Jesaea 2:19 - সান্তালী বাইবেল

¹⁹ Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

Jesaea 2:19 Iomraidhean Croise

2 Samuel 22:46

Onko doko tolmojokʼa; ar thar tharaoakʼte gaṛ khonko oḍok hijukʼa.

Jobakʼ 9:6

Acʼakʼ jaega khon pirthimi doe dal dalaoa, ona reakʼ khunṭikoe thar tharao ocoya.

Sereńko 7:6

E Probhu Isor, edrete ma beretʼme, ińren bạirikoakʼ raṅgao upạrte ti tiạrtam. Iń lạgitʼ ebhenokʼme, ente amakʼ dhorom bicạr reakʼ katham lại jạhir akada.

Jesaea 13:13

Ona iạte iń do sermań daldalao ocoya; ar phạdkoren Probhu Isorakʼ kurkurạukʼte uniyakʼ jaljalaokʼkan edre dinre pirthimi do ḍikạ ḍakekʼa.

Jesaea 2:10

Probhu Isorakʼ botoranakʼ edre ar uniyakʼ ṭhonok reakʼ malkaokʼ khon rukhiyạ ńam lạgitʼ maraṅ maraṅ dhiri paṛakʼkore bolokʼpe, ar otre okokʼpe.

Jesaea 2:21

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ malkaokʼ khon bańcaokʼ lạgitʼ maraṅ maraṅ dhiri ciritʼre ar buru reakʼ paṛakʼreko bolokʼa.

Jesaea 24:1

Ńelpe, Probhu Isor do dhạrtiye ujạṛ utạr are marao lạgidokʼ kana. Uni do ona reakʼ cetantetʼe ulṭạu giḍikakʼa ar onare girobasokʼ kan hoṛkoe chirc hạturkoa.

Jesaea 24:18

Okoe hoṛ botoranakʼ saḍe ańjomkateye ńirjoṅ uni do ghaḍlakʼreye khańjokʼa, ar okoe ghaḍlakʼ khone rakabokʼ uni do pạsireye sapʼ ocokʼa. Serma reakʼ khiṛkiko jhijokʼa ar dhạrti reakʼ rehetʼ do dal dalaokʼa.

Jesaea 24:19

Dhạrti do kaṭra kuṭrạ cabakʼa, dhạrti do oṛejokʼa ar dhạrti do botorge dal dalaokʼa.

Jesaea 30:32

Probhu Isor do onko sãote lạṛhại jokhecʼ tinre acʼakʼ niṭ akatʼ ṭheṅgate onkoe hạnkoa unre tobla ar peṛesaṅ do banamokʼa.

Jesaea 33:10

Probhu Isore meneda, “Ńitokʼ doń teṅgokʼa, ńitokʼ doń usul ocokʼa, ńitokʼ do ińakʼ ṭhonok sodorokʼtińa.

Jesaea 7:19

Onko do hecʼkate buru dhasnakore, buru paṛakʼkore, jạnum jhạuạkore ar ṭạnḍikoreko basakʼa.

Jirimiạ 16:16

“Menkhan ńitokʼ do ḍher jạilạgeń hoho ạgukoa ar onko do hako lekako sapʼkoa. Ona tayom iń do arhõ sesendrako hõń hoho ạgukoa onko do mitʼke mitʼ maraṅ ar huḍiń buruko ar dhiri ciritʼ khonko sendra totʼkoa.

Jirimiạ 4:29

Aswari ar dhinkiạkoakʼ sabad ańjomte nagraharen sanam hoṛ doko dạṛ pạnḍuja. Adom hoṛ do gajaṛteko bolokʼa ar adom hoṛ do maraṅ maraṅ dhiriteko rakapʼa. Mitʼke mitʼ nagraha do ujạṛ akan tahẽna; onḍe do cele hoṛge bako girobasokʼa.

Jirimiạ 48:28

E Moabren hoṛko, nagraha bạgikate huṭupʼ dhirikore berelokʼpe. Ar onkan potamko leka baṛe hoyokʼpe, okoe do khandṛaṅ moca ṭhen tukạko benaojoṅ kan.

Jeheskel 33:27

“Am do onkom metakoa, iń Probhu Isorge iń ńutumte kiriạkateń menetʼkana, okoe ona dhaṅ dhaser akan ṭhạ̃ire menakʼko onko doko gocʼ ocokʼa, ar okoe ṭạnḍire menakʼko onko do bir janwar ṭhen jom ocokʼ lạgitʼ iń emakoa ar okoe gaṛ ar danderre menakʼko onko do mahamạriteko gujukʼa.

