Jesaea 17:1 - সান্তালী বাইবেল

¹ Damesek reakʼ nạbi katha do nonka leka: Probhu Isore meneda, “Ńelpe, Damesek nagraha do ar baṅ tahena, ona do mitʼṭecʼ dhaṅdhaserakʼ ḍạṅge hoyokʼa.

Jesaea 17:1 Iomraidhean Croise

Genesis 14:15

Uni do acʼren hoṛkoe hạṭińketʼkoa ar ńindạ jokhecʼ bạirikoe ńẽtʼketʼkote onkoe bhagaoketʼkoa. Ona tayom uni do Damesek utạr reakʼ Hoba hạbicʼe laga idiketʼkoa.

Genesis 15:2

Abrame menkeda, “E Probhu, Ińren Isor, am do cetʼem imạńa. Ińren ma cele gidrạge coṅ bạnukʼko. Ińiń gujukʼ tayom do Damesekren Elieserge ińakʼ sompottiren mạlik doe hoyokʼa.

1 Rapajko 11:24

Dạud do tinre sebaren lạṛhại phạdkoe gocʼetʼko tahẽkana unre Reson do thoṛa hoṛkoante luluṭ dole benaokeda ar acʼ do onaren mukhiyại hoyena. Noko hoṛko do Damesek nagrahako hatketʼte onḍe rajosṭi calaoko ehopʼ akan tahẽkana.

2 Rapajko 16:9

Asurren raj doe rạjiyena ar uni do Dameseke akromonketʼte onae hatkeda. Ar onḍenko hoṛkoe bondi idiketʼkoa ar Resin doe gocʼkedea.

1 Bõsbudạ 18:5

Ar Damesekren Aramren hoṛko do tinre Sibaren raj Hoddesor goṛowae lạgitʼko hecʼena unre Dạud do onkoren bargel bar hajar hoṛkoe gocʼketʼkoa.

2 Bõsbudạ 28:23

Uni do Damesekren debotakoko bhagaoledete onko lạgitʼ dãṛẽkoe samaṅketʼkoa. Uni doe hudiskeda, “Aram rajren debotako do onkoko goṛowako kana, onate iń hõ goṛo ńam lạgitʼ onko debotako ṭhen janwariń dãṛẽkoa.” Menkhan onko debotageko hoyokʼkana uniyakʼ ar goṭa Israelre sorbonas hoyokʼ reakʼ karon do.

2 Bõsbudạ 28:5

Ona iạtege Probhu Isor do Aram rajakʼ tire uniye jimạkadea. Aramrenko do uniko bhagaokedea ar uniren ḍher hoṛko bondiketʼkote Damesekteko idiketʼkoa. Uni hõ Israelren raj Pekawakʼ tireye jimạ ocoyena. Israelren raj do uniren ạḍi utạr hoṛkoe gocʼketʼkoa. Remaliạ hopon Peka do mitʼ dinte Jihudạren mitʼ lakh bargel hajar lạṛhại phạdkoe gocʼketʼkoa, ente Jihudạren hoṛko do akoren hapṛamkoren Probhu Isorko bạgi giḍi akade tahẽkana.

Jesaea 10:9

Kalnowakʼ dosa do cetʼ Karkemis leka do baṅkana? Ar Hamat do cetʼ Arpad leka baṅkana? Samariạ do cetʼ Damesek leka do baṅkana?

Jesaea 13:1

Amosren hopon Jesaea do Babel reaṅ dorsone ńamleda.

Jesaea 15:1

Moab babotre Probhu Isorakʼ katha do nonka kana: Moab reakʼ Ar ńutumanakʼ nagraha ar Kir nagraha do mitʼ ńindạtege jarkharena.

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

Jesaea 37:26

Am do cetʼ bam ańjomakada, ḍher din laha khonge ona doń niṭakatʼ tahẽkana, ar ḍher din laharege ona reakʼ iń goṭa akatʼ tahẽkana mente? Ńitokʼ do onań hoyocokeda. Onatege pạcrite esetʼ nagrahako do dhiri puńjirem hoyocoakada.

Jesaea 7:8

ente Aramren matha Damesek baṅ cetʼ ar Damesekren matha Resin raj baṅe cele kan? Turuigel mõṛẽ bochor bhitrite Ephrayem do nonkae marao utạrokʼa je, jạtrenko lekate uni do ar bae tahena.

Jesaea 8:4

Ar uni gidrạ do ‘Gogo’ se ‘Baba’ roṛ ạuriye cedrege Damesek reakʼ dhon durib ar Samariạ reakʼ luṭakʼ jinisko do Ạsur raj hecʼkateye idijoṅa.”

Jirimiạ 49:2

Ńelme, okteko hijukʼkana tinre iń do Amonrenkoakʼ Raba nagraha upạrte lạṛhại reakʼ andoṛiń ańjom ocoya; unre ona do dhaṅdhaser akatʼ ḍạṅge hoyokʼa, ar ona beṛhaeteakʼ atoko do seṅgelko junḍiyakʼa. Unre Israelko do okoe ṭhenko dokhol ocolen onkogeko dokholkoa. Iń Probhu Isorge noa katha doń meneda.

Mikạ 1:6

Ona iạte Probhu Isore meneda, “Samariạ do khola ṭạnḍi reakʼ ḍipigeń hoeocoya, ar ona do darkha nạ̃ṛĩ rohoe reakʼ ṭhạ̃ige hoyokʼa. Ona reakʼ dhiriko do lodamreń giḍikakʼa ar ona reakʼ rehetʼ doń oṭakʼ dohokakʼa.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Sakariạ 9:1

Hadrak ar Damesek upạrte Probhu Isorakʼ oka katha sodorlen ona do purạukʼa. Israel gusṭirenko ar eṭakʼ sanam manwakoakʼ mẽtʼ do Probhu Isorrege menakʼa.

Dosar Biboron 13:16

Ar onḍenakʼ luṭ ạguwakʼ joto jinisko do nagraha reakʼ tala kulhirepe dohoya ar sanamakʼ jinisko, ona ato ar nagraha hõ aperen Probhu Isor ńutumte jeredokʼ samaṅokʼakʼ leka purạtepe jeretʼ giḍikakʼa. Ona jaega do jaejug hạbicʼ ḍhipi leka tahena; ar ona do tishõ baṅ benao hoyokʼ.