Jesaea 17:13 - সান্তালী বাইবেল

¹³ Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jesaea 17:13 Iomraidhean Croise

Jobakʼ 21:18

Tinạkʼ dhao baṅ hoe samaṅre busupʼ lekako hoyokʼkan birbao hoete oṭaṅokʼkan bhusạ leka hõko hoyokʼkan?

Jobakʼ 38:11

Ińiń menleda, ‘nonḍe hạbicʼgem hijukʼa, ar laha secʼ do baṅ; nonḍege amakʼ dhomok ḍheoko do thirokʼtama.

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Sereńko 35:5

Onko do hoete peṭecʼ lekako oṭaṅokʼma; Hẽ, Probhu Isorren goḍet do onkoe lagako ma.

Sereńko 65:7

Amge jalapuri reakʼ hud hudem thir ocoyeda, ar ḍheoko reakʼ hud hud ar jạtikoakʼ gulmalkom thir ocoyeda.

Sereńko 65:8

Sanam hoṛ, se, ḍher sạṅgińren hoṛko hõ amakʼ hahaṛa cinhạ reakʼ kạmi ńelteko botorokʼa; siń cando rakabokʼ khon hạsurokʼ hạbicʼ amge rạskạ sereńte sanam jaegakom perecʼ akada.

Sereńko 9:5

Am do eṭakʼ jạtrenkom dhomkaoetʼkoa ar bedhoromko dom nosṭoyetʼkoa; onkoakʼ ńutum do jaejug hạbicʼem mohor meṭao akatʼtakoa.

Jesaea 14:25

Ińakʼ disạm talare Ạsurren raj doń rạputʼ gejerea ar ińakʼ buru cetanreń lebetʼ gasmanḍaoea. Unre ińren hoṛko ṭhen khon uniyakʼ arãṛ do sạṅgińokʼa ar onkoakʼ taren khon bojha hõ ocogokʼa.”

Jesaea 21:15

Onko do tarwaṛe samaṅ khon, bocʼ akatʼ tarwaṛe samaṅ khon, ṭuniạu akatʼ akʼ sar khon ar botoranakʼ lạṛhại khonko dạṛ hecʼakana.

Jesaea 22:18

Uni do beṛhaete ghiriạ ạcurkate mitʼṭecʼ maraṅ okocʼ disạmreye lebda giḍikama. Onḍe dom gujukʼa, ar amakʼ napae napae rãt gạḍiko do doho akange tahena. Am do amren mạlikakʼ raj oṛakʼem besonot akada.

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Jesaea 30:28

Uniyakʼ sahẽtʼ do tạpiste ạtu hijukʼkan dakʼ leka oka do manwakoakʼ hoṭokʼ hạbicʼ rakabokʼkan. Uni do sanam jạtrenko nonosṭo reakʼ calateye calakoa ar mocare jhinkate maraokʼ secʼe or idikoa.

Jesaea 34:17

Uni do gulibãṭkate ar jokha baberte soṅkate ona jaegae hạṭińakoa. Ar ona do jaejug onkoakʼge tahena; ar piṛhike piṛhi onko do onḍeko girobasokʼa.

Jesaea 40:15

Ńelpe, boṅgan hoṛ jạtrenko do kanḍa reakʼ mitʼ ṭhopʼ dakʼ lekanako; onko do tulạ reakʼ dhuṛi baraggeko lekhakʼ kana. Jalapuri reakʼ ṭạpuko do lemeń dhuṛi lekae tul rakapʼeda.

Jesaea 40:24

Enegeko rohoeyokʼ kana, ar enegeko erogokʼ kana ar enegeko rehedokʼ kana, uni do onko cetanreye oṅeda ar onko doko tolmojokʼ kana; mitʼṭecʼ hoe bharḍo leka uni doe oṭaṅ idiyetʼkoa.

Jesaea 41:11

“Okoe am cetanreko raṅgaokʼkan onko do khạṭige lajao arko bemanot ocokʼa. Okoe am upạrteko teṅgonkan onko do cetʼ cinhạge baṅ tahentakoa; onko doko marao utạrokʼa.

Jesaea 8:7

Ona iạte Probhu Isor do Phurạt gaḍa reakʼ ḍubạ dakʼ leka jotowakʼ ṭhonok salakʼ Ạsurren raj do usạrage onko upạrteye ạguiyea. Ona ḍubạ dakʼ do gaḍa ar nala reakʼ jotowakʼe ạtu idiya,

Daniel 2:35

Unre ona mẽṛhẽtʼ, jaṭaṅ hasa, pitạl, rupạ ar sona do mitʼdomte gejerena ar niron din reakʼ khạrại bhusạ leka hoyena, ar hoe do onakoe oṭaṅ idikeda, ar onako lạgitʼ do okare hõ ṭhạ̃i baṅ hoylena, Ar okaṭakʼ dhiri ona boṅga muṭhạnre josen, ona do mitʼṭecʼ maraṅ buru hoyena, ar goṭa dhạrti perecʼena.

Hosea 13:3

Ona iạte onko do setakʼ reakʼ kuṛhạ ar chanokʼkan sisir dakʼ leka kanako, onko do khạrại khon hoete oṭaṅ calakʼkan bhusạ leka, ar jalna secʼte oḍok calakʼkan dhũạ leka kanako.

Sephaniạ 2:2

Ona din do peṭecʼ leka uḍạu hijukʼkana; onate niṭ akatʼ okte ạuri hijukʼre, ar Probhu Isorakʼ jolokʼkan edre apere ạuri hijukʼre, uniyakʼ khĩs ạuri hijukʼre ape do mitʼ saote jarwakʼpe.