Jesaea 16:1 - সান্তালী বাইবেল

¹ E Moabrenko, ape do hahaṅkar ṭoṭha reakʼ Sela ar Sion buru disạmren disạm cakʼlaoko ṭhen dan sandes lekate bheḍa hoponko kolkope.

Jesaea 16:1 Iomraidhean Croise

2 Samuel 8:2

Dạud do Moabrenko hõe bhagaoketʼkoa. Uni do Moabrenkoe ńẽtʼketʼkote otreye giticʼketʼkoa ar baberteye jokhaketʼkoa. Pạhil bar baber jokharen hoṛ doko gocʼ ocoyena ar mitʼ baber jokharen hoṛ do jiwetʼko doho ocoyena. Inạ tayom Moabrenko do Dạud gobolre tahẽkate khajna emaeko ehopʼena.

2 Rapajko 14:7

Amasiạ do buluṅ doreãore gel hajar Edomrenkoe gocʼletʼkoa ar lạṛhạikate Selae hatkeda ar ona reakʼ ńutum do Joktheyele dohokeda; ona ńutum do teheń hạbicʼ hõ menakʼgea.

2 Rapajko 3:4

Moabren raj Misaren do ạḍi utạr bhiḍiko tahẽkantaea. Uni do khajna lekate mitʼ lakh bhiḍi hopon ar mitʼ lakh bhiḍi upʼ Israelren raje emaekan tahẽkana.

Esra 7:17

Am do onako sona ar rupạte ḍaṅgrako, bheḍako ar bhiḍi hoponko ar ona soṅgeteakʼ anaj-samaṅokʼakʼ ar coḍor samaṅokʼakʼ jinisko mońjte ńelkatem kirińa ar Jerusalemre aperen Isorakʼ oṛakʼre pinḍ cetanre onakom samaṅa.

Jesaea 10:32

Teheń Ạsurrenko do Nobre senkateko thirokʼa; onko do Sion kuṛiyakʼ buru secʼ, metakʼme Jerusalem buru secʼ muṭko epel akatʼtakoa.

Jesaea 42:11

Hahaṅkar ar ona reakʼ nagrahakoren do ãṭteko sarhao sereńma; Kedarre tahenkanko hõko sarhao sereńma, Selaren hoṛko hõ hulạsateko sereńma, buru reakʼ cuṛạ khon hõ rạskạteko sereńma.

Jeheskel 45:16

Disạmren sanam hoṛ do Israelren disạm cakʼlaoyicʼ noa sandesko emaea.

Mikạ 4:8

E bhiḍi gukʼpikoakʼ pahra oṛakʼ, E Sion kuṛi reakʼ gaṛ, lahateakʼ rajosṭige am ṭhen do ruạṛ ocokʼa; raj do arhõ Jerusalemreye rajokʼa.”