.”

Jeheskel 24:23

Bohokʼre dạhṛipe tola ar jaṅgare cạṭkipe horoga. Ar bape homora se rakʼ hõ bape raga, menkhan apan ạpin ghạṭ iạtepe nijorokʼa ar eṭakʼko ṭhenpe geraṅ baṛaea.

Jeheskel 4:1

Uni do arhõe metadińạ, “E manwa hopon, ńitokʼ do mitʼṭecʼ hasa reakʼ paṭa ạgukate iń samaṅre dohoyme ar ona cetanre Jerusalem nagraha reakʼ muṭhạn benaome.

Jeheskel 4:5

Onkoakʼ sạjại ńam reakʼ bochor lekha hisạbkate unạkʼ din iń do gog lạgitʼ iń ematʼmea. Onate am do pesae aregel din Israelakʼ sạjạiyem goga.

Mikạ 1:11

E Saphirre tahenkan hoṛko, ape do uluṅ ar lajaokʼpe baṛe. Ar okoe Saananreko girobasokʼ kan onko do bako oḍok hecʼdaṛeakʼa. Beth-ethsol doe homor halaṅetʼkana; uni do ape secʼ bae teṅgona.

Mikạ 1:8

Noa iạte iń doń rakʼjoṅa ariń homora; iń do eken jaṅga uluṅgeń dãṛã baṛaea; iń do toyo ar utʼ cẽṛẽ rakʼ lekageń homora.

Sakariạ 13:4

“Enhilokʼ mimitʼ nạbiko do uniyakʼ dorson reaṅko lajao ocokʼa. Ekʼṛe nạbiko leka upʼ reakʼ kicricʼ uni do bae horoga.

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Mathae 3:4

Johan do ũṭ upʼ reakʼ aṅgrop ar ḍanḍare harta reakʼ paṭheakʼ tahẽkantaea. Uni do pohoko ar bir dumur rasae jometʼkan tahẽkana.

Johan 21:7

Ado Jisu okoeṭakʼ celae dulạṛede kan tahẽkan uni do Patrase metadea, “Uni doe Probhu kana.” Unre Simon Patras do koṭogeye tahẽkana. Onate “Probhu kanae” menteye baḍaeketʼ khan aṅgropte paṭheyente doreão dakʼreye don khadleyena.

Aposkạmi 19:16

Ar okoe hoṛ bạṛicʼ jiue sapʼakade tahẽkan uni do onko eae boehako cetanreye don ladeyente nonkae ghạlketʼkoa je, onko do ghạl akan koṭoge ona oṛakʼ khonko dạṛkeda.

Aposkạmi 21:11

Uni do ale ṭhen hecʼkate Pạulakʼ ḍanḍa paṭheakʼe raṛaketʼtaea ar onate acʼakʼ ti jaṅga tolketʼtaeteye menkeda, “Sonot Jiue meneda, “Jerusalemren Jihudiko do noa paṭheakʼren mạlik hõ nonkageko tolea ar boṅgan hoṛ jạtrenkoakʼ tireko jimạyea.”

Josuạ 5:15

Probhu Isorren palṭon dolren senapotiye roṛ ruạṛkeda, “Amakʼ jaṅga reakʼ kharpa bojtam, ente am oka ṭhạ̃irem teṅgo akan ona do sonotgea.” Ar Josuạ do kharpae bocʼketʼtaea.

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

1 Samuel 19:24

Uni do acʼakʼ kicricʼe totʼketʼte Samuel samaṅre nạbi lekate Isorakʼ katha roroṛe ehopʼena. Uni do goṭa siń ar goṭa ńindạ kicricʼ chaḍageye tahẽyena. Ona iạte hoṛko mena, “Sạul hõ cetʼ enḍekhan nạbiko modren mitʼhoṛ kanae?”