Jesaea 17:10 - সান্তালী বাইবেল

¹⁰ Am do amren babańcaoicʼ Isorrem hiṛiń akadea; ar ona asrayokʼ buru hõm hiṛińakada. Ar am do mońj mońj cara ar eṭakʼ disạm khon ạguwakʼ darkha nạ̃ṛĩkom rohoejoṅ kana,

Jesaea 17:10 Iomraidhean Croise

1 Bõsbudạ 16:35

Ape do menpe, “E Probhu, aleren Isor, ale rukhiyạleme baṛe; eṭakʼ jạtrenko tala khon mitʼ ṭhạ̃ire ạguleme baṛe ar ale rukhiyạleme, jemon ale do amakʼ sonot ńutumle ńumtam arle sarhao daṛeam arle õṛhẽ sereń daṛeamte amle sabasi daṛe am.

Sereńko 106:13

Menkhan uniyakʼ kạmi reakʼ katha do ạḍi usạrako hiṛińkeda; onko do uniyakʼ sopolha bako tạṅgileda.

Sereńko 106:21

Onkoren babańcaoicʼ Isor doko hiṛińkedea one okoe do Misorre maraṅ ar hahaṛawakʼkoe kạmiletʼ tahẽkan.

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Sereńko 31:2

Iń secʼ amakʼ lutur oḍaotam; ar bańcaoiń lạgitʼ usạrate hijukʼme. Iń rukhiyạyiń lạgitʼ asray cạṭạnige hoyokʼme ar ińakʼ aotan gaṛ hõ hoyokʼme.

Sereńko 65:5

E aleren babańcaoicʼ Isor, amakʼ dhorom reakʼ botoranakʼ kạmikote am do aleakʼ hohom luturakʼa. Dhạrtiren sanam manwa, ar sanam khon sạṅgińrenko ar jalapuri hanasaren hoṛko hõ amreko bhorsakʼa.

Sereńko 79:9

E aleren babańcaoicʼren Isor, amakʼ ṭhonok lạgitʼge goṛowaleme baṛe; amakʼ ńutum bahaokʼ lạgitʼge bańcaoleme ar aleakʼ kạiko ikạ kataleme.

Sereńko 85:4

E aleren babańcaoicʼ Isor, am do lahate leka beretʼ ruạṛlem; ar alere menakʼ amakʼ edre baṛe ocogtam.

Sereńko 9:17

Okoe jạtrenko do Isorko hiṛińedekan onko bedhoromko do gocʼkate patal puriteko calakʼa.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Jesaea 17:9

Enhilokʼ onkoakʼ kajak nagrahako do bir gajaṛ leka hoyokʼtakoa. Cetʼleka hoṛko do Israelko iạte nagraha bạgikateko dạṛletʼ onkage onkoakʼ dosa hõ hoyokʼtakoa. Onkoakʼ disạm do jarkharakʼge hoyokʼtakoa.

Jesaea 18:5

Phosol samṭao ạurire tinre baha baṅ tahena ar ona baha do darkha jokate belekʼa unre uni do kạidạte kahle ḍạrkoe hesea ar cap capa ḍạrko doe kaman giḍikakʼa.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 26:4

Ape do Probhu Isorre jaejug bhorsa akan tahenpe, ente Probhu, Isor do jaejugren asray buru kanae.

Jesaea 30:29

Ar ape do sonot porob ńindạpe manaoetʼ lekape sereńa. Ar hoṛko do tinre tiriạwante Probhu Isorakʼ burure rakapʼkate Israel reakʼ asray buru ṭhenko hijukʼa ar unre cetʼleka rạskạ hoyokʼ onkage apeakʼ ontor hõ rạskạkʼtapea.

Jesaea 33:2

E Probhu Isor, alere dayakʼme; ale do am lạgitʼgele koyokʼ hor akada. Dinạmge setakʼ jokhecʼ ińren hoṛkoren daṛe baṛe hoyokʼme, ar muhinre bańcaoleme.

Jesaea 44:8

Alope botorokʼa ar alope thar tharaokʼa. Iń do cetʼ ḍher laha khonge niạko bạń lại jạhir akawatʼpea? Apege ińren goha do; iń chaḍa cetʼ ar jãhãe Isor menakʼkoa? Baṅa, ar jãhãn asray buru do bạnukʼa; iń do ar celege bạń baḍae akatʼkoa.”

Jesaea 51:13

Ar ape okoeye sirjạu akatʼpe uni do cedakʼpe hiṛińkedea? Uni do sermae pasnao akada ar dhạrti reakʼ rehetʼe bạisạu akada. Cikʼpạyicʼakʼ kurkurạukʼ edrete cedakʼ ape do siń sạṭupʼpe torasokʼ kana? Uni cikʼpạyicʼakʼ edre do botoranakʼ cetʼ hõ baṅkana.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 62:11

Probhu Isor do dhạrti reakʼ ses simạ hạbicʼe lại sodoreda, “Sionren kuṛi metaepe, ‘ńelme amren babańcaoicʼ doe hijukʼkana. Ńelme, uni okaṭakʼ kuṛạiye ńamakatʼ ona do acʼ sãotege menakʼtaea; ar acʼakʼ kuṛại do uni ṭhenge menakʼa.’ ”

Jirimiạ 12:13

Onko do guhumko ereda menkhan jạnumgeko ireda; onko do kạṭhinko khaṭaokʼkana menkhan cetʼge bako ńameda. Probhu Isorakʼ jolokʼkan edre iạte ape do apeakʼ phosol irpe lajaokʼ kana.”

