Jesaea 2:20 - সান্তালী বাইবেল

²⁰ Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.

Jesaea 2:20 Iomraidhean Croise

Genesis 35:4

Unre onko ṭhen tinạkʼ boṅga murhutʼko tahẽkan onko do Jakobakʼ tireko jimạketʼkoa. Ona sãote lutur reakʼ pagrako hõ uniko emadea. Ar Jakob do onako hataokate Sikem nagraha ṭhenakʼ maraṅ dare buṭạreye topakada.

Sosolhayic̕ 3:6

sendra ńam okte ar adokʼ okte, dohoy okte ar giḍikakʼ lạgitʼ okte,

Jesaea 10:3

Sạjạiyokʼ dinre tinre sạṅgiń khon jarkharakʼ hijukʼa unre ape do cetʼpe cekaea? Goṛo ńam lạgitʼ okoe ṭhenpe ńir calakʼa? Apeakʼ dhon durib do okoe ṭhenpe doho oṭokakʼa?

Jesaea 17:8

Onko do akoakʼ tite benaoakʼ pinḍ secʼ bako beṅgeda, ar akoakʼ kạṭupʼte benaoicʼ Asera muṭhạn ar dhudhup pinḍko secʼ hõ bako moneyakʼa.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Jesaea 31:7

ente enhilokʼ ape okoe do sona ar rupạren boṅga murhutʼko benaokatepe kại akatʼ, onko dope capatʼ giḍikakoa.

Jesaea 40:19

Kạrigol do chãchre goṛhon muṭhạne duleda; ar sonhar do sonate onae toleda ar ona lạgitʼ rupạ sikṛikoe benaoeda.

Jesaea 46:1

Probhu Isore meneda, “Bel debota doe ombagokʼa ar Nebo debota hõe sombodokʼa; unkinren goṛhon muṭhạnkoakʼ bojha do janwarkore lade idikʼa. Babelrenko okoe do boṅga murhutʼko sewawako kan tahẽkan onko do bojha lekako hoyokʼtakoa, ar laṅga janwarko lạgitʼ hõ bojhako hoyokʼa.

Jesaea 46:6

Adomko do akoakʼ thạilạkʼ khon sonako upʼ oḍokeda ar tulạte rupạko soṅeda. Ar onakote onko do goṛhon muṭhạn tear lạgitʼ sonharko emako kana; ar tayomte do ona goṛhon muṭhạnko ḍobokʼakʼ kana arko sewawakʼ kana.

Jeheskel 14:6

“Ona iạte am do onkom metakoa, Probhu Isore menetʼ kana, ‘mon ạcurtape. Aperen boṅga muṭhạnko khon ruạṛokʼpe ar hirkhạwakʼ kạmiko bạgiype.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Jeheskel 7:19

Akoakʼ rupạ do kulhikoreko giḍikakʼa ar akoakʼ sona do besaphawakʼ jinisge hoyokʼa. Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Onate onkoakʼ lacʼ do baṅ bikʼa se reṅgecʼ hõ baṅ cabakʼtakoa. Onko do onakoge kạireye paṛao ocoakatʼkoa.

Hosea 14:8

E Ephrayim, boṅgako sãote amakʼ do jãhãn sompokge bạnukʼa. Ińge amakʼ koejoṅ reakʼ roṛ ruạṛiń emama ar amiń jotonmea. Iń kangeạń soṛa Saro dare do; amakʼ jo do iń khonge hijukʼkana.”

Levitikus 11:19

kisni, joto lekan kõkʼ, ḍạblạ kuṭạpʼ ar bạduṛ.

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Luk 23:30

Unre hoṛko do maraṅ burukoko metakʼa, ‘De ale cetanre dhasaokʼpe,’ ar huḍiń buruko doko metakʼa, ‘De danaṅlepe.’