Jesaea 2:2 - সান্তালী বাইবেল

² Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jesaea 2:2 Iomraidhean Croise

Genesis 49:1

Tayomte Jakob do acʼren hoponko hohowatʼkoteye metatʼkoa, “Jotokoge iń ṭhen hijukʼpe. Ar tayom daram dinkore apeakʼ jionre cetʼko hoyokʼ onań lạiyapea.

Jobakʼ 19:25

Ińiń baḍaea ińren babańcaoicʼ doe jiwetʼgea; sesre uni do dhạrtire hecʼkateye teṅgona.

Sereńko 102:23

Ińakʼ jion reakʼ horre ińakʼ daṛeye komao akatʼtińạ, ińakʼ bahaokʼ dinkoe khaṭo akatʼtińạ.

Sereńko 2:8

Am do iń ṭhen khojogokʼme, ado porjạtrenko amakʼ sompotti menteń emama ar goṭa dhạrtige amakʼ ạidạrire hijukʼa.

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Sereńko 22:28

Hẽ, rajosṭi do Probhu Isorakʼge hoyokʼma; ar sanam jạtrenko cetanren raj doe uni kangea.

Sereńko 48:2

Isorakʼ tahen jaega do ona Sion burure, ar coṭre benaoakʼ maraṅ rajakʼ nagraha do ńelokʼte ạḍi mońjgea; ona do goṭa dhạrtiye rạskạ ocoyeda.

Sereńko 68:17

Isorakʼ rãt gạḍi do hajar hajar, lakh lakh; Probhu Isor do onako talare sonot ṭhạ̃ire menaea, cetʼleka uni do Sinại burureye tahẽkan.

Sereńko 72:8

Uniyakʼ rajosṭi reakʼ simạ do mitʼ jalapuri khon eṭakʼ jalapuri hạbicʼ, Uphreṭis gaḍa khon dhạrti reakʼ mucạtʼ hạbicʼ.

Sereńko 86:9

E Probhu Isor, amakʼ sirjonren sanam jạtrenko do hecʼkate amko manotmea arko ḍobokʼama; ar amko sarhao sereńama.

Sereńko 87:1

Probhu Isor do sonot buruko cetanre acʼakʼ nagrahae tearjoṅa.

Sereńko 87:2

Jakob bõsren eṭakʼ sanam tahen ṭhạ̃i khon uni do Sion reakʼ phaṭok duạrkogeye kusiyada.

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Jesaea 30:29

Ar ape do sonot porob ńindạpe manaoetʼ lekape sereńa. Ar hoṛko do tinre tiriạwante Probhu Isorakʼ burure rakapʼkate Israel reakʼ asray buru ṭhenko hijukʼa ar unre cetʼleka rạskạ hoyokʼ onkage apeakʼ ontor hõ rạskạkʼtapea.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 56:5

enḍekhan onkoakʼ ńutum do hopon ar hoponerako khon hõ sorosge ińakʼ oṛakʼre ar ińakʼ pạcri bhitrireń bạisạukea mitʼṭecʼ cinhạ lekate. Ar jaejugakʼ ńutumgeń emkekoa oka do baṅ maraokʼ.

Jesaea 56:7

7 onko do ińakʼ sonot buruteń idikoa ar ińakʼ oṛakʼre, metakʼme koejoṅ oṛakʼre onkoń rạskạ ocokoa. Ińakʼ pinḍ cetanre onkoakʼ jeredokʼ ar eṭakʼ samaṅokʼakʼ koń ataṅtakoa. Onate ińakʼ oṛakʼ do sanam jạtrenkoakʼ koejoṅ oṛakʼ mente ńumogokʼa.”

Jesaea 60:3

Jạt jạtrenko do amakʼ marsal ṭhenko hijukʼa; ar rapajko do aṅga marsal ṭhenko hijukʼa.

Jesaea 65:11

Menkhan ape okoe do Probhu Isorpe bạgi akawadea ar ińakʼ sonot burupe hiṛiń akatʼ, ar okoe do bhạg lạgitʼ mejpe sajaoetʼ ar likhạ lạgitʼ bubulakʼkote bạṭikope perecʼetʼ,

Jesaea 66:20

Probhu Isor ńutumte samaṅokʼ lekate sanam jạtrenko tala khon aperen boehako do rãt gạḍikote, sadomkote, gadhakote ar ũṭkoante ińakʼ sonot buru Jerusalemteko hijukʼa. Israelko cetʼleka sapha bhajanre anaj samaṅokʼakʼ jinisko ạgui onkage onko do Probhu Isorakʼ oṛakʼteko ạguiya.

Jesaea 66:23

Molokʼ cando ar jirạukʼmãhã piche sanam hoṛ do iń samaṅre hecʼkateko dewa sewaea.

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jirimiạ 23:20

Ińakʼ edre do ińakʼ ontor ńutumte purạte ạuri perejokʼ hạbicʼ baṅ ruạṛa. Ar ape do tayom daram din pusṭạute onape bujhạu daṛeakʼa.

Jirimiạ 26:18

“Jihudạren Hiskiạ raj oktere Moresetren Mikạ do nạbi lekate kathae roṛetʼ tahẽkana. Uni do Jihudạren hoṛkoe metatʼko tahẽkana, ‘phạdkoren Probhu Isore meneda, Sion do khet baṛge lekae cas ocokʼa, Jerusalem do dhaṅ dhaserakʼ ḍhipi leka hoyokʼa ar koejoṅ oṛakʼ reakʼ buru do jhạuạkote dapal esedokʼa.’

