Jesaea 16:12 - সান্তালী বাইবেল

¹² Moab do tinreye bujhạu daṛeakʼa, than boṭkocʼkore senkate jãhãn lab bạnukʼa unre uni do koejoṅ lạgitʼ acʼakʼ mundilteye bolokʼa; menkhan onate hõ jãhãn lab do baṅ hoyokʼtaea.

Jesaea 16:12 Iomraidhean Croise

1 Rapajko 11:7

Jerusalem purub reakʼ buru cetanre uni do Moabren hirkhạwạnicʼ debota Kemos ar Amonikoren hirkhạwạnicʼ debota Molok ńutumte sewawạkin lạgitʼ than boṭkocʼ koe benaokeda.

1 Rapajko 18:29

Onko do tikin khon tarasiń okte reakʼ janwar samaṅokʼ okte hạbicʼ boktaokʼtegeko tahẽyena. Menkhan jãhãn aṛaṅge bako ńamleda, ar cele hõ bae roṛ ruạṛatʼkoa, ar mone hõ bae moneyatʼkoa.

2 Rapajko 19:12

Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼkan Edonren debotako do cetʼ onkoko rukhiyạ daṛeatʼko tahẽkana?

2 Rapajko 3:27

Unre uni do acʼren pạhil hopon, okoe do acʼ tayom raje hoykokʼ uni do nagraha reakʼ pạcri cetanre idikateye dãṛẽkedea ar seṅgelreye samaṅkedea. Uni do Israelko cetanre ạḍi ãṭe edreyena, ar Israelko doko uṭhạuente akoakʼ disạmteko ruạṛ calaoena.

Kạhtukko 1:28

“Unre bebujkoko hohoạńạ menkhan bạń moneyakoa; ińko ńam baṛayińạ menkhan bako ńam daṛeạńạ.

Jesaea 15:2

Moabren hoṛko do rakʼjoṅ lạgitʼ Dibonakʼ mundilre ar than boṭkocʼkoreko rakapʼ akana. Onko do Nebo ar Medeba ńutumteko homor halaṅeda. Onko do jotoge bohokʼko hoyo munḍrạ akana ar goco hõko kaṭopʼ akatʼtakoa.

Jesaea 16:13

Probhu Isor do Moab reaṅ niạ katha laharegeye roṛ akada.

Jesaea 26:16

E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Jesaea 37:38

Mitʼdin Senakerib do acʼren debota Nisrokakʼ mundilreye dewa sewayetʼkan tahẽkanre uniren hopon Adramelek ar Sareser do onḍe bolokate tarwaṛete unikin gocʼkedea ar Ararat disạmtekin dạṛkeda. Ar uniren hopontetʼ Esarhadon do uni bodolteye rajena.

Jesaea 47:13

Am okaṭakʼ solham ńamakatʼ ona do ame laṅga ocoakatʼmea. Amren gukʼniko do samaṅ secʼko hijukʼma; ipilko ńelte okoe do cando candoko nạbiyetʼ onko do amre oka paṛao lạgidokʼkan ona khonko rukhiyạmema.

Jirimiạ 10:5

Onkoren boṅgako do taher goḍare bitʼ akatʼ bhibhiṛkạu khunṭiko leka kanako, onko do katha bako roṛ daṛeakʼa; onko do gokʼ idiko hoyokʼa; ente bako taṛam daṛeakʼa. Alope botorakoa; onko do apeakʼ bako loksan daṛeakʼa, ar bhạlại hõ bako bhạlại daṛeapea.”

Jirimiạ 48:13

Israelko Bethelre pạtiạukate cetʼlekako lajao ocolen onkage Moab hõ Kemos reaṅ iạteko lajao ocokʼa.

Jirimiạ 48:35

Iń Probhu Isorge noa katha doń meneda, Moabre okoe do than boṭkocʼkore samaṅokʼakʼko samaṅetʼ tahẽkan ar onkoren debotako ńutumte dhupko jeretʼetʼ tahẽkan onko doń marao utạrkoa.

Jirimiạ 48:46

E Moab, hae am do! Kemosren hoṛ doko marao utạrena; ar amren hoponko do sạṅgiń disạmteko idiakatʼkoa ar amren hoponerako hõko bondi ocoakana.

Jirimiạ 48:7

Am do amakʼ kạmi ar dhon cetanrem bhorsa akanre hõ am dom bondi idi ocokʼa, ar Kemos do acʼren naeke ar rajkạmiyạko sãote bondikate saṅgińteye idi ocokʼa.

Numeri 21:28

Hesbon nagraha khonakʼ seṅgel do oḍok hecʼente Moab ar nagrahakoe jarkharkeda ar Arnon gaḍa aṛe girobasokʼkanko do ona seṅgelteye atarketʼkoa.

Numeri 22:39

Inạ tayom Biliam do Balak sãote Kiriat Husot atoteye calaoena.

Numeri 22:41

Ar dosar hilokʼ setakʼ jokhecʼ Balak do Biliame soṅgekedete Bamot Bakʼal buruteye rakapʼena. Ar Biliam do onḍe khon Israelkoren eken mitʼ hĩs hoṛgeye ńelketʼkoa.

Numeri 23:14

Niạ menkate Balak do Pisga buru muthnire okare Sophim ṭạnḍi menakʼ onḍe uniye idikedea. Onḍe uni do eae goṭecʼ pinḍ benaokate mimitʼ goṭecʼ cetanre mitʼṭenkate ḍaṅgra ar mitʼṭenkate bheḍae samaṅketʼkoa.

Numeri 23:28

Niạ menkate Balak do Piạr burute one onḍe khon hahaṅkar reakʼ Jisimon ńel ńamokʼ onḍe Biliame idikedea.

Numeri 24:17

‘ńitokʼ baṅre hõ iń do uniń ńelńame kana, ar iń sorrene baṅkanre hõ enhõ uni doń ạritʼ edekana. Mitʼṭecʼ ipil doe rakapʼa Jakobakʼ bõsre, mitʼṭecʼ raj ṭheṅgage Israelko mod khon rakapʼ hijukʼa. Uni do Moab ar Setren hoponkoakʼ bohokʼe gejertakoa.