Jesaea 16:6 - সান্তালী বাইবেল

⁶ Ale do Moabakʼ bạḍại reakʼ kathale ańjom akada; uni do ạḍitetʼ bạḍại menakʼtaea. Uniyakʼ gorbo reakʼ katha, ar acʼ apnarte maraṅokʼ reakʼ katha ar sanam lekan bạḍại reakʼ kathale ańjomakada, menkhan joto bạḍại do ạuṛiyakʼgetaea.

Jesaea 16:6 Iomraidhean Croise

Kạhtukko 21:24

Bạḍại ar dhomokkan hoṛakʼ ńutum do, “Landa dhutʼicʼ;” uni do bạ̃ṛti gorbokʼ tulucʼe kạmiya.

Jesaea 15:1

Moab babotre Probhu Isorakʼ katha do nonka kana: Moab reakʼ Ar ńutumanakʼ nagraha ar Kir nagraha do mitʼ ńindạtege jarkharena.

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 25:10

Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

Jesaea 25:11

Paerakʼicʼ cetʼ leka tiye pasnaoetʼtae onkage onko hõ guricʼre akoakʼ tiko pasnaotakoa. Onkoakʼ ti reakʼ kurumuṭu do ạuṛiyakʼge hoyokʼtakoa; Isorge onkoakʼ bạḍại doe rạpudtakoa.

Jesaea 28:15

Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”

Jesaea 28:18

Moron tulucʼ okaṭakʼpe bondobos akatʼ ona do bạtilokʼa; ar Sheol sãote oka bondobospe bandhao akatʼ ona hõ baṅ ṭikạukʼtapea. Maraokʼ reakʼ cạbuk pheḍ hijukʼre, ape do onatepe dal ocokʼa.

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jirimiạ 48:14

“Ape do cekatepe meneda, ‘birbao hoṛ kanale, ale do dilan lạṛhại bir kanale?’

Jirimiạ 48:26

“Moab bul ocoyepe, ente uni do iń upạrte apnartetʼ maraṅe udugokʼ kana. Uni do acʼakʼ becʼreye jobe akana; uni do landa-dhutʼicʼgeye hoyokʼa.

Jirimiạ 48:42

Jạtrenko lekate Moab doe marao ocokʼa, ente iń upạrte acʼteye usul akana.

Jirimiạ 50:36

Uniren bhonḍ nạbiko upạrte hõ tarwaṛe menakʼa; onko do lelhako hoyokʼa. Uniren birbão hoṛko upạrte hõ tarwaṛe menakʼa; onko do botor caṛhaoakoa.

Amos 2:1

Probhu Isore meneda, “Moab reakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea, ente uni do Edomren rajakʼ jaṅkoe lo torocʼ akatʼtaea.

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”