Jesaea 19:2 - সান্তালী বাইবেল

² Probhu Isore meneda, “Iń do Misorren hoṛkoge Misorren hoṛko upạrteń uskurkoa; onate boeha do boeha upạrte, aḍepaseren hoṛ do aḍepaseren hoṛko upạrte, nagraharen hoṛ do nagraharen hoṛko upạrte, ar rajosṭiren hoṛ do rajosṭiren hoṛko upạrteko lạṛhạiya.

Jesaea 19:2 Iomraidhean Croise

1 Rapajko 16:21

Inạ tayom Israelko do bar hạṭińteko hạṭińena. Onko modren adha do Ginetren hopon Tibni rajeko khojkeda ar eṭakʼ adhako do Omri rajeko khojkeda.

2 Bõsbudạ 15:6

Mitʼ jạtrenko do eṭakʼ jạtrenko cetanre, mitʼ nagraharenko do eṭakʼ nagraharenko cetanre bạṛicʼ lạgitʼko kurumuṭukan tahẽkana, ente Isor ạḍi lekan be bhạlại iạteye kosṭoyetʼko tahẽkana.

Jesaea 3:5

Manwa do manwa, aḍepaseren hoṛko do aḍepaseren hoṛko santaokoa; kạṭicʼko do haṛamko upạrte ar nicạṛ hoṛ do manotan hoṛ upạrteko teṅgona.

Jesaea 9:21

Manase do Ephrayimakʼ ar Ephrayim do Manaseakʼ jelko joma, onko do mitʼ sãote Jihudạ upạrteko teṅgona. Ar noako hoylenre hõ uniyakʼ edre do baṅ thirokʼtaea; ar ńit hõ uniyakʼ ti do tulge menakʼa.

Jirimiạ 46:12

Jạt jạtrenko do amakʼ lajao paṛao reakʼko ańjom akada; amakʼ kạuạ rạuạte dhạrti do andoṛokʼa. Ente birbão hoṛ do birbão hoṛregeye tohodokʼa ar unkin do bana hoṛge mitʼ domtekin bhindạṛokʼa.”

Jirimiạ 51:46

Tinre aema kathako unạnokʼa unre alom hadosokʼa se alom botorokʼa; mitʼ bochorre mitʼṭecʼ katha unạnokʼa ar eṭakʼ bochorre ar mitʼṭecʼ katha unạnokʼa. Ona unạnokʼ katha do kana, Babelre santao hoyokʼkana ar mitʼ disạmren cakʼlaoyicʼ do eṭakʼ disạmren cakʼlaoyicʼ upạrteye teṅgonkana.

Jeheskel 38:21

Ińakʼ disạm reakʼ sanam buruko cetanre Gog upạrte lạṛhạiyiń ạguiya. Mitʼke mitʼ manwawakʼ tarwaṛe do acʼren boeha upạrte tahentaea.

Sakariạ 8:10

Ona kạmi ạuri ehopʼre manwako reakʼ kuṛạige baṅ tahẽkana ar janwarakʼ hõ bhaṛa bako em daṛeakʼkan tahẽkana. Bạiri iạte celege khạtirjoma bako dãṛãnkan tahẽkana ente ińge mimitʼko do ako aḍepaseren hoṛko upạrteń uskurletʼkoa.

Mathae 10:21

“Boeha do boehattetʼe soprotea gocʼ ocoye lạgitʼ ar apat do hopontetʼ, ar hoponko do go-baba upạrteko teṅgona arko gocʼ ocokoa.

Mathae 10:36

Ar hoṛren bạiri do acʼ gharońjren hoṛgeko hoyokʼtaea.

Mathae 12:25

Jisu do Phạrusikoakʼ mone joṅakʼkoe baḍaeketʼ khane metatʼkoa, “Okaṭakʼ rajosṭi apnar talare hạṭińokʼ ona rajosṭi do marao utạrokʼa. Ar okaṭakʼ nagraha se gharońj apnar talare hạṭińokʼ ona nagraha se gharońj hõ baṅ ṭikạukʼa.

Mathae 24:7

Mitʼ jạtrenko do eṭakʼ jạtrenko upạrte ar mitʼ rajosṭi do eṭakʼ rajosṭi upạrteko lạṛhạiya. Jaega jaegakore akal hoyokʼa ar dhạrti laṛaokʼa.

Mark 3:24

Jãhãṭakʼ rajosṭige apnar talare hạṭińlen khan ona rajosṭi do ohoge ṭikạulena.

Bikʼcạrko 7:22

Pe sae sakwa saḍekʼ oktere Probhu Isor do ḍera bhitriren hoṛkoe andmandaoketʼkote onko do mitʼ hoṛ armitʼ hoṛ cetanre tarwaṛeante lạṛhạiko ehopʼena. Onate Midiạnren lạṛhại phạdko do Tabat ṭhen Beth-sita hạbicʼko dạṛkeda.

Bikʼcạrko 9:23

Inạ tayom Isor do Abimelek ar Sikemren hoṛko talare mitʼṭen bạṛicʼ jiue kolkedea. Onate Sikemren hoṛko do Abimelek sãote bepạtiạrko kạmikeda.

1 Samuel 14:16

Benjamin ṭoṭha reakʼ Gibeare Sạulren paharadar lạṛhại phạdkoko ńelkeda, Philisṭi lạṛhại phạdko doko chirchạtur akana.

1 Samuel 14:20

Inạ tayom Sạul ar uniren lạṛhại phạdko do sanamko mitʼdomte lạṛhại lạgitʼko oḍok calaoena. Onkoko ńelkeda, Philisṭiko do ako ako upạrtege tarwaṛeko calaoeda ar onko talare maraṅ ạulạuge ńelokʼkana.