Jesaea 2:10 - সান্তালী বাইবেল

¹⁰ Probhu Isorakʼ botoranakʼ edre ar uniyakʼ ṭhonok reakʼ malkaokʼ khon rukhiyạ ńam lạgitʼ maraṅ maraṅ dhiri paṛakʼkore bolokʼpe, ar otre okokʼpe.

Jesaea 2:10 Iomraidhean Croise

Jobakʼ 31:23

ente iń do Isor emakʼ sạjạiyiń botorakʼ kana; uniyakʼ ṭhonok do nunạkʼge ḍhera, uni botorte onako do ohoń kạmi daṛekea.

Jobakʼ 40:13

Onko sanamkoge dhuṛire topa oko dohokom; ar mẽtʼãhã do patalre tolkatakom.

Sereńko 145:12

Jemon sanam manwa do amakʼ daṛete perecʼ kạmi reakʼ kathako baḍae daṛeakʼ, ar amakʼ rajosṭi reakʼ ṭhonokte perecʼ mạhima hõ.

Sereńko 90:11

Amakʼ edre reakʼ daṛe do okoeye bujhạu daṛeakʼa? Tinạkʼ hoṛakʼ ontorre bhoti menakʼte, amakʼ raṅgaoko bujhạu daṛeakʼa?

Jesaea 10:3

Sạjạiyokʼ dinre tinre sạṅgiń khon jarkharakʼ hijukʼa unre ape do cetʼpe cekaea? Goṛo ńam lạgitʼ okoe ṭhenpe ńir calakʼa? Apeakʼ dhon durib do okoe ṭhenpe doho oṭokakʼa?

Jesaea 25:11

Paerakʼicʼ cetʼ leka tiye pasnaoetʼtae onkage onko hõ guricʼre akoakʼ tiko pasnaotakoa. Onkoakʼ ti reakʼ kurumuṭu do ạuṛiyakʼge hoyokʼtakoa; Isorge onkoakʼ bạḍại doe rạpudtakoa.

Jesaea 42:22

Menkhan noko hoṛ do jotowakʼge luṭ idi akantakoa, ar jotoge khạndṛuńreko khadle giḍi ocoakana ar jelkhanareko siń doho ocoakana. Onko do recʼ ocoakʼ jinis lekako hoyakana, onko rukhiyạko lạgitʼ do celege bạnukʼkoa. Onko do luṭteakʼ malko hoyakana; ar okoege bako meneda, “Onko ruạṛkope.”

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jirimiạ 10:7

E jạtkoren raj, okoe baṅ am do bae botoram? Noa do amakʼ kuṛại kana. Jạt jạtkoren sanam ạkilan hoṛko talare ar onkoakʼ sanam rajosṭiko talare am leka do celehõ bạnukʼkoa.

Jirimiạ 13:9

“Iń Probhu Isor do noa kathań meneda, Jihudạ reakʼ bạḍại ar Jerusalem reakʼ maraṅ bạḍại do nonkageń maraoa.

Hosea 10:8

Beth-Aben reakʼ than boṭkocʼko, metakʼme Israelakʼ kại reakʼ ṭhạ̃iko do maraokʼ ocokʼa. Onḍe do rạṅgạini jạnumko janam rakabokʼte onkoakʼ pinḍkoe danaṅ esedtakoa. Unre onko do maraṅ maraṅ buruko metawakʼa, “De danaṅ esetʼlepe” ar huḍiń buruko doko metawakʼa, “De ale cetanre ńurokʼpe.”

Nạhum 3:11

E Niniwi, am hõ bul bhuteṛkatem kunḍlạṅ hapekokʼa; ar bạiriko khon okokʼ lạgitʼ asrayem sendrajoṅa.

Luk 12:5

Menkhan ińiń udukʼapea okoeṭakʼpe botoraea mente. Ape gocʼpe tayom okoe do norokre khadlepe reakʼ ektiạri menakʼtae unige botoraepe. Hẽ ińiń metapekana, ape do unige botoraepe.

Luk 23:30

Unre hoṛko do maraṅ burukoko metakʼa, ‘De ale cetanre dhasaokʼpe,’ ar huḍiń buruko doko metakʼa, ‘De danaṅlepe.’

2 Thessalonikiko 1:9

Probhu Isor tinreye hijukʼa unre nonkae sạjạikoa one onate onko do uniyakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre uniyakʼ do acʼren hoṛko hotete acʼakʼ ṭhonok sodorokʼtaea ar okoeko pạtiạu akan onko sanamko hotete uniyakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.