Jesaea 18:7 - সান্তালী বাইবেল

⁷ Unre phạdkoren Probhu Isor ṭhen do onko usul ar cĩkạ̃ṛ jạtrenko ṭhen khon sandesko hijukʼa. Onko do boṅgan hoṛ jạtren kanako okoe do sor ar sạṅgińren hoṛko botorakokan. Onko do noko daṛean jạtren kangeako okoe do eṭakʼko jaṅgateko lebetʼ gańjaoetʼko ar okaṭakʼ disạm do gaḍa soḍokʼkote hạṭiń akantako. Onko jạtrenkoakʼ dan sandes do Sion burure, phạdkoren Probhu Isorakʼ tahen ṭhạ̃ite ạgukʼa.

Jesaea 18:7 Iomraidhean Croise

2 Bõsbudạ 32:23

Ar ḍherkoge Jerusalemre Probhu Isor ńutumte dan-sandesko ạgukeda ar Jihudạ raj do Hiskiạ lạgitʼ damanakʼ sandese ạgukeda. Onate ona okte khon sanam jạtren hoṛko do ạḍiko manotkedea.

Sereńko 68:32

E dhạrtiren rajko, Isor sarhao sereńaepe, ar Probhuge sarhao sereńaepe. (Sela)

Jesaea 16:1

E Moabrenko, ape do hahaṅkar ṭoṭha reakʼ Sela ar Sion buru disạmren disạm cakʼlaoko ṭhen dan sandes lekate bheḍa hoponko kolkope.

Jesaea 18:2

Ona disạm do dakʼ cetante pạṭiolte benaoakʼ lạukạte pathaonakoe koletʼkoa. E coṭkar paṭhaonako, okoe jạtren hoṛko doko usulge arko cĩkạ̃ṛge ar boṅgan jạtrenkanko, ar okoe jạtrenko do sor ar sạṅgińren hoṛko botorako, ar okoe daṛean jạtrenko do eṭakʼkoko lebetʼ gasmanḍaoetʼko ar okoekoakʼ disạm do gaḍa ar soḍokʼkote hạṭińge, ape do onko ṭhen ruạṛ calakʼpe.

Jesaea 18:4

Probhu Isor do ińe mitạń kana, “Iń do Sapha serma reakʼ jaratʼ jaratʼ setoṅ reakʼ dãk leka, lolo dinre phosol samṭao oktere kuṛhạ reakʼ rimil leka ińakʼ tahen ṭhạ̃i khon hape hapeteń beṅgeda.”

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

Habakkuk 1:7

Onko ńelte hoṛ do ạḍiko botorokʼa. Onko do akotege akoakʼ ạn-ạriko benaojoṅa ar okoe tabere hõ tahen do bako aṅgoca.

Sephaniạ 3:10

Kus disạm reakʼ gaḍa hanasa khon iń sewawạńko, ar ińren chirchạtur akan hoṛko do iń ńutumte samaṅokʼakʼ jinisko ạguiya.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.