Jesaea 19:11 - সান্তালী বাইবেল

¹¹ Soanren cetan hudạren kạmiyạko doko bebujgea; Pharaoren ạkilan sosolhako do ạuṛiyakʼ solhako emokʼkana. Ape do cekate Pharaope men daṛeae kana, “Iń do ạkilan hoṛko modren mitʼ hoṛ ar sedaeren raj bõsren kạnạń mente?”

Jesaea 19:11 Iomraidhean Croise

1 Rapajko 4:30

Purub disạm ar Misorren sanam ạkilan hoṛko khon Solomonakʼ ạkil do ḍherge tahẽkana.

1 Rapajko 5:10

Nonkate Hiram do Solomon jạṛuṛae bhor debdạru kaṭ ar saro kaṭkoe emadea,

Jobakʼ 12:17

Uni do sosolhakoakʼ kicricʼ totʼkate onkoe bondikoa ar bikʼcạrko do lelhae hoyocokoa.

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Sereńko 73:22

unre iń do lelha ar bebujgeń hoylena ar am ṭhen do janwar barag geń tahẽkana.

Sereńko 78:12

Israelren hapṛamkoakʼ mẽtʼãhã samaṅre uni do hahaṛa kạmiye kạmileda; Misor disạmre ar Soan ṭoṭhare uni do onakoe kạmileda.

Sereńko 78:43

uni do Misorre cinhại udukʼatʼko tahẽkanre ar Soan ṭoṭhare hahaṛa kạmiye kạmiletʼre.

Sereńko 92:6

Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.

Exodus 8:14

Ar hoṛko do onkoko jarwaketʼkoa ar onate disạmre ạḍi bạṛicʼ so rakapʼena.

Exodus 8:4

Onko roṭe do am cetanre ar amren hoṛko cetanre ar amren kạmiyạko cetanreko don baṛaya.’ ”

Kạhtukko 30:2

Sạrige iń doń manwa kanrehõ ińakʼ bud do janwar leka; manwawakʼ oka bud menakʼ ińakʼ do ona hõ bạnukʼa.

Jesaea 19:13

Soanren cetan hudạren kạmiyạko do bebuj lekako hoyakana, ar Memphisren mukhiyạko doko ạnḍicʼakana; ar Misorren khũṭkoren mathako do bạṛicʼ horteko sen akana.

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Jesaea 30:4

Soanre onkoren cetan hudạren kạmiyạko menakʼkoa ar onkoren goḍetko do Hanesteko seṭerakana,

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jirimiạ 10:14

Sanam manwage bin ạkilan ar bebuj kanako; mimitʼ sonhar do akoren benao boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Jirimiạ 10:21

Gukʼpiko doko bebujgea, onko do Probhu Isorakʼ mone joṅakʼ baḍae bako khoja; ar onatege bako jo bahakʼkana ar onkoren sanam pal janwarko doko chirchạtur akana.

Jirimiạ 46:17

Onḍenko hoṛko meneda, ‘Misorren Pharao raj do murukte rukʼkan mitʼṭecʼ ghonṭa kanae; uni do acʼakʼ ạte atʼ akatʼtaea.’ ”

Jirimiạ 49:7

Edom babotre phạdkoren Probhu Isore meneda, “Temanre ạkil do cetʼ bạnukʼa? Budanko ṭhen khon cetʼ sopolha do caba akana? Onkoakʼ ạkil do cetʼ heṛ akantakoa?

Jirimiạ 8:9

Ạkilan hoṛ do lajao arko torasokʼ kana ar jhạlireko paṛaokʼ kana. Onko do Probhu Isorakʼ kathako nihạ̃t giḍiakada, enḍekhan onko do cetʼ lekan ạkil menakʼtakoa?

Jeheskel 28:17

Amakʼ mon do amakʼ mońjtetʼ iạte bạḍạiteye perecʼena ar amakʼ ṭhonok iạte amakʼ ạkil dom nosṭo akada. Onate iń do otreń lebda giḍikatʼmea; ar rapajko samaṅreń dohoketʼmea jemon onko do am ńelteko kusikʼ.

Jeheskel 30:14

Ar Pathros do ujạṛakʼ iń hoeocoya, ar Soanre do seṅgeliń salgaoa ar Thebes nagraha doń sạjạiyea.

Jeheskel 7:26

Muhin cetan muhin hijukʼa, unạn cetan unạn ańjomokʼa. Onko do nạbiko ṭhen khon dorson reakʼ katha ańjom lạgitʼko kurumuṭuiya; naekekoakʼ ạn-ạri reakʼ cecetʼakʼ ar murubbikoakʼ sopolha do baṅ tahena.

Obodiạ 1:7

Amren sanam gate-rajosṭiko hõ amren ńir pharakokʼkan hoṛko akoakʼ simạna talate bako bolo ocoakoa. Ar amren gate hõ amko ṭhokamea ar ako secʼko or ạgumea; okoe amakʼko jometʼkan tahẽkan onko do am lạgitʼ jhãmpako oḍaoa, menkhan am do cetʼge bam bujhạu daṛeakʼa.”

Obodiạ 1:8

Probhu Isore menetʼkana, “Enhilokʼ iń do Edomren ạkilan hoṛko ar Esao buru khon bujan hoṛko cetʼ bạń maraokoa?

Numeri 13:22

Onko do dạkhin nakha secʼte senkate Hebron nagrahateko seṭerena. Hebron nagraha do Misor reakʼ Soan nagraha khon eae bochor laha reakʼ tahẽkana. Onḍe do Ahiman, Sesae ar Thalmae ńutuman Anak bõsren pe hoṛko tahẽkana.

Aposkạmi 7:22

Mose do Misorrenkoakʼ sanamakʼ akelte akelanicʼe hoyena, ar acʼakʼ katha ar kạmikote uni do daṛeanicʼe tahẽkana.