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 2:32

Jãhãe kuṛige cetʼ acʼakʼ abhrankoe hiṛiń daṛekea? Jãhãe baplakʼkan bạhu kuṛi do cetʼ bapla reakʼ abhrane hiṛiń daṛekea? Menkhan ińren hoṛko do ḍher din khon ińko hiṛiń akadińạ.

Jirimiạ 3:21

Ceḍe ḍuṅgriko cetanre Israelkoakʼ rakʼjoṅ ar nehõr reakʼ aṛaṅ ańjomokʼ kana, ente onko do akoakʼ horko konḍea akatʼtakoa ar akoren Probhu Isorko hiṛiń akadea.

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Jeheskel 23:35

Am do ińem hiṛiń arem dea giḍi akadińte amakʼ laṭghaṭ ar kusumbi reakʼ kuṛạiyem joma. Iń Probhu Isorge noa katha doń meneda.”

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Hosea 8:14

Israelren hoṛ do akoren sisirjạuicʼ hiṛińkate maraṅ maraṅ oṛakʼko benaojoṅ kana; Ar Jihudạren hoṛko hõ pạcrite nagrahako esetʼ ạcurakada. Menkhan Iń do onkoakʼ nagrahako cetanre seṅgeliń kola ar ona do onkoakʼ sanam gaṛkoe jarkhartakoa.”

Joel 1:17

Itạko do ḍhelka hasa latarre rohoṛ roṅgoyena. Phosol reakʼ murại do jarkharena, gola oṛakʼ do jotoge rạputʼ giḍi ocoakana, ente phosol do jhãorayena.

Levitikus 26:16

enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Levitikus 26:20

Unre ape do ạuṛiyakʼpe khaṭao gujukʼa. Unre apeakʼ jumikore jãhãn phosolge baṅ hoyokʼa, ar darekore hõ baṅ jokʼa.

Amos 5:11

Ape do reṅgecʼ hoṛpe santaoetʼkoa ar jor julumkate onko ṭhen khon guhumpe ạdạiyetʼkana. Ape do dhiri reakʼ maraṅ maraṅ oṛakʼkope benaojoṅ kangea menkhan onare do bape girobas daṛeakʼa. Ape do mońj darkha bagwanpe benao joṅkangea enhõ ona reakʼ darkha rasa do bape ńũ ńama.

Habakkuk 3:18

enhõ iń do Probhu Isor iạteń rạskạkʼa; ar ińren babańcaoicʼ Isor iạtegeń hulạsokʼa.

Sephaniạ 1:13

Onkoakʼ dhon do luṭ idikʼtakoa ar onkoakʼ oṛakʼ-duạr hõ maraokʼtakoa. Onko do oṛakʼ-duạrko benaojoṅa menkhan onare do bako tahẽdaṛeakʼa; darkha bagwan hõko benaojoṅa menkhan darkha rasa do bako ńũ daṛeakʼa.”

Dosar Biboron 28:30

“Okoeṭakʼ maejiu sãote baplakʼ lạgitʼem ṭhik dohoy uni tulucʼ do eṭakʼ herel hoṛe giticʼmidokʼa. Oṛakʼpe benao joṅgea menkhan onare bape tahẽ daṛeakʼa. Darkha bagwankope benaogea menkhan ona reakʼ jo do bape jom daṛeakʼa.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

Dosar Biboron 32:18

Ape do ona asray burupe nihạ̃t giḍiakada okoe doe aperen babakan; uni Isor dope hiṛiń akadea okoe do eṅgat leka bedon talate noa dhạrtiteye ạguakatʼpe.

Dosar Biboron 32:31

Bạirikoakʼ asray buru do aboakʼ asray buru leka do baṅkana, noa do aboren bạirikoakʼ bicạr phanḍaoakʼ kana.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Dosar Biboron 8:11

Sontor akae tahenpe teheń uniyakʼ okako hukum ar niạmkoń emapekan onako bebatao iạte aperen Isor do alope hiṛińea.

Dosar Biboron 8:14

Unre ape do bạḍại iạtepe phulạukʼa ar golam oṛakʼ khon okoeye oḍok ạgu akatʼpe uni aperen Isorpe hiṛińea.

Dosar Biboron 8:19

“Ar jãhãtisokʼ aperen Isor hiṛińkate debotako secʼpe ạcurokʼte onkope sewawako, enḍekhan teheń ape upạrte noa katha do khạṭitegeń roṛeda, ape dope marao utạrokʼa.