Jesaea 2:11 - সান্তালী বাইবেল

¹¹ Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 2:11 Iomraidhean Croise

2 Samuel 22:28

Am do nacar jạtrenkom rukhiyạyetʼkoa, ar bạḍạiko tumbutʼ ocoko lạgitʼ amakʼ mẽtʼ do onko secʼge menakʼa.

Sereńko 18:27

Am do nacar jạtrenkom rukhiyạyetʼkoa ar bạḍạiko dom tumbutʼ ocoyetʼkoa.

Sereńko 18:28

Amge ińakʼ jion reakʼ diuhe dom jol dohoyetʼ kana; ińren Probhu Isor do ińakʼ ńute marsalketʼtińạ.

Sereńko 20:8

Onko doko copotʼ akana, arko sombotʼ bhindạṛ akana menkhan abo do bohokʼ sojhekate bon teṅgo ṭak akana.

Sereńko 46:10

Probhu Isore meneda, “Thirokʼpe; ar noa katha baḍaepe je, iń kangeạń Isor do; sanam jạtrenko do ińko sarhaoińạ, ar dhạrti hõ ińe sarhaoińạ.”

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 94:2

E dhạrtiren bicạricʼ, de beretʼme; ar bạḍạikoakʼ kuṛại baṛe emkatakom.

Kạhtukko 16:5

Bạḍại monan hoṛ do Probhu Isore hirkhạwako kana; khạṭige baḍaepe onko do sạjạiko ńama.

Kạhtukko 30:13

onkoakʼ mẽtʼ do bạḍạite perecʼgetakoa, ar onkoakʼ beṅgetʼ hõ hirkhạte perecʼgea,

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Jesaea 12:4

Ape do enhilokʼpe mena, “Probhu Isor sarhaoepe, ar uniyakʼ gun reakʼ katha lại pasnaope; uni okae ceka akatʼ ona do sanam jạtrenko baḍae ocokope ar lại pasnaope, uni doe maraṅ utạricʼ kana.

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jesaea 14:15

Menkhan am do patal puritem pheḍ ocoakana, hẽ, ona khạndṛuṅ utạrakʼ jaegatem pheḍ ocoakana.

Jesaea 2:17

Manwakoakʼ gorbokʼ do copotʼ ocokʼtakoa ar hoṛkoakʼ bạḍại hõ copotʼ ocokʼa. Enhilokʼ do eken Probhu Isorgeye manot ocokʼa,

Jesaea 23:9

Uniyakʼ sanam bạḍạiko maraotae lạgitʼ ar dhạrtiren manotan hoṛko bemanotko lạgitʼ phạdkoren Probhu Isorge niạ doe goṭa doholetʼ tahẽkana.

Jesaea 24:21

Enhilokʼ Probhu Isor do sermaren phạdkoe sạjạikoa, ar dhạrtire do rapajkoe sạjạikoa.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Jesaea 28:5

Enhilokʼ phạdkoren Probhu Isor do acʼren sarecʼ hoṛko lạgitʼ mitʼṭecʼ ṭhonokanakʼ mukuṭ ar mitʼṭecʼ mońj malae hoyokʼa.

Jesaea 29:18

Enhilokʼ kalako do ona bedhao akatʼ puthi reakʼ kathako ańjoma, ar kaṛaṅ ńutre tahenkan kãṛãko doko ńeńela.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Jesaea 30:23

Uni dor dakʼe kolapea jemon otre itạpe er daṛeakʼ ar jumi khon oka phosolpe ńam ona do mońj ar purṭhạge hoyokʼa. Enhilokʼ aperen ạsul janwarko do maraṅ maraṅ ạtiń ṭạnḍireko ạtińa.

Jesaea 37:23

Am do okoeyem henosta akadea? Ar okoe upạrte opoman reakʼ kathako dom roṛetʼkana? Am do okoe upạrtem kikiạukʼ kana ar okoe cetantem beṅgetʼ paromeda? Am do Israelren uni sonoticʼ upạrtege noakom nonka akada.

Jesaea 4:1

Enhilokʼ eae goṭen maejiu do mitʼṭen herel hoṛ sapʼkateko metaea, “Aleakʼ jom-ńũ ar horokʼ bande reakʼ do aletegele bebosta joṅa; eken amren bạhu mentele tahen reakʼ ạidạri baṛe emaleme. Aleakʼ henosta baṛe sạṅgińtaleme.”

Jesaea 40:23

Uni do rapajko cetat hõ bae hoeocoyetʼkoa ar disạm cakʼlaoko hõ ạuṛiyakʼe lekhayetʼkoa.

Jesaea 52:6

Onate ińren hoṛko baḍae daṛeakʼ iń doń okoe kana mente; enhilokʼ onko doko baḍae daṛeakʼa iń kangeạń roroṛicʼ; hẽ ińgeń roṛleda.”

