Jesaea 14:2 - সান্তালী বাইবেল

² Ar eṭakʼ eṭakʼ jạtrenko do akoakʼ disạmteko idi seṭerkoa. Probhu Isorakʼ disạmre eṭakʼ jạtrenko do Israelren guti kạ̃ṛmĩko hoyokʼa. Ar okoe do Israelko bondiletʼko ńitokʼ onko do akogeko bondi ocokʼa ar Israelko do akoren sasantaoko cetanre mạlikiko calaoa.

Jesaea 14:2 Iomraidhean Croise

Esra 2:65

Ona chaḍa eae hajar pe sae pegel eae hoṛ do guti-kạ̃ṛmĩko ar barsae hoṛ do sekʼreń dolrenko tahẽkana.

Sereńko 68:18

Tinre am do sermatem rakapʼena unre lạṛhại kạidikom idiketʼkoa. Ar hoṛko talare, teṅgo daramko talare tahen jokhecʼ am ṭhen do ạḍi utạr dan hecʼlena, jemon am do, E Probhu Isor, onko talarem tahẽ daṛeakʼ.

Jesaea 18:7

Unre phạdkoren Probhu Isor ṭhen do onko usul ar cĩkạ̃ṛ jạtrenko ṭhen khon sandesko hijukʼa. Onko do boṅgan hoṛ jạtren kanako okoe do sor ar sạṅgińren hoṛko botorakokan. Onko do noko daṛean jạtren kangeako okoe do eṭakʼko jaṅgateko lebetʼ gańjaoetʼko ar okaṭakʼ disạm do gaḍa soḍokʼkote hạṭiń akantako. Onko jạtrenkoakʼ dan sandes do Sion burure, phạdkoren Probhu Isorakʼ tahen ṭhạ̃ite ạgukʼa.

Jesaea 31:8

Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Jesaea 49:22

Probhu Isore meneda, “Ńelme, iń do isạrate eṭakʼ jạtrenkoń hohowakoa ar ińakʼ nisạn iń udukʼakoa. Onate onko do hoborate ińren hoponkoko ạgukoa ar ińren hoponerko doko ghõṛa ạgukoa.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 49:25

Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Jesaea 54:3

ente am do etom ar kõńe secʼem pasnaokʼa. Amren hoponko do eṭakʼ jạtrenkoakʼ disạmko dokholjoṅa ar ujạṛakʼ nagrahareko girobasokʼa.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jesaea 60:4

“Am do beṛhaete beṅgetʼ rakabme, onko sanamkoge mitʼ domte am ṭhenko hijukʼkana; amren hoponko do sạṅgiń khonko hijukʼkana ar amren hoponerako doko heo ạgu ocokʼkana.

Jesaea 61:5

Eṭakʼ jạtren hoṛko do hecʼkate aperen pal bhiḍikoko gupikoa; ar bidisiạko do apeakʼ anaj khetkoren ar darkha bagwanren mạliko hoyokʼa.

Jesaea 66:12

Probhu Isore meneda, “Iń do uni secʼ gaḍa dakʼ leka bhạlạiyiń ạtu ocoya, ar boṅgan hoṛren jạtrenkoakʼ dhon-durib do uni ṭhen banbạsi leka ạtu hijukʼa. Ape do nonkan bale gidrạ lekape hoyokʼa ape dope nunuiya ar ḍanḍarepe heokokʼa ar hoborrepe cerecʼ ocokʼa.

Jirimiạ 30:16

“Menkhan okoe amko ses utạretʼme onko sanamgeko marao ocokʼa; amren sanam bạiri do bondi dosareko calakʼa. Ar okoe ame luṭ akatʼme uni hõe luṭ ocokʼa; okoe amakʼ jinisko recʼetʼme iń hõ onkoakʼ jiniskoń recʼ ocoytakoa. Hoṛ do amko metama, ‘nui kangeae uni sạṅgiń ocoakan Sion do one uniyakʼ khoj okoehõ bako hataoetʼkan,

Jirimiạ 49:2

Ńelme, okteko hijukʼkana tinre iń do Amonrenkoakʼ Raba nagraha upạrte lạṛhại reakʼ andoṛiń ańjom ocoya; unre ona do dhaṅdhaser akatʼ ḍạṅge hoyokʼa, ar ona beṛhaeteakʼ atoko do seṅgelko junḍiyakʼa. Unre Israelko do okoe ṭhenko dokhol ocolen onkogeko dokholkoa. Iń Probhu Isorge noa katha doń meneda.

Jeheskel 39:10

Onko do sahan jogaṛ lạgitʼ ṭạnḍi khon se bir-gajaṛ khon ạgu baṅ lagao akoa, ente sahan bodolte khanḍa bhanḍako jereda. Onko do luluṭkoakʼ jinisko luṭ joṅa; ar rerecʼkoakʼ jinisko recʼ ruạṛkoa. Iń Probhu Isorge noa katha doń menetʼkana.

Daniel 7:18

Menkhan mucạtʼre maraṅ Isorren hoṛko do ektiạri ńamkate jaejug, hẽ, jaejug hạbicʼko rajokʼa.’

Joel 3:8

Aperen hopon ar hoponerako do Jihudạren hoṛ ṭheniń ạkhrińkoa ar onko do sạṅgińre menakʼko Saba jạtren ṭhenko ạkhrińkoa.” Noa katha do Probhu Isorgeye menetʼkana.

Levitikus 25:44

“Ape aḍepasere okoe jạtrenkoko tahenkan onko mod khon ape do guti kạ̃ṛmĩkope kiriń daṛeakoa.

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.

Sakariạ 2:13

E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.

Sakariạ 2:9

Iń do onko upạrte khạṭige ińakʼ tiyiń tultińạ, onate onkoren gutiko do onkoko luṭkoa.” Ar tinre ona hoyokʼa unrepe bujhạu daṛeakʼa, phạdkoren Probhu Isor do ińgeye kol akadińạ.

Luk 12:45

Menkhan uni sordar do acʼakʼ monreye menle khan, ‘ińren kisạ̃ṛ do hijukʼe bilomeda.’ Ar unre uni do sãoten guti ar kạ̃ṛmĩkoe dalkote jom-ńũkate bulokʼe ehobokʼ.

Romiko lạgitʼ Pạul Apostolakʼ ciṭhi 15:27

Onko do noa dan rạskạtegeko uṭhạu akada. Ona chaḍa noa manḍerko do Jerusalemren Isorren hoṛko ṭhenko rinigea, ente Jihudiko do akoakʼ Jiuteakʼ bhor dan reakʼ bhag tinre boṅgan hoṛ jạtrenkoko hạṭiń akatʼkoa unre boṅgan hoṛ jạtrenko hõ Jihudiko gharońj secʼte goṛowako do lek kantakoa.

2 Korinthiko 10:5

Ale do manwakoakʼ eṛeteakʼle nosṭoyeda ar Isor baḍaeye horre tạkicʼakʼ leka oka hudis bundisko usulokʼe menjoṅkan ona dole dhaṅ dhasereda; ar mon reakʼ mimitʼ hudis bundisko do Mạsi ṭhenle gobol ocoyeda.

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Ephesiko lạgitʼ Pạul Apostolakʼ ciṭhi 4:8

Onatege sonot sostorreye meneda, Uni do sermateye rakapʼenre, lạṛhại kạidikoe kạidi idiketʼkoa, ar manwako aema dane ematʼkoa.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.