Jesaea 16:11 - সান্তালী বাইবেল

¹¹ Ińakʼ jiwi do Moab lạgitʼ, ińakʼ bhitri do Kir-Heres lạgitʼ peṛesaṅ leka ṭiṛiṅ ṭuṛuṅokʼ kana.

Jesaea 16:11 Iomraidhean Croise

Jesaea 15:5

Moab lạgitʼ ińakʼ ontor doe rakʼeda; uniren hoṛko do Soar secʼ Eglath-selesia hạbicʼko dạṛetʼ kana. Onko do rakʼ rakʼte Luhit buru reakʼ horteko rakapʼ calakʼkana; onkoakʼ ṭhạ̃i do dhaṅdhaser akantakote rakʼ homorate Horonạiyim reakʼ horteko calakʼ kana.

Jesaea 21:3

Iń do lacʼ hasoteń thakao akana, maejiuakʼ bedon leka haso rakapʼ akadińạ. Ar ạḍi jalaregeń paṛao akana, ariń ańjomeda, botorge ańjomokʼkana, menkhan bạń ńel ńameda.

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jirimiạ 48:31

Onate iń do Moab lạgitʼ iń homor halaṅa, goṭa Moab lạgitʼ iń raga, Kir-Heresren hoṛko lạgitʼ doń hae haeyokʼa.

Jirimiạ 48:36

Onate Moab reakʼ ar Kir-Heresren hoṛko lạgitʼ ińakʼ ontor do tirio leka ńohoṛ ńohoṛokʼkantińạ. Ar okaṭakʼ dhonko jarwaletʼ ona hõ cabayentakoa.

Rak̕joṅ 1:20

E Probhu Isor, ńelme, tinạkʼ iń kosṭokʼ kana! Iń bhitrire hõń sasetokʼ kana. Ińakʼ ontor do torasokʼ kantińạ, ente iń do huhulicʼ iń hoyakana. Nagraha bahrere do tarwaṛe jiwiye hataoeda, ar bhitrire do eken gujukʼge menakʼa.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Philipiko lạgitʼ Pạul apostolakʼ ciṭhi 2:1

Enḍekhan Mạsi tulucʼpe kolom mitʼakan iạte uskur mon ńamokʼkan khan, ar Mạsiyakʼ dulạṛ iạte jiwire juḍạsi ńamokʼkan khan, sonot Jiu ar ape talare helmel menakʼ khan, apeakʼ ontorre mãyã ar daya menakʼ khan,