Hosea 10:8

Beth-Aben reakʼ than boṭkocʼko, metakʼme Israelakʼ kại reakʼ ṭhạ̃iko do maraokʼ ocokʼa. Onḍe do rạṅgạini jạnumko janam rakabokʼte onkoakʼ pinḍkoe danaṅ esedtakoa. Unre onko do maraṅ maraṅ buruko metawakʼa, “De danaṅ esetʼlepe” ar huḍiń buruko doko metawakʼa, “De ale cetanre ńurokʼpe.”

Mikạ 7:17

Onko do biń ar eṭakʼ lacʼte takʼṛam jiwiyanko leka dhuṛiko caṭoga. Onkoakʼ gaṛ khon onko do thar tharaoate am ṭhen, aleren Probhu Isor ṭhenko oḍok hijukʼa arko botoram ma.

Nạhum 3:11

E Niniwi, am hõ bul bhuteṛkatem kunḍlạṅ hapekokʼa; ar bạiriko khon okokʼ lạgitʼ asrayem sendrajoṅa.

Hagae 2:6

“‘Phạdkoren Probhu Isorgeń meneda, ar thoṛa ghạṛicʼ khange iń do ar mitʼ dhao serma, ot, jalapuri ar khaṅgoṭ ot iń dalmalao ocoya.

Hagae 2:7

Ar sanam jạtrenkoń thar tharao ocokoa ar onate onko do akoakʼ dhon nonḍeko ạguiytakoa. Ar unre noa oṛakʼ do ṭhonokteń pereja.

Luk 23:30

Unre hoṛko do maraṅ burukoko metakʼa, ‘De ale cetanre dhasaokʼpe,’ ar huḍiń buruko doko metakʼa, ‘De danaṅlepe.’

2 Thessalonikiko 1:9

Probhu Isor tinreye hijukʼa unre nonkae sạjạikoa one onate onko do uniyakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre uniyakʼ do acʼren hoṛko hotete acʼakʼ ṭhonok sodorokʼtaea ar okoeko pạtiạu akan onko sanamko hotete uniyakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

Ibriko 11:38

Onko do hahaṅkarkore, burukore, danderkore ar khorloṅkoreko ńir oko baṛaekan tahẽkana. Noko hoṛko jaega emako reakʼ lek noa dhạrti reakʼ do baṅ tahẽkana.

Ibriko 12:26

Unre Isorakʼ moca kathatege dhạrti do dal dalaolena, menkhan ńitokʼ uni do noae gokʼakada, “Iń do eken armitʼ dhao dhạrtiń dal dalao ocoya ona do baṅ, menkhan serma hõń dal dalaoa.”

Johan sodor 11:13

Unre ạḍi botor dhạrti laṛaoena ar ona nagraha reakʼ gel hạṭiń reakʼ mitʼ hạṭiń do rạputʼ ńurena. Ar ona dhạrti laṛaore eae hajar hoṛko gocʼena. Onate sarecʼko sanamge botor caṛhaoatʼkote sermaren Isorko sarhaokedea.

Johan sodor 11:19

Ona tayom serma reakʼ mundil do jhicʼena ar onḍe Isorakʼ bondobos reakʼ sunduk ńel ńamena. Unre bijli malkaokʼ ar botor saḍe ar huḍur ar dhạrti laṛao ar ạḍi bạṛicʼ arel ńurokʼ ehopʼena.

Johan sodor 16:18

Unre bijli malkaokʼ lagaoena, ạḍi botor saḍe ar huḍurko hoyena, ar ạḍi ãṭ dhạrti laṛaoena, one dhạrtire manwa sirjạu tayom ar tisge baṅ hoyakan. Ar ona dhạrti laṛao do ạḍi botorge tahẽkana.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Johan sodor 9:6

Unre hoṛko do gujukʼko ńam baṛaea, menkhan okalekatege bako ńama; onko do gujukʼko khoja, menkhan gujukʼ do onko khone ńir pharakokʼa.

1 Samuel 13:6

Israelren lạṛhại phạdko do ạḍi muhinreko paṛao akana menteko ńelketʼ khan onko do danderkore, jhupuṭoṛokore, buru khorloṅkore, cạṭạni lopakʼkore, ḍonḍhorkore ar khạ̃yukʼkoreko okoyena.

1 Samuel 14:11

Niạ menkate unkin do Philisṭikoren lạṛhại phạdko samaṅre senkate kin ńel ocoyena. Unre Philisṭiko doko menkeda, “Hạnkin ńelkinpe, danderrekin okolen unkin dokin oḍok hijukʼkana.”