Jesaea 16:4 - সান্তালী বাইবেল

⁴ Moabren dạdạṛkan hoṛko do ape sãote tahẽ ocoakope; ar jarkharkoakʼ ti khon rukhiyạkope.” Jihudạren sasantaoko doko marao utạrokʼa; onkoakʼ jarkharokʼ reakʼ kạmi do thirokʼtakoa. Disạmre sasantaoko do ar bako ńelokʼa.

Jesaea 16:4 Iomraidhean Croise

Jesaea 15:6

Nimrim reakʼ sanam dakʼ do nosṭo ocoakana ar ghãs hõ rohoṛ kạrcupʼ akana; dareko hõ bạnukʼa, legecʼ hạṛiạṛ mente ar cetʼge sarecʼ do bạnukʼa.

Jesaea 25:10

Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jesaea 51:13

Ar ape okoeye sirjạu akatʼpe uni do cedakʼpe hiṛińkedea? Uni do sermae pasnao akada ar dhạrti reakʼ rehetʼe bạisạu akada. Cikʼpạyicʼakʼ kurkurạukʼ edrete cedakʼ ape do siń sạṭupʼpe torasokʼ kana? Uni cikʼpạyicʼakʼ edre do botoranakʼ cetʼ hõ baṅkana.

Jesaea 54:14

Am do dhoromge bandhao akanem tahena. Am ṭhen khon jor julum do pharakokʼa; amakʼ botorteakʼ do cetʼge baṅ tahena. Bạṛicʼ botorko hõ sạṅgińokʼa, ar am ṭhen baṅge hijukʼa.

Jesaea 58:7

reṅgecʼ hoṛko apeakʼ jomakʼ khon hạṭińakope, ar asray bạnukʼtako hoṛko apeakʼ oṛakʼre asray emakope, jãhãe uluṅpe ńellekore kiricʼ horokʼakope, ar aperen peṛa pạrbhạko alope dea giḍikoa. Niạkope kạmi lekhan apeakʼ do sạriyakʼ reakʼ upạs hoyokʼtapea.

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Jirimiạ 21:12

‘E Dạud bõsrenko, Iń Probhu Isorgeń meneda, ape do din hilokʼ setakʼ jokhecʼ hok reakʼ bicạrtakope. Luṭ ocoakanicʼ do uniren sasantaoicʼ khonpe rukhiyạyea; ar baṅkhan apeakʼ bạṛicʼ kạmiko khạṭirte ińakʼ edre do seṅgel leka oḍokokʼte jolokʼa, ona do okoehõ bako ĩṛĩcʼ daṛeakʼa.

Jirimiạ 40:11

Moabrenko, Amonrenko, Edomrenko ar eṭakʼ disạmren sanam Jihudikoko ańjomkeda baṅma Babelren raj do Jihudạ disạmre thoṛa hoṛe bạgi oṭo akatʼkoa ar Gedaliạ do onko cetanre disạm cakʼlaoyicʼ dohoakadea.

Jirimiạ 48:18

Probhu Isore meneda, “E Dibonren hoṛko, apeakʼ ṭhonok reakʼ ṭhạ̃i khon pheḍ hijukʼte khaṅgoṭ otre duṛupʼpe, ente Moabren dhaṅdhasericʼ do ape upạrte hecʼkate apeakʼ gaṛkoe dhaṅdhasertapea.

Jirimiạ 48:8

Mitʼke mitʼ nagraha upạrte dhaṅdhasericʼe hijukʼa ar oka nagrahage bae paskao daṛeakʼa. Ińakʼ katha leka buru nala do maraokʼa ar bilạn ṭạnḍi do jarkharokʼa.

Obodiạ 1:14

onkoren dạdạṛkan hoṛko gocʼko lạgitʼ onkoakʼ horrem tãṛãkʼlena, ar onkoakʼ kosṭokʼ hilokʼre onkoren paskaolen hoṛko do bạirikoakʼ tirem soprotketʼkoa. Noako am lạgitʼ lek do baṅ tahẽkana.

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Sakariạ 9:8

Jhãpko calaoetʼkan lạṛhại phạdkoakʼ ti khon ińren hoṛkoń rukhiyạkoa. Jãhãn sasantaoko do tishõ ińren hoṛko ṭhen bako hijukʼa, ente ńitokʼ do ińgeń horhoyetʼkana.

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

Dosar Biboron 24:14

“Paona babotre reṅgecʼ orecʼ ar din mạjuriko cetanre alope behoka baṅ doe aperen Israel boehakan ar baṅ doe apeakʼ disạmren upriạ hoṛkan.

Johan sodor 11:2

Menkhan mundil bahrere okaṭakʼ raca menakʼ ona do badkakʼme, alom soṅa, ente ona do boṅgan hoṛ jạtrenkoko em ocoakana. Onko do pongel bar cando hạbicʼ sonot nagrahako lebetʼ gańjaoa.