Jirimiạ 12:9

Ińakʼ sompotti iń ṭhen do sendra cẽṛẽ leka hoyakana, one eṭakʼ sendra cẽṛẽko gherao esetʼkate ińko hạ̃neń kan. Am do senkate sanam bir janwarko jarwakate ạgukom jemon onko do uniko jom daṛeae.

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Jeheskel 38:14

“Onatege, E manwa hopon, Gog do noa nạbi katham metaea, Probhu Isore menetʼkana, ‘enhilokʼ tinre ińren hoṛ Israelko do khạtirjomako girobasokʼa unre cetʼ ona do bam baḍaea?

Jeheskel 38:19

Iń do jaljalaokʼkan edreteń lại sodoretʼkana, ona jokhecʼ Israel disạmre ạḍi botor dhạrti laṛao hoyokʼa.

Jeheskel 39:11

“ ‘Enhilokʼ Gog do Israelko talare mitʼṭecʼ topa ṭhạ̃iyiń emaea. Ona do doreão purub secʼ dãṛãnkoakʼ buru-nalage hoyokʼa. Ar ona do sen paromokʼkan hoṛkoakʼ hore esedtakoa, ente Gog ar uniren sanam phạdko do onḍeko topa ocokʼa. Ona iạte ona do Gogren hoṛkoakʼ buru-nalage hoyokʼa.

Jeheskel 39:22

Enhilokʼ khon Israelko doko baḍae daṛeakʼa, ińkangeạń onkoren Probhu Isor do.

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Hosea 2:16

“Iń Probhu Isorgeń menetʼkana, enhilokʼ uni do ‘acʼren jãwãe’ menteye hohowạńạ; ‘ińren kisạ̃ṛ’ mente do ar bae hohoạńạ.

Hosea 2:18

Enhilokʼ uni lạgitʼ do janwarko, cẽṛẽko ar leńokʼ ṭunḍạṅokʼ jiwiyanko sãote bondobosiń bandhaoaea. Ar disạm khon akʼ-sar, tarwaṛe ar lạṛhạikoń sạṅgiń gidikakʼa jemon sanamko nirạiteko giticʼ jirạu daṛeakʼ.

Hosea 2:21

“Iń Probhu Isorgeń meneda, enhilokʼ amakʼ iń ańjomtama. Iń do sermań hukumaea; ar serma do dhạrtire dakʼe ema:

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Amos 9:11

Probhu Isore meneda, “Enhilokʼ Dạudakʼ lạnduṛ akan oṛakʼ do arhõń beretʼ ruạṛa. Uniyakʼ rạputʼ ṭhạ̃ikoń jut aroya, ar dhaṅdhaserakʼ koń ṭhika ar lahate lekageń beretʼ ruạṛa.

Obodiạ 1:8

Probhu Isore menetʼkana, “Enhilokʼ iń do Edomren ạkilan hoṛko ar Esao buru khon bujan hoṛko cetʼ bạń maraokoa?

Mikạ 2:3

Ona iạte Probhu Isore meneda, “Ape upạrte iń do bin bhạlạiyakʼ iń goṭa akada one ona khon apnarte ohope rukhiyạ daṛelen, ente okte do muhin reakʼge hoyokʼa.

Mikạ 4:6

Probhu Isore meneda, “Enhilokʼ iń do leḍhakoń jarwakoa; ar okoe bondikate eṭakʼ disạmteko idi ocoakan, ar okoeyiń duk ocoakatʼko onko do mitʼ ṭheniń jarwa mitʼkoa.

Mikạ 5:10

Probhu Isore meneda, “E Israel uren iń do am tala khon amren sadomkoń caba utạrkoa ar amakʼ rãt gạḍikoń marao giḍikakʼa.

Sephaniạ 3:11

Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.

Sephaniạ 3:16

Enhilokʼ am dom men ocokʼa, “E Sion kuṛi alom botorokʼa, ar alogem as chuṭạukʼa.

Sakariạ 9:16

Enhilokʼ onkoren Probhu Isor do bhiḍi palko leka acʼren hoṛkoe bańcaokoa. Onko do uniyakʼ disạmre mukuṭ reakʼ hirạ-mạnik lekako jhak jhakaokʼa.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Luk 18:14

“Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”

2 Korinthiko 10:17

Menkhan sostor reakʼ katha leka, “Sarhaokʼicʼ do Probhu Isorrege baṛeye sarhaokʼma;”

2 Korinthiko 10:5

Ale do manwakoakʼ eṛeteakʼle nosṭoyeda ar Isor baḍaeye horre tạkicʼakʼ leka oka hudis bundisko usulokʼe menjoṅkan ona dole dhaṅ dhasereda; ar mon reakʼ mimitʼ hudis bundisko do Mạsi ṭhenle gobol ocoyeda.

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”