Jirimiạ 3:17

Unre sanam jạtren hoṛko Jerusalem do Probhu Isorakʼ siṅghạsonko metakʼa, ar Probhu Isor dewa sewawae lạgitʼ onḍeko jarwakʼa. Ar akoakʼ bạṛicʼ ontor do ṭenḍoskate bako pańjaea.

Jirimiạ 30:24

Probhu Isorakʼ sana purạpuri kạmire ạuri lagaokʼ hạbicʼ uniyakʼ botoranakʼ edre do baṅ ruạṛtaea. Tayom daram dinkore hõ noa dope bujhạu daṛeakʼa.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Jirimiạ 48:47

Menkhan tayom daram dinre Moab reakʼ dosa doń ạcur ruạṛa. Iń Probhu Isorge noa katha doń meneda.” Moabakʼ bicạr reakʼ katha do nonḍege mucạtʼena.

Jirimiạ 49:39

menkhan tayom daram dinre iń do Elam reakʼ dosań ruạṛ ạguiya. Iń Probhu Isorge noa katha doń meneda.”

Jirimiạ 51:44

Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.

Jeheskel 38:16

Am do rimil leka disạmem dapal eseda ar ińren hoṛ Israelko upạrtem rakapʼ hijukʼa. E Gog, mucạtʼre ińakʼ disạm upạrte amiń ạgumea. Unre iń do jạt jạtrenkoakʼ mẽtʼãhã samaṅre iń apnartetʼ do am hotete sonot menteń udugokʼa jemon onko do ińko baḍae daṛeạń.

Jeheskel 40:2

Isor emakʼ dorson talate uni do Israel disạmteye idikedeńte mitʼṭecʼ usul buru cetanreye dohokedińa. Ona buru reakʼ dạkhin aṛere adom dolan oṛakʼko tahẽkana onako do ńelokʼte nagraha leka tahẽkana.

Daniel 10:14

Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”

Daniel 2:28

Menkhan sermare mitʼṭen Isor menaea okoe do okoakʼko reaṅe sodoretʼkan. Ar tayom daram dinkore cetʼko hoyokʼa ona do unige Nebukadnesar raje baḍae ocoakadea. Amakʼ kukmũ, metakʼme aṭetʼre giticʼkate okaṭakʼ kukmũm ńelakatʼ ona do ńitokʼ iń lạiyama.

Daniel 2:35

Unre ona mẽṛhẽtʼ, jaṭaṅ hasa, pitạl, rupạ ar sona do mitʼdomte gejerena ar niron din reakʼ khạrại bhusạ leka hoyena, ar hoe do onakoe oṭaṅ idikeda, ar onako lạgitʼ do okare hõ ṭhạ̃i baṅ hoylena, Ar okaṭakʼ dhiri ona boṅga muṭhạnre josen, ona do mitʼṭecʼ maraṅ buru hoyena, ar goṭa dhạrti perecʼena.

Daniel 2:45

Ente am dom ńel akada, buru khon mitʼṭen dhiri do begor manwa titege chaḍao ńurena ar ona dhiri do, pitạl, jaṭaṅ hasa, rupạ ar sonae gejerkeda; maraṅ Isor do noako hoyokʼ lạgidokʼ ghoṭnakoge am doe baḍae ocoakatʼmea; kukmũ do khạṭigea ar ona reakʼ bhedtetʼ hõ sạrigea.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Sakariạ 14:10

Goṭa dhạrtige Araba reakʼ tapol ot leka hoyokʼa, Geba khon Jerusalem dạkhin secʼre menakʼ Rimon hạbicʼ, menkhan Jerusalem do usulrege tahena. Benjạmin reakʼ phaṭok duạr khon pạhilakʼ phaṭok duạr ar konac reakʼ phaṭok duạr hạbicʼ ar Hannanelakʼ usul pahra oṛakʼ khon rajakʼ darkha lelen ṭhạ̃i hạbicʼ goṭa nagraha do ṭhikge tahena.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Sakariạ 8:22

Iń sewawạń lạgitʼ ar ińakʼ bhor hatao lạgitʼ ḍher hoṛko ar daṛean jạtrenkoge Jerusalemteko hijukʼa.

Sakariạ 8:3

Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.

Malaki 3:12

Unre sanam jạtren hoṛ do bhạganko metapea, ente apeakʼ disạm do hulạste perejokʼa. Iń phạdkoren Probhu Isorge noa katha doń meneda.”

Numeri 24:14

Iń do ńitokʼ ińren hoṛko ṭheniń ruạṛ calakʼ kana, menkhan ona lahare amiń sontor oṭokam kana noko jạtrenko do tayom daram amren hoṛko cetanre cetʼko cekaea mente.”

Aposkạmi 2:17

‘Mucạtʼ dinkore iń do sanam hoṛko cetanre ińren Jiu iń dulea; onate aperen hopon ar hoponerako do nạbi lekate Isorakʼ kathako lạiya, ar aperen juạnko do dorsonko ńama, ar aperen murubbiko do kukmũko ńela.

2Timothi 3:1

Noa katha baḍaeme je, mucạtʼ dinkore do ạḍi muhin reakʼ okteko hijukʼa.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

2 Patras 3:3

Pạhilre noa katha disạ dohokakʼpe, bhageakʼko reaṅ okoe do nisṛạu reakʼ sobhabtako onko do sesa sisi dinrehõko nisṛạugea. Onko do akoakʼ bạṛicʼ kusi sana lekako colona,

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.