Jesaea 17:3 - সান্তালী বাইবেল

³ Ephrayimre do jãhãn gaṛge baṅ tahena ar Damesekre hõ rajosṭige baṅ tahena; Aramren sarecʼ jiwetʼ hoṛ do Israelko leka ṭhonok hoyokʼtakoa.” Noa do phạdkoren Probhu Isorakʼ katha kana.

Jesaea 17:3 Iomraidhean Croise

2 Rapajko 16:9

Asurren raj doe rạjiyena ar uni do Dameseke akromonketʼte onae hatkeda. Ar onḍenko hoṛkoe bondi idiketʼkoa ar Resin doe gocʼkedea.

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

Jesaea 10:9

Kalnowakʼ dosa do cetʼ Karkemis leka do baṅkana? Ar Hamat do cetʼ Arpad leka baṅkana? Samariạ do cetʼ Damesek leka do baṅkana?

Jesaea 16:14

Menkhan ńitokʼ Probhu Isor doe meneda, “Mitʼṭen din mujuri hoṛ cetʼleka bochore lekhae onkage pe bochor bhitrite Moabakʼ ṭhonok ar uniren ḍher hoṛ doko nihạ̃t ocokʼa ar jiwetʼ tahen hoṛ do lekhare thoṛa ar nijorko hoyokʼa.”

Jesaea 17:4

“Enhilokʼ Jakobakʼ ṭhonok do cabakʼa; ar uniyakʼ itilanakʼ hoṛmo do osogokʼtaea.

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

Jesaea 7:8

ente Aramren matha Damesek baṅ cetʼ ar Damesekren matha Resin raj baṅe cele kan? Turuigel mõṛẽ bochor bhitrite Ephrayem do nonkae marao utạrokʼa je, jạtrenko lekate uni do ar bae tahena.

Jesaea 8:4

Ar uni gidrạ do ‘Gogo’ se ‘Baba’ roṛ ạuriye cedrege Damesek reakʼ dhon durib ar Samariạ reakʼ luṭakʼ jinisko do Ạsur raj hecʼkateye idijoṅa.”

Hosea 1:4

Unre Probhu Isor do Hoseae metadea, “Am do uniyakʼ ńutum Jisreyelem dohoytaea, ente Jisreyel nagrahare Jehu do ḍher hoṛe gocʼletʼkote iń do uniyakʼ bõsrenko cetanre usạrage sạjạiyiń ạguiya ar Israelakʼ rajosṭiń caba utạra.

Hosea 1:6

Gomer do arhõe bhạrti hoṛmoyena ar uniren do armitʼṭen kuṛi hopone janamena. Unre Probhu Isor do Hoseae metadea, “Kuṛi hoponakʼ ńutum do Lo ruhamah. (metakʼme ‘Mãyãwạnicʼ do baṅa’) ente Israelren hoṛko do ar bạń dayawakoa, ar onko do baṅgeń ikạkoa.

Hosea 10:14

ona iạte ape upạrte lạṛhại reakʼ kạumạu rakapʼa ar apeakʼ sanam gaṛko do marao ocokʼa, cetʼleka Solomon do lạṛhại hilokʼ Beth-Arbele maraoletʼ. Unre hopon ar hoponerako sãote eṅgatko hõ otreko tawakʼ ocolena.

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.

Hosea 8:8

Israel doko utʼ ocoakana; bạṛicʼakʼ jinis leka onko do ńitokʼ eṭakʼ jạtrenko talare menakʼkoa.

Hosea 9:11

Ephrayimakʼ gorbo do cẽṛẽ lekage uḍạu calakʼtaea; unre gidrạwakʼ janam do baṅ hoyokʼa, celege bako bhạrti hoṛmokʼa ar onko do bạńjhiko hoyokʼa.

Amos 8:14

Onko okoe Samariạren boṅga ńutumte kiriạkateko men, ‘E Dan, amren jiwetʼicʼ debota ńutumtele kiriạkʼkana se, ‘Ber-sebaren jiwetʼicʼ debota ńutumtele kiriạkʼkana,’ onko doko bhindạṛokʼa, ar tishõ bako beretʼa.”