Jesaea 19:14 - সান্তালী বাইবেল

¹⁴ Probhu Isor do onko talare ạulạ jhạulại hoyocoakada, onate bubulicʼ cetʼleka acʼakʼ becʼ cetanreye konḍe manḍekʼkan onkage onko do jotowakʼ kạmire Misorko konḍe manḍe ocoyedea.

Jesaea 19:14 Iomraidhean Croise

2 Bõsbudạ 18:22

Ona iạte Probhu Isor do ńitokʼ amren noko nạbikoakʼ mocare eṛe roṛren jiue emakadea. Amakʼ ḍahao maraokʼ lạgitʼ Probhu Isor do am lạgitʼ bạṛicʼakʼgeye men akada.

Jobakʼ 12:16

Daṛe ar akel do uniyakʼ kangea; ekʼṛeyicʼ ar eṛe ocokʼicʼ bana hoṛge uni latarren kanakin.

Jobakʼ 12:25

Onko do marsal begorte ńutreko taham tukucʼ baṛaea; ar bul hoṛ lekae konḍa manḍe ocoyetʼkoa.

Kạhtukko 12:8

Manwa cetʼleka budko khaṭao ona lekage sarhaoko ńama, menkhan peṛta hoṛ doko nihạ̃t ocokʼa.

Jesaea 19:2

Probhu Isore meneda, “Iń do Misorren hoṛkoge Misorren hoṛko upạrteń uskurkoa; onate boeha do boeha upạrte, aḍepaseren hoṛ do aḍepaseren hoṛko upạrte, nagraharen hoṛ do nagraharen hoṛko upạrte, ar rajosṭiren hoṛ do rajosṭiren hoṛko upạrteko lạṛhạiya.

Jesaea 24:20

Dhạrti do ńũ bul hoṛ leka konḍe manḍekʼa, ar hoete lewer lewerokʼkan oṛakʼ leka lewer lewerokʼa. Uniyakʼ kại reakʼ bojha do nunạkʼ hamal hoyokʼtaea, uni do ar tisge bae teṅgo ruạṛ daṛeakʼa.

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Jesaea 3:12

Okoe ińren hoṛko santaoetʼko onko do gidrạko leka, ar okoe onkoko ḍanṭaoetʼko onko do maejiuko leka. E ińren hoṛko, aperen hor udukʼ hoṛkoge bạṛicʼ secʼko idiyetʼpea; onko do ṭhik hor khon bhul horteko idiyetʼpea.

Jesaea 9:16

Okoe onko jạtrenko horko udukʼako onko do bhul horteko idikoa; ar onko pańjakanko do bako bujhạu daṛeakʼa okateko calakʼ kana mente.

Jirimiạ 25:27

Ona tayom Probhu Isor do ińe metadińa, “Onkom metakoa, Israelkoren Isor phạdkoren Probhui meneda, ‘ape talare iń do lạṛhạiyiń koleda; ape do ińakʼ edreteakʼ bạṭi khon ńũiype, bul bhuteṛokʼpe, bejpe, sombodokʼpe ar alope beretʼa.’

Jirimiạ 48:26

“Moab bul ocoyepe, ente uni do iń upạrte apnartetʼ maraṅe udugokʼ kana. Uni do acʼakʼ becʼreye jobe akana; uni do landa-dhutʼicʼgeye hoyokʼa.

Mathae 17:17

Jisui roṛ ruạṛkeda, “E bepạtiạu ar peṛta piṛhirenko! Ar tinạkʼ din ape sãoreń tahena? Ar tinạkʼ diniń sahaokatapea? Dini iń ṭhen ạguiyepe.”

2 Thessalonikiko 2:11

Onate Isor do onko ṭhen nonkan mitʼṭecʼ daṛeye kola onate bhul horteye idikoa, jemon eṛeakʼreko pạtiạukʼ.

Bikʼcạrko 9:23

Inạ tayom Isor do Abimelek ar Sikemren hoṛko talare mitʼṭen bạṛicʼ jiue kolkedea. Onate Sikemren hoṛko do Abimelek sãote bepạtiạrko kạmikeda.